XAKUTHAMI 6:3 - Sumi Naga CL (Re-edited) Bible (BSI)

³ Kughengu kugho kughomu Israelmi no tüxatini alu lo yisü aye, Midianmi ngo Amalekmi eno kipelau shiayeqo no panongu lenike iqhoghi che.

BAIBEL (BSI)

³ Kugho kughomu Israilmino tuxatini alulo suaye, Midiyamino Amalekmi ngo asayeqhalo kughuna achekemi shiyeh sasu ighino Israilmi wu panonguno luve cheke.

XAKUTHAMI 6:3 Referans Kwoze

XAKUTHAMI 7:12

Tile Midianmi, Amalekmi, eno kipelau shiayeqo no akhila lo tülhaqu toi nhakha, eno panow sayeshiqo no azüghi mkülo asaye toi kihikhamla ae.

XAKUTHAMI 6:33

Tipa ghuloki lo, Midianmi, Amalekmi, eno kipelau shiaye kümtsü hekütsü no Jordan kathasü iku püzü Jezreel Khila lo aghazü shive.

XAKUTHAMI 3:13

Eglon no Ammonmi ngo Amalekmi ghakütsü no Israelmi theqhive. Panongu no amsabo mishighüna ipikeu leluve.

JOB 1:3

Tipau gholo ambe 7,000, sayeshi 3,000, alu kümla mishi atüna 500, khurhaqu 500, eno aqemi no kütsasa ache kehu kipela küdaumi gholo aje kijeshi ache.

KUKAMI ATUGHIU 4:30

tishikeu lono pa lokütsü ye kipelaumi eno Egypt lokütsü nguno alokütsüu shive.

XAKUTHAMI 8:10

Zebah ngo Zalmunna pama no ghüshimi sasü Karkor lo ngoae. Kipelau ghüshimi kutomo gholo pano 15,000 qhalo likhive, kughengu lakh lakhi qhethonhe muku ye pithive tsüe.

BOTHUBO 29:1

Tithiu Jacob no pa ghüzüla lo wuve no kipelaumi yeghi lo ighi.

MICAH 6:15

Nongu no shosü nani kemu xolumo nani; olive tsüghü nani kemu thazü pesü nongu nukishe monani; nongu no atsaithi tsüghü nani kemu atsaiji yemo nani.

JOB 31:8

I no xusükeu kütami no chuve peni eno I lulo pekighi kümtsü abo lono nhüve pelo.

ZAKINIU 28:51

Panongu no nongu tsüaqu no ati piti keqo ngo now tüxatini chukhave tsü nani eno nongu kütsakungo nani. Panongu no nongu pühave moke kutolo now athi, atsaizü, thazü, amishi, ambe eno aneqo kiumu qhitsü mono luvetsü nani.

ACHINE 26:16

I no hitoi nongu lau shi nani: shithüghüi keu, anhethi kighicheve tsüno amlo küsapu shipivimla keu küsü nongu lau süghi nani. Nongu no adou lono apiti xusü nani, kughengu tipau pekighi ye no ghümi no chuve nani.

XAKUTHAMI 6:2

Midianmi no Israelmi leluve, Israelmi no Midianmi launo itshüni ye naghuto lo atuki ngo sükusho-a mlave.

XAKUTHAMI 6:4

Panongu no Israelmi mjoni ke aghazü shi, Gaza kutolo alu lo pekighi luve tsüche, eno kiumu qhitsümo no pano mbe, amshitsü, eno khurha luve tsüche.

KUKAMI ATUGHIU 20:27

Israelmi ghi hekütsü luve eno achuqupu kutove tsü kethiu panongu no wuve. Israelmi ye ane loji aghulo kini toi Syriami zülo aghazü shi, ikemu Syriami ye aluza kümtsü qhasüpe ae.

ISAIAH 62:8

Ampeu no Pa u ajeu eno Pa u kumto shou no ashoqhi hitoi shivae: “Hinguno hilau ye nongu thi pesü no ghümi tsümae eno inaghami ye no tsaizü shope moae;

EZEKEL 25:4

julo, I no amheghi shi nongu pesü Kipelaumi lau phesüve tsü ani, eno panongu no nongu gholo aghazüqo shipe qhino nongu gholo panoqo kungo-a shi nani. Panongu no nongu xathi xochu nani, eno nongu kichhizü sho nani.

BOTHUBO 25:6

Ikemu pa nipu amishiu nuliqo lau ye Abraham no agho jeli tsü, eno pa no xüaphi lono panoqo pesü pa nu Isaac launo putosüu kipela ghakhu küdau puwuve.

IPEKULU 17:8

Tithiu Amalekmi no Israelmi sasü küpüghüni ye Rephidim lo ighi.

XAKUTHAMI 10:12

Sidonmi ghi eno Amalekmi ngo Maonmi no nongu ghimeqhi kelo, nongu no I lau ighamku eno I no nongu xaphelue.

KUKAMI ATUGHIU 5:10

Ikehu Solomon no lunishi ke thaqhü Cedar ngo asahusü Hiram no tsüe,

ISAIAH 11:14

Ikemu küma küqhano kulolau Philistiami lewu nani, eno kipelaumi nhemgha xülepe wuve nani. Küma no Edom ngo Moab mhoqhive nani, eno Ammonmi no küma gholu nani.

JEREMIYA 49:28

Kedar ngo Hazor kükaqha Babylon kükau Nebuchadnezzar no leluve keqo ghenguno. Ampeu no ishi piani: “Ithulo, Kedar leluve lo! Kipelau timiqo kütsave lo!

EZEKEL 25:3

Ammonmi vilo pilo, Ampeu Alhou tsa inilo: Ampeu Alhou no ishi piani, Kughou I chineki shipixive, Israel yeghi pesü küghüküghaleive tsü, eno Judah kibolomi haphe sawuve keno nongu no, ‘Aha!’ ipike ghenguno,