YEKIKITHI AKINIU 26:9 - Sumi Naga CL (Re-edited) Bible (BSI)

⁹ Uzziah no Jerusalem lo Acheku Khagho, Akhila Khagho, eno Hokütsüghü-a lo qogheki shipe qhino putukhave.

BAIBEL (BSI)

⁹ Uzia no Jerusalem liwo kupuwu shikumto keu shi Acheku Khagho lo ngo Akhila Khagho lo akupuwu veho tsughu keqo-alo aghukheki shipe qhike.

YEKIKITHI AKINIU 26:9 Referans Kwoze

NEHEMIA 3:13

Hanun ngo Zanoah phughi lo xüküami no Akhila Khagho mla kitheve. Panongu no piphi boqhasü qhave no ahukikhaqo eno tipau vüdayi ngo akhaduqo mlasüve, eno akupuwu auxakuchho 440, Xine-xigha Khagho kutolo mla kitheve.

YEKIKITHI AKINIU 25:23

Eno Beth-shemesh lono Israel kükau Joash no Ahaziah nu Jehoash nu Amaziah, Judah kükau küghape Jerusalem lo ighi no aphughi liwo auxakuchho 180 tohi kuboleve tsü, ti ye Ephraim Khagho lono Acheku Khagho kutolo.

KUKAMI AKINIU 14:13

Beth-shemesh lono Israel kükau Joash no Ahaziah nu Jehoash nu Amaziah, Judah kükau küghape Jerusalem lo ighi no aphughi liwo, auxakuchho 181 toike kuboleve tsü, ti ye Ephraim Khagho lono Acheku Khagho kutolo.

ZEKHARIA 14:10

Geba lono Jerusalem apeu Rimmon kutolo ayeghi kuchopu külaqave nani. Ikemu Jerusalem ye Benjamin khagho lono azüu khagho-a, Acheku Khagho kutolo, eno Hananel qoghe lono akükau tsaithi qocheke-a kutolo, chuqumghai pa-a lo anani.

JEREMIYA 31:38

“Julo, Ampeu no sheshu, Hananel Qoghe lono Acheku Khagho kutolo Ampeu ghenguno mishighüna shiqhe kitheni keu tsala cheni.

NEHEMIA 3:32

Ameshoyi kiyiqimi ngo alhikishimi no acheku lo aki kunguu jolha ngo Ambe Khagho dolo mla kitheve.

NEHEMIA 3:24

Pa shelo Henadad nu Binnui no Azariah ki lono akupuwu cheku dolo mla kithe, eno acheku kutolo mlave.

NEHEMIA 2:15

Tileno I no putho lono akhila lono akupuwu juwu eno xaidesü Akhila Khagho lono aphughi lo ideilove.

NEHEMIA 2:13

I no aphughi qhive no Akhila Khagho vechesü Dragon Züpuki lono Xine-xigha Khagho lo wuno aphughi kupuwu ipopinyive keqo eno ami no pitive keu khaghoqo xujue.