YEKIKITHI AKINIU 23:14 - Sumi Naga CL (Re-edited) Bible (BSI)

¹⁴ Tileno achineu Jehoiada no keptenqo azah tsü, “Kijemi mta lono li sasü ipeghilo eno khuu no li pape cheghini keno tipau pithive lo.” Kughengu achineu no pi, “Ampeu kilo ye li pithi kevilo.”

BAIBEL (BSI)

¹⁴ Jehoiada ye achineki bokuthabolo ye Athalia ghiqhi penishimo ke ghenguno pano ghushimi kijemi kuno pi, “Aghukhemi dolono li saipevelo eno timi khuuno li xapheniye pukaputsani keno tipau ghiqhivelo.”

YEKIKITHI AKINIU 23:14 Referans Kwoze

EZEKEL 9:7

Tithiu Pa no I vilo pi, “Achineki shipixi lo, eno achineki khala lo ghiqhive keqo pesü shepichhi lo.” Ikehu panongu no wuno aphughi kupuju ghiqhi thuve.

KUKAMI AKINIU 11:15

Tile achineu Jehoiada no ghüshimi shou keptenqo azah tsü, “Kijemi dolono li sasü ipeghi lo eno khuu no li pape cheghini keno pithive lo.” Kughengu achineu no pike, “Ampeu kilo ye li pithi kevilo.”

KUKAMI AKINIU 11:8

nongu no aghünanu au lo pesü akükau bothape pa süshoni eno akükau no ipeilo kelo pa khelo. Khukhumu tile kijemi kupunu ighi keu ye pithiveni.”

KUKAMI AKINIU 10:25

Jehu no akipti kümllagho tsüve kemtsa, pa no aghukhemi ngo kijemi vilo pi, “Ilo no panongu ghiqhive lo; milakhimu pokape kevilo.” Ikehu kughou panongu no tipaqo ghiqhive keno, aghukhemi ngo kijemi no Baal chineki lo achebo alou lo ilove,

IPEKULU 21:14

Ikemu milakhi no amqü lono püthapütsano kütami pithive aye, nongu no I kümlla khache lono pa sawo pithiveni.

YEKIKITHI AKINIU 23:13

Li no ju kelo akükau no atsükucho phivilo puthugho aghi, eno keptenqo ngo afuko küighami eno timiqo kümtsü no alokivishi igha eno afuko igha aghive. Athaliah no li phi süxüve no ighamku, “Pishikiqhi! Pishikiqhi!”

YEKIKITHI AKINIU 23:15

Tighenguno panongu no li sünhe sasü kükaki lo khurshi khagho kulaghi lo wuve no tilauno li pithive.