YEKIKITHI AKINIU 26:20 - Sumi Naga CL (Re-edited) Bible (BSI)

²⁰ Achinetou Azariah ngo achinemi kümtsü no pa jukelo pa ye akishe lo apügha ipeghive! Panongu no mtazü pa sasü khalau ipeve, pa ghi mighimghai ipeve, kughengu Ampeu no pa ghimeve ke.

BAIBEL (BSI)

²⁰ Azaria ngo achinemi kutamiye thughuive no akukau kishelo kutuxoxo jupuku ae eno pa vilo tsuikhomo Achineki qhivepe. Pa ghi khalau akimghi shi ipeveni keu shi, kughengu AMPEU no pa ghimeqhive ke.

YEKIKITHI AKINIU 26:20 Referans Kwoze

ESTHER 6:12

Tithiu Mordecai ye akükau khagho lo ideighive. Ikemu Haman ye pa kütsü küzüluve no amloksa shi pa ki lo mtazü wove.

ZAKINIU 28:35

Ampeu no vimlakeu mishe pesü nongu pukhu lo puku tsünani, tino nongu pukhu lono akütsüqa kutolo nhaluve nani.

ZAKINIU 28:22

Ampeu no kitixeküsü jeli, aghakimki, atsala külü, züha, akushu mülhü pesü tüxatini ghaqhive tsükeu vecheo nongu ghime nani. Nongu pithive moke kutolo hipaqo no nongu haqhi nani.

ACHINE 14:34

“Kughou I no amheghi shi tsükeu Canaan yeghi lo nongu no ighini, eno tilau aki lo akughumho aghini keno,

ACHINE 13:10

eno achineu no pa chhejuni. Apiyi akeu qhalo ayiko no phalai, amhi no metsüghoi eno ani pu aghi aye,

YEKIKITHI AKINIU 26:19

Uzziah ye amlo ideve. Pa ye pa u lo tsüngqüi keu kiptibo pe ake, ikelo paikhavi Ampeu kilo achinemi zülono pa kishe lo apügha ipeghive.

YEKIKITHI AKINIU 26:21

Akükau Uzziah ye pa kithi tsala kutolo apügha puve, eno apüghami kehu pa ki kütashi ache, eno Ampeu kilo sasü move. Pa nu Jotham no akibo vehu kümtsü jukütsü eno aghakhu lo timiqo shou ayepe che.

EZRA 7:5

Abishua nu, Phinehas nu, Eleazar nu, Aaron achinetou nu—