YEKIKITHI AKINIU 17:4 - Sumi Naga CL (Re-edited) Bible (BSI)

⁴ ikemu pa puasüqo Lhou phuke, eno Israelmi khuaye kumono Alhou zakütsüqo pape.

BAIBEL (BSI)

⁴ Pano papuno mlla chekeu Lhou qeche, Alhou zah kutsu gholuke eno Israilmi kukamino shiche keu laghi papemoe.

YEKIKITHI AKINIU 17:4 Referans Kwoze

KUKAMI ATUGHIU 12:28

Ikehu akükau no akükümsü luno ameshoyi mishiti julho kini mla, eno timiqo vilo pi, “Nongu ghenguno ado shulo Jerusalem lo wu ighivae. O Israel, nongu lhou Egypt lono nongu saipeghi keu julo.”

1 Thes. 4:1

Ashekha shi athiküzümiqo, Ampeu Jisü je lono nino nongu qhüiniju eno hakite ani, nongu no ni launo kishi Alhou lopu shi xükepu keno ithuluve ketoi, ti ye nongu no itehi xüake toi, itaghi tinguno alau shi xülo.

1 Thes. 2:12

Alhou khuu no Pa yekipe eno ajuküvü lo nongu kuluve akeno Pa lau ameküapu shi xü penike nino nongu hakutho eno shikumto ke.

Luke 1:6

Pama gha Alhou zülo amikuchomi, eno Ampeu zakütsü ngo ayezah kümtsü tukutiye kühano papeche.

HOSIYA 4:15

O Israel, nongu no kütüqha cheghi namu, Judah pelo pimive pe kevilo. Gilgal lo ilo kevilo, tike kumono Beth-aven lo iqho kevilo, eno “Ampeu ye xüküau” ipi ashoqhi shi kevilo.

KUKAMI AKINIU 17:19

Judah ghi Ampeu pano Lhou zakütsü pemove, eno Israelmi no peche keu khuayeqo haluve.

KUKAMI AKINIU 8:18

Ahab kibolomi no shike toi pa ghi Israel kükami xine laghi pape, kughengu pa nipu ye Ahab nonga ke. Pa ye Ampeu zülo kiu no axine keno ti shike.

KUKAMI ATUGHIU 12:33

Aqhi akütacheu atsala chighiapunguu, pa mlo lono kughuphe keu qhi, lono pa no Bethel lo akümlla-khache lo iqho, eno Israelmi ghenguno aghulhu huthu phetsüe.

KUKAMI ATUGHIU 12:30

Ikelo hi no axine shive kughengu timiqo no Dan kutolo wuno tipau zülo mllauve.

YEKIKITHI AKINIU 17:3

Ampeu no Jehoshaphat gholo ae, kughengu pa no pasü David yepe bothu lo toi shike. Pa ye Baal mllamoe,

YEKIKITHI AKINIU 21:12

Elijah tungkupu no Jehoram lau yesü lakhi hitoi tsü puwu: “Ampeu o sü David Lhou no ishi piani, nono o pu Jehoshaphat la lo chemo momu Judah kükau Asa la lo chemove kehu,

YEKIKITHI AKINIU 22:9

Pa no Ahaziah phuwu no Samaria lo itshü aghi kelono küghaluve. Panongu no pa sasü Jehu lau ighi no pithive. Panongu no pa shiqhove, kughengu panongu no pi, “Pa ye amlo kuchopu no Ampeu phu chekeu Jehoshaphat tilimi ke.” Eno Ahaziah kibo lo lakhimu kükaqha lo ayepeni keu kühave.

KUKAMI ATUGHIU 3:3

Solomon no Ampeu kimiye eno papu David pimheyeqo papeche, ikemu pa ye qhemghaike-a lono aghashipe mlla che.

KUKAMI ATUGHIU 9:4

Itehi ye nono o pu David toi akikhi eno amikucho lono I zülo cheche aye, eno I no azah tsükeu kümtsü pelu aye,

YEKIKITHI AKINIU 14:6

Pa no Judah lo aliwo kumto mishighünaqo shiqhe, kughengu aghakhu ye akulhoqhi ake. Tipa ghuloki lo pa ye aghü shimoe kughengu Ampeu no alokughuno pa tsüke.

YEKIKITHI AKINIU 27:6

Ikehu Jotham ye akumto shive kughengu pa no Ampeu zülo müzüchoi xüke.

YEKIKITHI AKINIU 29:2

Pa sü David no shike toi pa ye thokha kiu no Ampeu zülo achipi keno shike.

YEKIKITHI AKINIU 34:2

Pa ye Ampeu zülo kiu no achipi keno shike eno pa sü David no shikeu thokha shino piyiumu ajeumu tsüghü wuve moe.