YEKIKITHI AKINIU 15:3 - Sumi Naga CL (Re-edited) Bible (BSI)

³ Ado kushuo kutolo Israel ye kuchou Lhou sümo, achinemi shiküka sümo, eno ayezah pemono xüche.

BAIBEL (BSI)

³ Ado kushuwa kutolo Israil ye Alhou kuchou sumono xu acheke, panoqo shikapeni kemi achinemi sumo eno ayezah sumono xu ache.

YEKIKITHI AKINIU 15:3 Referans Kwoze

NEHEMIA 8:9

Angh Nehemiah ngo Achineu Ezra gholo Ayezah kiyemi eno timi shika akeqo Levimi no timi kümtsü vilo pi, “Atsala hipau ye nongu Lhou Ampeu lau akimthe shikeu tsalae, tighenguno mloqa momu ighaqa kevilo.”

ACHINE 10:11

eno Ampeu no Moses vecheo Israelmi tsükeu pimheye kümtsü pesü panoqo shikalo.”

MALAKI 2:7

Kughengu achinemi lakhi kichi loye akighithi tsa pükha phetsü masa, eno timiqo ye pa tsapi lono akükütsütsa phu masae, kughengu pa ye aqokitikhi Mpeu tsapeu ke.

MICAH 3:11

Tile sakiphemi no külügho vecheo xakütha tsü; achinemi no ame lono shika; tungkupmi no pisa ghenguno pichho tsü; ikeghi panoqo no Ampeu mungu bepe no pi, “Ampeu ye ni gholo anike kumo? Amhekiqi kiumu ningu shou ikughimo nani.”

HOSIYA 3:4

Kughengu Israel tianuliqo ye atsala kutomo akükau momu kükapumi kühano xünani, aghakishi momu chini kepu tsükucho küha nani, ajulho shisükeu momu asü atu julho pe asaqhi chekeu kühave nani.

JEREMIYA 10:10

Ikemu Ampeu ye kuchou Lhou; Pa ye aküxüpu Lhou eno lhokta Kükau. Pa loghu lono ayeghi itha cheni, eno Pa no amloide kelo shiyeqo ye puqhelu chemoe.

Rommi 2:12

Khunono Ayezah nguno khalau no axine shive akeno Ayezah nguno khalau no pühave nani, eno khunono Ayezah qholono axine shive akeno Ayezah vecheo küghathabe nani.

ZAKINIU 33:10

Panongu no Ow pimheye pesü Jacob shika nani eno O Yezah pesü Israelmi shika nani; panongu no axokütsüngü O zülo qhi nani eno O kümlla khache lo kuchopu kipti kümllagho qhi nani.

1 John 5:20

Ningu no ithi akeu ye Alhou Nu no ighi püzü vethakulu pesü ningu tsü püani, tishianguno Khuu no kuchou keno ningu no ithi peniye ke, eno ningu ye Khuu no kuchou keno Pa lau, Pa Nu Jisü Khristo lau kimepe anie. Pa ye kuchou Lhou eno lhokta küxüe.

1 Tim. 3:2

Kughengu akukuho lo sakiphemi ye akipimi kükühami shimasae, anipu lakhi akemi shimasa, tsükhüi kemi, alikhi aghasülu kemi, gihuküzümi, inami sasükinimi, eno shikathi kemi shimasae,

1 Thes. 1:9

Kughengu nino nongu lau ighi kelo kishi nongu no ningu ikhilu, ajulho launo tsüghüsü aküxüpu eno kuchou Lhou qenike ighi,

1 Kor. 9:21

Ayezah nguno khalau akemi saghi lunike ni ye Ayezah nguno khalau akemi gholo ye panoqo toi xüke (kuchou lo ni ye Alhou yezah nguno khalau kumono Khristo yezah qholo xükemi).

John 17:3

Lhokta küxü ye hike: panongu no kuchou Lhou O likhi akeu ithi, eno Nono puwukeu Jisü ithikeu noke.

ACHINE 10:8

Tithiu Ampeu no Aaron vilo pi,

YEKIKITHI AKINIU 17:7

Pa yepe mpe aküthüu lo pa no paw hiyampemi Ben-hail, Obadiah, Zechariah, Nethanel, eno Micaiah pesü Judah mishighünaqo lo shika penike puwu.

AMUS 8:11

“Julo, atsala chenie,” Ampeu Alhou no asheshu, “I no aghakhu lo püqümiye puwu nani— asho momu azü küpüqü kumoe, ikemu Ampeu tsa ininishi keu müzü-tüghü shi nani.

AKUMLO 2:9

Li khagho ye ayeghi lo ilovae; Pa no li khaduqo hechhevae; li kükau ngo sakiphemi ye shiye gholo ani, ayezah ye kühavae, eno liw tungkupmi no Ampeu launo kungunhetsü ithumlavae.