YEKIKITHI AKINIU 1:8 - Sumi Naga CL (Re-edited) Bible (BSI)

⁸ Solomon no Alhou vilo pi, “Nono I pu David lau iqemokeu kikimiye kije piye eno I pelo pa-a lo kalu peke.

BAIBEL (BSI)

⁸ Solomon no khochile, “Nono alhokuthu ipu David qhuivuche eno ipelo pa thisu pesu kapeke.

YEKIKITHI AKINIU 1:8 Referans Kwoze

YEKIKITHI ATUGHIU 28:5

Eno I nuliqo dolo (kughengu Pa no anuli kutomo pesü I kümghatsü kehu) Solomon pesü Ampeu kükalakhü lo iqa no Israelmi shou ayepe penike kishe luvae.

ISAIAH 55:3

O kini kughopuwo lo eno I lau ighilo; Inilo tishianguno o ngulho ye xülu nani; eno I no nongu sasü shekhaha puloshoqhi shini, eno Iw iqemokeu kikimiye David shou akeu nongu tsüni.

LESHELE 89:49

Ampeu, khaghi Ow iqemokeu kikimiye khipa pesü O pükhükulu lono David lau tushoqhi keno ti ye khile ania?

LESHELE 86:13

Kughengu I lau Ow iqemokeu kikimiye akeu ye kije ke; Nono Kithigha kutho lono I ngulho xaphe tsüke.

YEKIKITHI ATUGHIU 29:23

Ikehu Ampeu no puthuphe tsükeu kükalakhü lo Solomon no papu David-a lo akükau shi iqave. Eno pa küka ye ikoishe wove no Israelmi kümtsü no pa gholu.

SAMUEL AKINIU 22:51

Pa no xakulu kije Pa kükau tsüe, eno alholo iqemokeu kikimiye pe Paw nukikishe David eno pa kughukomi lau piyeke.”

KUKAMI ATUGHIU 3:6

Solomon no khochile, “Nono I pu David o qeu lau iqemokeu kikimiye kije piye, kughengu pa no O zülo pükhükulu eno mikucho lono, eno müzüchoi xüche ke. Nono O kikimiye kije tipau pa ghenguno qhitsü eno ishi ye pa kükalakhü lo iqalu penike anu pa tsüe.

YEKIKITHI ATUGHIU 17:16

Ikehu Akükau David no ilo Ampeu zülo iqa no pi, “O Ampeu Alhou, ni ye khuue pi eno I laghami no kiue pi Nono hi kutolo I saighi kea?

YEKIKITHI ATUGHIU 29:28

Pa ye axükushu shi ayeghi lo kinikülü eno agigihu kutomo ithulu no thive. Eno pa nu Solomon no pa-a lo kaluve.