YEKIKITHI AKINIU 12:6 - Sumi Naga CL (Re-edited) Bible (BSI)

⁶ Tileno akükau ngo sakiphemi no panongu pesü kuchuni no pi, “Ampeu ye amikuchoe.”

BAIBEL (BSI)

⁶ Akukau ngo sakiphemino panonguno axine shivea kepi ikhiluno panonguno pi, “AMPEU no shi akeuye achipi ke.”

YEKIKITHI AKINIU 12:6 Referans Kwoze

IPEKULU 9:27

Tithiu Pharaoh no Moses ngo Aaron kupuwu no pi, “Ishiu loye I no axine shivae; Ampeu no achipiu lo ani, ni eno Iw timiu no achipikumo lo anie.

DANIEL 9:14

Tighenguno Ampeu no amhekiqi kutope qhive no ningu shou puwu ke, kughengu Ampeu ni Lhou ye Pa no mlakeu kümtsü lo amikuchoe, ikemu ningu no Pa tsa gholu moveke.

James 4:10

Nongu ampi pesü Ampeu zülo kuchuni lo eno Pa no nongu sünheqhe nani.

James 4:6

Ikemu Pa no küpükini alau tsü kehu Kuchoyesü no ishi pie, “Alhou no aqheküzami lakhave cheni ikemu aqhokighemi lau küpükini tsü cheni.”

Rommi 10:3

Alhou no timi pelo achipikalupe chekeu kighithi ye kühano pano lotsü lou no shiniye kelono panongu ye Alhou chipiu zülo qhoqhü mlave.

Luke 18:14

I no nongu vilo piani, Pharisee no kumono timi hipau no achipikalu no pa kilo idewo lue. Kughengu khuu no pa ampi süqheni keno kuchunive nani, ikemu khuu no aqhokigheu shini keno pa süqhe nani.”

HOSIYA 5:15

Panongu no pano kipimi ithi no aghime lono müamzü I phuighi moke kutolo Ni ye itaghi I kungo-a lo ideighive nani.

DANIEL 5:22

No, pa nu, Belshazzar, huno hipaqo kümtsü ithi akemu o mlo kuchuni movae,

AKUMLO 1:18

“Ampeu ye achipi, ikeghi I no Pa tsa hebideve ke; ikemu inilo, nongu ashiayeqo, eno I ghichheghime julo; Iw ilimi eno apumiqo ye küghape akughu lo wuvae.

JEREMIYA 44:10

Ishi kutolo panongu ye pano kuchuni mphi, I sümsa mphi, eno I no nongu eno no puasüqo tsükeu yezah pape xüchemoe.

JEREMIYA 13:18

Akükau eno Kükaliu paza vilo pilo: “Aqhou lakhü lo iqave lo, kughengu ow jukivi kütsükuqho ye o kütsü lono ikiqivae.”

JEREMIYA 13:15

Akini kughopuwo inilo; qheza kevilo, kughengu Ampeu no pivae.

LESHELE 129:4

Ampeu ye amikucho; Pa no kixikilami kighi ghithave tsüe.

JOB 33:27

Pa no timiqo zülo alokivishi alephe pi nani: ‘I no axine shive no achipiu pesü tuchighive kemu tipau lame I tsüchile moke.

YEKIKITHI AKINIU 33:23

Pa pu Manasseh no kuchuni ketoi mono pa ye Ampeu lau pa shikuchuni moe, ikemu Amon hipau ye alau-alau akipimi shi auve.

YEKIKITHI AKINIU 33:19

Pa kighini no kishi Alhou buve keno, pa xine, pa küpülü küküha, eno pa ampi kuchuni mphi züu pa no a-a khipaqo lo qhemghaike-a shiqhe no Asherim ngo ajulho mlape qhi keno, tipaqo ye Tungkupmi Yekikithi kaku lo yepüani.

YEKIKITHI AKINIU 33:12

Kughou pa no aghime lo akeno, Ampeu pa Lhou lau akukuphu khu eno pa puasü Lhou zülo kuchunive.

YEKIKITHI AKINIU 32:26

Ikemu Hezekiah ngo Jerusalem lo küami no pano qheküza lono xaide luve, tishikeu lono Hezekiah ghuloki loye Ampeu loghu panongu shou ikughi move.

XAKUTHAMI 1:7

Tileno Adoni-bezek no pi, “Kükami pano 70 auloqu ngo apukhuloqu ghithave kemi no I no ilhu cheke-a lo ikiqive keqo kiche chuche. I no panongu lau mlake toi itehi ye Alhou no I lau mlavae.” Eno panongu no pa sasü Jerusalem lo ighi no pa ye tilauno thive.

IPEKULU 10:3

Ikehu Moses ngo Aaron pama no Pharaoh lau wuno pa vilo pi, “Ampeu, Hebrewmi Lhou no ishi piani, ‘No ye I zülo ado khitohi no ampi pesü aqhokigheu shini keu mili anani kea? Iw timiqo puwuvelo, tishianguno panoqo pelo I qelu pelo.

YEKIKITHI AKINIU 12:12

Kughou pa no pa ampi kuchuni keno, Ampeu loghu ye pa launo tsüghüve eno tino qhoi kütsaleni keu lono süsholu. Tinguno alau Judah lo ado aghuloki kivi ighive.

YEKIKITHI AKINIU 21:2

Jehoshaphat nuli Jehoram thiküzümi tsügho ache: Azariah, Jehiel, Zechariah, Azariah, Michael, eno Shephatiah; panongu kümtsü Israel kükau Jehoshaphat nuli.