YEKIKITHI AKINIU 25:19 - Sumi Naga CL (Re-edited) Bible (BSI)

¹⁹ Nono piani, ‘Julo, I no Edom theqhivae,’ eno tino aqheküza shi o süqhe ani. Ikemu itehi ye aki lo ngove lo. Kushiye aküküpna xukutho no Judah ghi o gholono ikiqive apeni kea?”

BAIBEL (BSI)

¹⁹ Itehi Amazia no Edommi shou toluve kepi qheza anie ikemu ino akukutsu tsa otsu anike akilo ngoauvelo. Kushiye oshou eno owu timiqo shou likhi kutsakungove kepu kukupuna xuputho ani kya?”

YEKIKITHI AKINIU 25:19 Referans Kwoze

YEKIKITHI AKINIU 26:16

Ikemu kughou pa no akumto shive keno, pa ye qhezauve no pa kuluqhive. Pa ye pa Lhou Ampeu lau amikucho shimove eno Ampeu chineki lo tsüngqüi keu kiptia lo piti nike ilove.

YEKIKITHI AKINIU 32:25

Ikemu pa lau shitsü ketoi pa ye Ampeu tsüchile move, kughengu pa mlo lo aqheküza iloghive. Tighenguno pa shou eno Judah ngo Jerusalem shou aloghu ighive.

1 Peter 5:5

Tihutoi, nongu khunono alhothe keno kichimi qhoqhülo. Kümtsü no lakhino lakhi huthuni ke aqhokighe nanu pepulo, kughengu “Alhou ye aqheküzami mjochile cheni, ikemu aqhokighemi lau küpükini tsü chenie.”

James 4:6

Ikemu Pa no küpükini alau tsü kehu Kuchoyesü no ishi pie, “Alhou no aqheküzami lakhave cheni ikemu aqhokighemi lau küpükini tsü cheni.”

1 Kor. 1:29

tishianguno Alhou zülo timi khumu qheza pemo niye ke.

Luke 14:31

Momu kükami khuu no akükau lakhi sasü aghü shini kelo, atüghüshi iqa no pa no qhethonhe chighi akeu huye lakhiu u lo qhethonhe muku akeu sasü küpüghülu nani kemo keno tsaqüi küpasü jumo nani kea?

HABAKUK 2:4

“Julo, pa ngulho ye aqheküzae; pa ye akümzümi kumoe, ikemu achipiu-mikuchomi ye aküpülü lono xü nanie.

JEREMIYA 9:23

Ampeu no ishi piani: “Alokütsümi pelo pa lokütsü lo qhezape kevilo, akumtomi pelo pa kumto lo qhezape kevilo, kinimi pelo pa küakini lo qhezape kevilo,

AHOLE 28:25

Alakimnemi no kuqhumo keu huthu cheni, ikemu Ampeu shou pükhübe kemi ye kinikülü heshetsü nani.

AHOLE 26:17

Timi no mtomshu akelo pa tsa kühamu chhosü keu ye alaghi lo atsü cheghi keu kini sünhetsü akeshie.

AHOLE 20:3

Aküküpna lono putosü luve kemi ye agigihupu ke, ikemu mbomzümi thaqhü no mtomshu acheni.

AHOLE 18:6

Mbomzümi mili no akikichighi lo sailove cheni eno pa tsapi no akihepusü kusü cheni.

AHOLE 16:18

Kütsakungo nike zülo aqheküza acheni, eno ikiqi mphi züu tsütsüngoju keu acheni.

AHOLE 13:10

Aqheküza ye kuqhumo keu thono kiumu shimlae, ikemu alokütsü ye akükütsütsa lukemi gholo acheni.

YEKIKITHI AKINIU 35:21

Ikemu Neco no Josiah lau asütsa ishi pi puwu, “Nikujo dolo kiu shikepu ani kea, O Judah kükau? Ishi tsala hipau lo ni ye o mjonike chemoe, ikemu I sasü aghüshi akemi kumjoni ke cheni. Eno Alhou no I vilo mtazü lopi azah tsüke. Ikehu no ye Alhou khuu I gholo cheni keno, Pa lachile kevilo, tikumo aye Pa no o kütsave nosae.”

ZAKINIU 8:14

tileno nongu lolo aqheküza ikughive no nongu no Egypt lo aqüaxe lo akelono xaphelu keu Ampeu nongu Lhou kümsümave nosake.

YEKIKITHI AKINIU 25:20

Ikemu Amaziah no inimoe, kughengu ti ye Alhou no kughuve, ti ye panongu no Edommi lhou pülü wuve kehu Pa no Amaziah pesü aghümi u lo süve tsüniye shike.

DANIEL 11:12

Kughou aqokitikhi sawuve keno, pa mlo ye qhezave nani, eno pa no qhethonhe chighi shou ghiqhive nani ikemu tokulu shimo nani.