YEKIKITHI AKINIU 26:21 - Sumi Naga CL (Re-edited) Bible (BSI)

²¹ Akükau Uzziah ye pa kithi tsala kutolo apügha puve, eno apüghami kehu pa ki kütashi ache, eno Ampeu kilo sasü move. Pa nu Jotham no akibo vehu kümtsü jukütsü eno aghakhu lo timiqo shou ayepe che.

BAIBEL (BSI)

²¹ Akukau Uzia ye pa kuxu thaqhulo achinepu lo mithemono acheuve, tiye pa kusu ghenguno ke. Achineki lo itaghi khilemu ilo kithe mlave kehu, pa kumlapu kumtsu pheve no pa likhi pa kilo acheuve eno tishi akelo panu Jotham no akukaqha peithauve.

YEKIKITHI AKINIU 26:21 Referans Kwoze

ACHINE 13:46

Aküsü puake tivilo pa ye mithekumo lo anani, pa ye lomoshi aghazü khalau ngoni.

KUKAMI AKINIU 7:3

Tipa ghuloki lo timi bidi apüghami khagho khalau ngoa. Panongu dolo ishi küptsa kile, “Kushiye ningu ye thimoke kutolo hile ngo ani kea?

AKIKIHI 12:15

Tighenguno Miriam ye atsala tsüni aghazü lono khatha pheve, eno li sachile iloghi moke kutolo timiqo ye kape move.

ACHINE 14:8

Timi huye pa phimini ishive, pa kütsüsa kümtsü miyeve no azü kuchhuve eno mithe luve niae. Pa ye aghazü lo iloghilu nani kemu pa phiki khalau atsala tsüni ngoni.

YEKIKITHI AKINIU 26:20

Achinetou Azariah ngo achinemi kümtsü no pa jukelo pa ye akishe lo apügha ipeghive! Panongu no mtazü pa sasü khalau ipeve, pa ghi mighimghai ipeve, kughengu Ampeu no pa ghimeve ke.

AKIKIHI 5:4

Ikehu Ampeu no Moses vilo pike toi Israelmi no aghazü lono panoqo hapheve.

YEKIKITHI AKINIU 27:1

Jotham ye ampe muku pungu shi akelono ayepelu eno Jerusalem lono ampe chighitsügho ayepe. Pa za ye Zadok nga Jerushah.