YEKIKITHI AKINIU 12:3 - Sumi Naga CL (Re-edited) Bible (BSI)

³ Khurkulu 1,200, khurshimi 60,000, eno kihikha kümla ghüshimi no Shishak sasü Egypt lono ighi—tipaqo ye Libya, Sukkim, eno Ethiopia timiqo ke.

BAIBEL (BSI)

³ khurkulu 1,200, khurshi ghushimi 60,000 eno kihikha kumla ghushimi tiye Libyami, Sukimi Sudanmi sasu ighi puzu Jerusalem halethuve.

YEKIKITHI AKINIU 12:3 Referans Kwoze

NAHUM 3:9

Cush eno Egypt ghi kihikütha kühano li kumtopu lakhi shiche; Put ngo Libyami ye li kukuphumi shiche.

YEKIKITHI AKINIU 16:8

Ethiopiami ngo Libyami ye ghüshimi kihikha kümlapu shi akeu gholo khurkulu ngo khurshimi kutomo ake kumo keshea? Ikeghi nono Ampeu pükhü ke ghenguno Pa no tipaqo pesü o u lo sütsüke kumo keshea?

DANIEL 11:43

Pa no ameshoyi ngo ghükayi kinibo shou eno Egypt lo akughupu thimeqo shou ampeu shive nani, eno Libyami ngo Cushmi no pa pape nani.

Piyeküsü 9:16

Panow khurghüshimi kikihi I no chilu keu ye qhethonhe chighi no qhethonhe chighi küghüsü keu ghuthu kini.

EZEKEL 30:5

Cush, Put, Lud, Arabia qha kümtsü, Libya eno kütsape akeqo timi ghi Egypt gholono azütakikihi lono ikiqive nani.

ISAIAH 43:3

Kughengu ni ye Ampeu o Lhou, Israel Lhou akimtheu, o Xakuluu ke. I no o xaphe nike Egypt pheve ani; Cush ngo Seba pesü o theli lo tsüve ani.

YEKIKITHI AKINIU 14:12

Ikehu Ampeu no Asa ngo Judahmi zülono Ethiopiami theqhive, eno Ethiopiami ye kuha pove.

YEKIKITHI AKINIU 14:9

Ethiopiami Zerah no pa mjonike paw ghüshimi qhethonhe chighi eno khurkulu 300 sasü Mareshah kutolo ighive.

SAMUEL AKINIU 10:18

Syriami no Israelmi zülono pove, eno David no Syriami khurkulu küsami 700 eno khurshimi qhethonhe lhobidi ghiqhive tsü, eno panow ghüshimi shou zatsüu Shobak ghüzave, pa ye tileno thive.

SAMUEL ATUGHIU 13:5

Philistiami no Israel sasü aghü shinike kuloqu luve, khurkulu 30,000 eno khurshimi ngo ghüshimi loji 6,000 no azüghi mkülo asaye toi ngove. Panongu no ighi no Michmash lono Beth-aven kipelau kutolo aghazü shipe ngove.

XAKUTHAMI 6:5

Kughengu Midianmi no tülhaqu toi panow lhoxü jeli sasü iqhoghi no aphiki shi, ikemu panongu eno panow sayeshiqo ye kihikhamlae, tishikeu lono panongu no ngove keu yeghi kümtsü shipüsave tsü cheke.

XAKUTHAMI 4:13

pa no paw ayi khurkulu 900 eno Harosheth-hagoyim lono Kishon ghoki kutolo paw timi kümtsü kukütsü luve.

KUKAMI AKINIU 7:6

Kughengu Ampeu no Syriami ghüshimi pelo khurshi ngo khurkulu eno ghüshimi kutomo chekeu ghügha toi chilupe kehu panongu dolono ishi pikile, “Julo, Israel kükau no Hittimi ngo Egypt kükami pelo ningu sasü aghüshi penike piqevae.”

YEKIKITHI AKINIU 14:8

Asa ye Judah lono ghüshimi azüto kijeje kipemi ngo angu kipemi lakh küthü, eno Benjamin lono azüto kipemi ngo shexilika kipemi lakh kini qhethonhe lhotache ache. Hipaqo kümtsü aghütomi ke.