YEKIKITHI AKINIU 23:16 - Sumi Naga CL (Re-edited) Bible (BSI)

¹⁶ Jehoiada no timiqo eno akükau sasü Ampeuw shini kepi puloshoqhi shi.

BAIBEL (BSI)

¹⁶ Achineu Jehoiada no Akukau Joas ngo timiqo pelo pa gholo sukuqhano panonguye AMPEU wu timiqo shinikeu puloshoqhi lakhi shi.

YEKIKITHI AKINIU 23:16 Referans Kwoze

NEHEMIA 9:38

“Hi kümtsü ghenguno ningu no puloshoqhi akumto hi yepeqhi ani, eno niw sakiphemi, Levimi, ngo achinemi je pesü kaku lo jemchi shipuku püani.

YEKIKITHI AKINIU 29:10

Itehi Ampeu, Israel Lhou sasü puloshoqhi shinike I no xatha luvae, tishianguno Pa xukighide ningu launo tave peni.

KUKAMI AKINIU 11:17

Jehoiada no Ampeu eno akükau ngo timiqo dolo puloshoqhi shipe, ti ye panongu ye Ampeuw timi shinie pikeu shoqhi, eno akükau ngo timiqo dolo ghi shipe.

ISAIAH 44:5

Timi hipau no pinani, ‘Ni ye Ampeuw ke,’ milakhiu no Jacob lau ighamku nani, lakhiu no pa u lo ‘Ampeuw’ ipi yepuku nani, eno pa je Israel ipi ku nani.”

EZRA 10:3

Ikehu I mpeu no kichemije tsükeu eno khunono ni Lhou zakütsü lo msa khokhoshi cheni keno, tipaqo kükümsü kiqi lono nino anipu eno atianuli hi kümtsü pheveni ke ni Lhou sasü puloshoqhi shini nolo, eno ti ye Ayezah kiqi lono shinie.

YEKIKITHI AKINIU 15:14

Panongu no afuko ngo akibo küigha no asütsa kuloghi lono Ampeu lau ashoqhi shive.

YEKIKITHI AKINIU 15:12

Panongu no pano mlo kümtsü eno angulho kümtsü süno Ampeu pano puasü Lhou phunike puloshoqhi shive,

YEKIKITHI AKINIU 15:15

Judahmi kümtsü no puloshoqhi ghenguno alovi, kughengu panongu no amlo kümtsü süno ashoqhi shi, eno pulopinyi Pa phu kelo phulue. Ikehu Ampeu no aqha kümtsü lono alokughuno panoqo tsüe.