XAKUTHAMI 9:15 - Sumi Naga CL (Re-edited) Bible (BSI)

¹⁵ Asahubo no pi, ‘Nongu no süchou no I pesü nongu kükau shi penike I nukishe aye, I kicheqho ije ighilo, tishimo aye asahubo lono ami ipeghi no Lebanon lo cedar ghasü mühavepe nani.’

BAIBEL (BSI)

¹⁵ Asahukupu subo huno pi, ‘Nonguno kuchouno ipesu nongu kukau shinishi aye, hilau ighino ikicheqholo ngolo. Nonguno tishimo aye ami pelono iwu sahukupu loka lono ipeghino Libanon lo kedar ghasu mulhavepe nani.’ ”

XAKUTHAMI 9:15 Referans Kwoze

ISAIAH 30:2

Pharaoh sükusho qholo ngo niye eno Egypt kicheqho phuwu niye khunono I kükümsü lumono Egypt lo iqi cheni keno ahaküsapue!

HOSIYA 14:7

Panongu no ideighi no Iw sükusho qholo xü nani; athi toi kupukuno shi nani; atsaibo toi mini ipeghi nani; pano jekipi ye Lebanon tsaiji toi nani.

ISAIAH 2:13

Lebanon cedar sübo qhemghai akeqo, Bashan phisübo kümtsü sünheqhi nani;

XAKUTHAMI 9:20

Ikemu tishimo aye, Abimelek phi lono ami iqü ipeghi keu no Shechem ngo Beth-millo lo sakiphemi pitiqhive peni; eno Shechem ngo Beth-millo lo sakiphemi phi lono ami iqü ipeghi keu no Abimelek pitiqhive peniu.”

DANIEL 4:12

Tipau nipaqo ye jukivi eno axathi ye kupukuno, eno kümtsü ghenguno achuqupu ae. Aghasa lo tüghashiqo no tipau lo akicheqho ithulu, kunguu aghauqo no alokaqo lo ngo, eno lhoxü kümtsü tipau lono chulue.

EZEKEL 19:14

Eno ami no tipa bo lo akhuni lono ipeghi no axathi pitivae, ikehu abo mtotoi keu kühavae, kükaküsü küsü kühavae. Hi ye akumlo le lakhi eno akumlo shivae.

ISAIAH 37:24

O qemi vecheo nono Ampeu thogha no pi, Khurkulu kutomo sasü I no Lebanon naghuto kiqhe kutolo mughosü cedar akushuu, cypress kishekiphe yeqhi niye ikue; eno kümtsü nguno akuchuquu-a, aghüma kivi ghasü iku tolue.

LESHELE 104:16

Lebanon lo cedar süboqo khikhi Pa no shosü keno, Ampeu süboqo ye kupukuno shi azü tsüe.

KUKAMI AKINIU 14:9

Akükau Joash no khochile puwo, “Lebanon lo asahubo lakhi no cedar sübo lau pi puwu, ‘O nga pelo I nu nipu shipenike tsülo.’ Ikelo Lebanon lo tüghashi lakhi no ti katha cheke lono asahubo hu neda süve.

AKIKIHI 21:28

Heshbon lono ami ipeghi, Sihon phughi lono ami mili ipeghi, Tipau no Moab lo Ar pitileve, eno Arnon lo naghuto munove.

MATTHEW 13:32

Aghanethi ye alothi kümtsü nguno aghulou kemu kughou tino thuipeghi keno, aghutu lo atsünibo jeli kümtsü nguno akuloghiu shive no asübo toive cheni, ikehu aghau jeli ighi no tipau lokaqo lo apüsü mla cheni.”

EZEKEL 31:3

Julo, Assyria ye Lebanon lo cedarbo lakhi ke, jukivi loka eno aghasü kicheqho, chuqumghai iku khüngküsü toe.

ISAIAH 1:31

Akumtomi no asükügha toi, pa kümla no aghijini toi, khunomu ghapinhemla no kinikujo piti küqhave nani.

XAKUTHAMI 9:49

Ikehu timi kümtsü no asübo yeqhi no asü lokaqo piqhepe Abimelek pape wuno sükusho-a bophi lo qhino ami süve, ikelo Shechem Qoghe lo akemi kiptimi totimi kümtsü kelo 1,000 qhalo tileno pitiqhive.

XAKUTHAMI 9:14

Tileno asübo kümtsü no asahubo vilo pi, ‘Nono ighi no ni shou ayepe lo.’

XAKUTHAMI 9:16

“Tighenguno itehi, nongu no süchou no eno akikhi shi Abimelek pesü nongu kükau shi anima? Jerubbaal ngo pa kibolomi kümla kihitsü eno tipau kiqi lono tsüchile anima?

LESHELE 29:5

Ampeu sütsa no cedar sü pigheve cheni; Ampeu no Lebanon lo cedar sü pigheve cheni.

XAKUTHAMI 9:44

Abimelek no pa mqo sasü poilo aphughi khagho kheluve, eno amqo kini aluza lo küghütshü püakeqo no aluza lo timiqo ghiqhi khave tsü.

AKUMLO 4:20

Ni küxü tuthu, AMPEUw kishekiphe kükau, khuu lau nino, “Pa kicheqho lono nino shiyeqo gholo xünani” ipiche keno pa ye küghaluvae.