YEKIKITHI AKINIU 18:31 - Sumi Naga CL (Re-edited) Bible (BSI)

³¹ Ikehu panongu no akükau Jehoshaphat ithulu kemtsa pi, “Hi no Israelmi kükaue.” Panongu no pa mjonike ighive, tile Jehoshaphat no ighamku kelo Ampeu no pa kuphu; Alhou no pa launo tipaqo satsüghüsü wuve.

BAIBEL (BSI)

³¹ Tighenguno kughou panonguno Akukau Jehosafat ithulu keno panongu kumtsuno pano Israil kukau kepi kumsuveno panonguno pa lenike tsughu idewo haighi. Ikemu Jehosafat no ighamuku eno AMPEU Alhou no pa xapheluveno pa leni ke hacheku pa launo kighide puwovetsu.

YEKIKITHI AKINIU 18:31 Referans Kwoze

YEKIKITHI AKINIU 13:14

Kughou Judahmi no ju keno, ghüshimi no pano züu eno athiu aghive. Panongu no Ampeu lau ighamku eno achinemi no afuko igha.

LESHELE 118:13

Mtotoi I tuhae, ikehu ni ye ikiqiuve cheghi, ikemu Ampeu no I kuphu tsüe.

AHOLE 21:1

Akükau mlo ye Ampeu u lo aghoki zü aketoi, khilekhile mu Pa gholau no sawu cheni.

AHOLE 16:7

Kughou milakhi no Ampeu lopu shini keno, Ampeu no pa ghümiu ghi pesü külashitsü cheni.

LESHELE 94:17

Ampeu no I kuphu moke aye, I ngulho ye inaqhoi keu yeghi lo mtazü wuve aghini cheke.

LESHELE 46:11

Aqokitikhi Mpeu ye ni gholo ani; Jacob Lhou ye ni sükusho liwo ke.

LESHELE 46:1

Alhou ye niw ijekulu eno ni kumto ke, shiluküsa lo kuphu tsünike ani.

LESHELE 34:7

Ampeuw kungumi no Pa sümsa chekemi bothape acheni, eno panoqo xaphelu cheni.

NEHEMIA 1:11

O Ampeu, O kini kughope O qeu kighini chilu tsülo, O qemi kütami O je sümsa chekemi kighini ini tsülo, ishi no ni O qeu lau tokulu puwu tsülo, eno timi hipau zülo ow kimiyekini I tsülo.” Ni ye akükau jukhu kipeu shi cheke.

EZRA 7:27

Ningu puasü Lhou, Ampeu sheqhelo, Pa no Jerusalem lo Ampeu ki akeu pesü juviqhiyi tsüniye hitoi keu pesü akükau mlo lo sütsü ke,

EZRA 1:1

Persia kükau Cyrus mpe atüghüu lo, Ampeu tsa Jeremiah kichi lono pikeu shikupu niye, Ampeu no Persia kükau Cyrus ghungu xukutho, ikehu pa no pa kükaqha kümtsü lo ashekushu lakhi shino tipau akiye lo süve:

YEKIKITHI AKINIU 26:7

Alhou no pa kuphu no Philistiami, Gurbaal lo Arabmi akeqo, eno Meunimi shou tolupe.

YEKIKITHI AKINIU 14:11

Asa no Ampeu pa Lhou lau ighamku inikhu, “O Ampeu, akumtomi ngo miqemlei kemi dolo kuphu tsüni keu O toike khumu kühae. Ni kuphu tsülo, kughengu ningu ye O shou pükhü ani, eno O je lono ningu ye aqokitikhi sasü kumjoni ke ighi ani. O Ampeu, No ye ni Lhou ke, khuu pelomu ni theqhivepe kevilo.”

IPEKULU 14:10

Kughou Pharaoh no kupunu ighi keno, Israelmi no panongu nhethi tsüpuku jukelo Egyptmi no panoqo thiu cheghi, eno panongu ye shishe msave. Israelmi no Ampeu lau ighamku.

YEKIKITHI AKINIU 13:15

Tishino Judahmi no aghügha kije lono aghüleku. Kughou Judahmi no igha keno, Alhou no Abijah ngo Judah zülono Jeroboam ngo Israelmi kümtsü theqhive.

YEKIKITHI AKINIU 18:30

Syria kükau no paw khurkulu küsami keptenqo azah tsü, “Israel kükau likhi thono kütami kije kitila khumu sasü aghüshi kevilo.”

YEKIKITHI AKINIU 18:32

Kughou khurkulu küsami keptenqo no pa ye Israel kükau kumoe pi kimchi luve keno, pa hamo no ideighive.

YEKIKITHI ATUGHIU 5:20

Panongu no Hagritmi ngo pano gholo akemi shou toluve, kughengu panongu no aghüshiqa lono Alhou lau pükhübe no kuphu penike khekulhoshi khu kelo Alhou no chilu tsüno aghümi pesü pano u lo sütsüe.

LESHELE 56:10

Alhou khuu tsa I no sheqhe cheni, Ampeu khuu tsa I no sheqhe cheni keno,