YEKIKITHI AKINIU 18:13 - Sumi Naga CL (Re-edited) Bible (BSI)

¹³ Ikemu Micaiah no pi, “Ampeu xü anike I Lhou no I vilo kiu pi keno, ni ye ti pi nani.”

BAIBEL (BSI)

¹³ Ikemu Mikaya no khochile pi, “AMPEU ye xuani keke iLhou no ivilo kiu pilo pini keno tipau pi nani ke!”

YEKIKITHI AKINIU 18:13 Referans Kwoze

AKIKIHI 22:35

Ikemu kungumi no ishi pi, “Timi hipaqo sasü wulo, ikemu I no o vilo pilo pikeu likhi pilo.” Ikehu Balaam no panoqo gholo wuve.

AKIKIHI 24:13

‘Balak no pa kükaki lo ameshoyi ngo ghükayi akeu kümtsü I tsüveni pimu ni ye Ampeu I Lhou tsape nguno alau ye akivi mu alhoksa mu I ghoshi pimla nani. Ampeu no kiu pilopi keno ti likhi pi nani.’

1 Thes. 2:4

ikemu Alhou no ningu ikhikulupu shitsü no atsakiviu pesü pichebe tsüke toi ningu no pi cheni, ningu ye timi pulou kumono Alhou khuu no ni mlo peju cheni keno Pa pulou shicheni.

Galatiami 1:10

Ishi pi kelo ni ye timi momu Alhou launo akishekütsü laju ani keshea? Momu timi mlokiqi shinike pükapütsa ani keshea? Itehi kutolo I no timi mlokiqipu shinishi aghi aye ni ye Khristo qeu kumovae.

2 Kor. 2:17

Kughengu ningu ye timi kutomo no shiche ketoi, Alhou tsa jekuchumi kumoe, ikemu Alhou zülo amlo tsüqhiyi kemi, Alhou no puwu kemi kehu ningu ye Khristo pulou lono picheni.

1 Kor. 11:23

Kughengu I no kiu Ampeu launo ithulu keno nongu lau ghi pikülha tsü, ike Ampeu Jisü pesü thechuveke ji Pa no asho ikhilu,

Apostolmi 20:27

Kughengu Alhou kimji kümtsü pesü nongu vilo pikülha nike ni ye süchile püamoe.

EZEKEL 2:7

Panongu ye hekibide lagha kehu panongu no chiluna monamu no ye I tsa pesü panoqo vilo pilo.

JEREMIYA 42:4

Tungkupu Jeremiah no panongu khochile, “Nongu no pi akeu I no chiluvae. Julo, nongu no qhüiniju aketoi, I no Ampeu nongu Lhou vilo inikhuni eno Pa no kiu pini keno I no nongu vilo pitsüni. Ni ye nongu launo kiumu süchilemoe.”

JEREMIYA 23:28

Tungkupu khuu no asamo pumo ani keno pa samo pipelo, ikemu khuu no I tsa piani keno pa ye pükhükulupu shi pilo. Aghijini ye kiu lono athi sasü aqü shini kea? ipi Ampeu no sheshu.

KUKAMI ATUGHIU 22:14

Ikemu Micaiah no pi, “Ampeu xü anike Pa no kiu I vilo pi keno ni ye ti pi nani.”

AKIKIHI 23:26

Ikemu Balaam no khochile, “Ampeu no I vilo pilo pikeu kümtsü shini kepi ni ye o vilo pike kumo keshea?”

AKIKIHI 23:12

Ikehu pa no khochile, “Ampeu no I vilo kiu pilo pi keno ni ye ti pimoni keshea?”

YEKIKITHI AKINIU 18:12

Micaiah lau aghinimi wukeu no pa vilo pi, “Tungkupmi kümtsü no athoshi akükau lau akivi pivae. No ghi athoshi akivi pive tsülo.”

YEKIKITHI AKINIU 18:14

Kughou pa no akükau Ahab zülo ighi keno akükau no pa vilo pi, “Micaiah, ningu ye Ramoth-gilead lewu kepu kema?” Pa no khochile, “Wulo eno tokulu shilo; Ampeu no o u lo sütsü nani.”