YEKIKITHI AKINIU 25:8 - Sumi Naga CL (Re-edited) Bible (BSI)

⁸ Ikemu nono wuni aye wulo, aghüshi ghenguno mtolo. Alhou no o ghümi zülono o pelo ikiqivepe nani, kughengu Alhou ye kuphulu kepu eno ikiqivepe kepu küka ani.”

BAIBEL (BSI)

⁸ Noye panoqono aghukishi lo oshikumtolu nani pi kumsu aghiluvi ikemu tolukeu momu tomla keu tsukulupu shi akeu ye Alhou likhino akuka anike eno pano oghumi pelo otoluve pe nani ke.”

YEKIKITHI AKINIU 25:8 Referans Kwoze

YEKIKITHI AKINIU 14:11

Asa no Ampeu pa Lhou lau ighamku inikhu, “O Ampeu, akumtomi ngo miqemlei kemi dolo kuphu tsüni keu O toike khumu kühae. Ni kuphu tsülo, kughengu ningu ye O shou pükhü ani, eno O je lono ningu ye aqokitikhi sasü kumjoni ke ighi ani. O Ampeu, No ye ni Lhou ke, khuu pelomu ni theqhivepe kevilo.”

YEKIKITHI AKINIU 20:6

eno pi, “O Ampeu, ni puasü Lhou, No ye kungugha lo Alhou ke kumo keshea? Nono ayeghi lo kükaqha kümtsü shou ayepe ani. O u lo aküka eno akumto akeu ghenguno timi khumu o mjochile mlae.

FILIPIAMI 4:19

Ikehu I Lhou no Khristo Jisü gholo Pa juküvü kinikülü shi akeu kiqi lono nongu vehupu kümtsü kumkhotsü nani.

HAGAYI 2:8

Ghükayi eno ameshoyi ye Iw ke, aqokitikhi Mpeu no sheshu.

YETSAPIU 11:9

O lhothemi, o lhothe lono alovi alo, o lhothe tsala lo o mlo no o lopivitsü apelo. O mlo eno o nhethi no o sache pelo. Ikemu hi kümtsü pesü Alhou no o shou küghathabe nani kepi ithilo.

YETSAPIU 9:11

Itaghi I no hi ithulu, ayeghi lo pokuxu kelo akümthümi no tolu chenike kumoe, titoi akumtomi no aghüshi tolu, alokütsümi no asho ithulu, akighichemi no küakini ithulu, kighithimi no adokivi ithulu chenike kumoe, ikemu atüqhüdo eno adokivi ye kümtsü lau ighi cheni.

AHOLE 10:22

AMPEUw kükümgha no kinikülü tsü cheni; eno Pa ye tipau lo amlo ghime küphatsü chemoe.

LESHELE 62:11

Alhou no ghuthu lakhi pivae; I no akiniu ghi chiluvae: ti ye, aküka ye Alhouw ke,

LESHELE 33:16

Akükau ye paw ghüshimi kutomo akeu vecheo xalu chemoe; aghütomi ye pa küka kije vecheo süsholu chemoe.

LESHELE 33:10

Shiyeqow kichekütsü Ampeu no adou shive tsüe; pa no timi kukughu hexave tsü.

LESHELE 24:1

Ayeghi eno tipau lo akeu kümtsü Ampeuw ke, ayeghiqha eno tile küxümi ghi Paw ke,

LESHELE 20:7

Khami no khurkulu eno khami no khurshi shou pükhübe cheni, ikemu ningu ye Ampeu ni Lhou shou pükhü cheni.

JOB 9:13

“Alhou ye Pa mlokighide süchilemo nani; Rahab saphu chekemi no Pa qholo itsaqie.

JOB 5:18

Kughengu Pa no ghüzave namu itaghi khavetsü cheni, Pa u pesü heqhi cheni, ikemu Pa u no shipivitsü cheni.

YEKIKITHI AKINIU 18:14

Kughou pa no akükau Ahab zülo ighi keno akükau no pa vilo pi, “Micaiah, ningu ye Ramoth-gilead lewu kepu kema?” Pa no khochile, “Wulo eno tokulu shilo; Ampeu no o u lo sütsü nani.”

YEKIKITHI AKINIU 1:12

alokütsü eno akighithi ye o tsüvae. Itaghi I no küakini, amheghi, eno ajekipi o tsüni, ti ye o züu kükami khunomu ithulu püamo eno o thiumu khunomu ithulumo nani.”

SAMUEL ATUGHIU 14:6

Jonathan no apumi pa ghünanu kupuu vilo pi, “Ighilo, nikujo aphighüyiko ghamo kemi lau ikuni. Ampeu no nikujo ghenguno akümla shitsü peni, kughengu Ampeu no xaluni keu ye kutomo vecheo shi aghina aghulo vecheo shi aghi namu lakha chile mlae.”

XAKUTHAMI 7:7

Tileno Ampeu no Gideon vilo pi, “Au no azü shope ye keqo pano 300 vecheo I no o xalu nani eno Midianmi pesü o u lo sütsüni, tinguno alau ye pütüta kilo idewove pelo.”

ZAKINIU 8:18

Ampeu nongu Lhou kümsülu chelo, kughengu nongu pelo kinimi shilu penike aküka tsükeu ye Pa noke, tishikeu lono ishi tsala lo toi, Pa no nongu puasüqo sasü puloshoqhi shikeu shikupu niye ke.

MATTHEW 26:45

Tithiu pa no akhopemi lau ighi no pi, “Kutou no zü eno akulhoqhi alo. Julo, ado ye ighivae, eno Timi Nu ye axinemi u lo phesüvae.

YEKIKITHI AKINIU 26:7

Alhou no pa kuphu no Philistiami, Gurbaal lo Arabmi akeqo, eno Meunimi shou tolupe.

LESHELE 89:43

Nono pa zütakikihi kütsügha pelo idechile ighipe, eno Nono pa pelo aghüshiqa lo puthugho pemoe.