YEKIKITHI AKINIU 23:3 - Sumi Naga CL (Re-edited) Bible (BSI)

³ Eno kümtsü no Ampeu ki lono akükau sasü puloshoqhi shive. Eno Jehoiada no pi, “Julo, akükau nu! Ampeu no David nuli ghenguno piqhi püake toi pa pelo ayepe pelo.

BAIBEL (BSI)

³ Panongu kumtsu Achineki lo kumqoluve eno tilau no panonguye akukau nu Joas sasu puloshoqhi lakhi shive. Jehoiada no panoqo vilo pi, “Hilehi akukau akithiu nu lakhi anie! Pano itehino akukau shilu nani, tiye AMPEU no Akukau David laghami no shi nani kepi piqhive ketoi.

YEKIKITHI AKINIU 23:3 Referans Kwoze

YEKIKITHI AKINIU 21:7

Ikeghi Ampeu no David sasü puloshoqhi shipüake ghenguno, eno alholo akulu pesü David ngo pa nuli tsünike Pa no piqhi püake ghenguno David kükaqha kütsani shimove.

YEKIKITHI AKINIU 6:16

Tighenguno itehi, O Israel Lhou, Nono O qeu I pu David lau hitoi piqhi püakeu shikupu tsülo, ‘Nono I zülo cheche ketoi o nuliqo no tsaqütsalei xü, eno I yezah pelu aye, no ye Israel kükalakhü lo iqani keu timi püqümo nani.’

SAMUEL AKINIU 7:12

Kughou o tsala tove no nono o puasüqo gholo züuveni keno, I no o shelo o polo kughuko o phi lono ighikeu saputhu nani, eno I no pa kükaqha puthuphe tsü nani.

YEKIKITHI AKINIU 7:18

I no o pu David vilo, ‘No ye Israel lo ayepeni kemi püqümo nani,’ ipi püake toi, I no o kükalakhü iqhikumto tsü nani.

KUKAMI AKINIU 11:17

Jehoiada no Ampeu eno akükau ngo timiqo dolo puloshoqhi shipe, ti ye panongu ye Ampeuw timi shinie pikeu shoqhi, eno akükau ngo timiqo dolo ghi shipe.

KUKAMI ATUGHIU 2:4

eno Ampeu no I ghenguno pikeu tsa shikupulu nani, ‘O nuli no pano kümla lo kutokupui shino I zülo amlo kümtsü, angulho kümtsü süno cheche aye, no ye Israel kükalakhü lo iqani keu timi püqümo nani.’

LESHELE 89:36

Pa tikughuko ye alholo ache nani khetsünhe ake tivilo pa kükalakhü ye I zülo anani.

LESHELE 89:29

I no alhokupuju pa tikughuko süsü nani eno pa kükalakhü ye kungugha tsala toi shitsü nani.

YEKIKITHI AKINIU 23:16

Jehoiada no timiqo eno akükau sasü Ampeuw shini kepi puloshoqhi shi.

YEKIKITHI ATUGHIU 11:3

Ikehu Israelmi layemi kümtsü no Hebron lo akükau lau ighi, eno David no tileno panongu sasü Ampeu zülono puloshoqhi shi. Panongu no Ampeu tsa Samuel vecheo tsükeu kiqi lono pa nukishepe Israelmi kükau shive.

KUKAMI ATUGHIU 9:5

I no o pu David vilo, ‘No ye Israel kükalakhü lo iqani keu timi püqümo nani,’ ipi tushoqhi püake toi I no alholo o kükalakhü Israel shou süsüve tsü nani.

SAMUEL AKINIU 7:16

O lagha eno o kükaqha ye alholo I zülo mtsüqhei anani. O kükalakhü ye alholo ghenguno shosüve nani.’”

SAMUEL AKINIU 5:3

Tighenguno Israel lo layemi kümtsü Hebron lo akükau lau ighi, eno David no Ampeu zülono panongu sasü puloshoqhi lakhi Hebron lono shi, eno panongu no Israel kükau shi David nukishe luve.