XAKUTHAMI 6:27 - Sumi Naga CL (Re-edited) Bible (BSI)

²⁷ Ikehu Gideon no pa qemi chighi sasü wuno Ampeu no pa vilo kiu shilo pi keno tipaqo kümtsü shive. Ikemu pa ye pano kibolomi eno mishiphu lo xüküami msa kelauno puchou no kumono putho lono tishive.

BAIBEL (BSI)

²⁷ Tighenguno Gideon no pa qemi chighi sasu wuno AMPEU no pavilo kiu shilo pikeno tipaqo kumtsu shivetsu. Paye pano kibolomi eno taun lo kuami ighono msakehu puchouye shimono puthono hipaqo kumtsu shitsuke.

XAKUTHAMI 6:27 Referans Kwoze

1 Thes. 2:4

ikemu Alhou no ningu ikhikulupu shitsü no atsakiviu pesü pichebe tsüke toi ningu no pi cheni, ningu ye timi pulou kumono Alhou khuu no ni mlo peju cheni keno Pa pulou shicheni.

John 2:5

Paza no lokijimi vilo pi, “Pa no nongu vilo kiu kiumu pikeu shilo.”

ZAKINIU 4:1

“Itehi I no nongu shika akeu khuaye ngo pimheye papelo, tishikeu lono Ampeu no puasü Lhou no nongu tsü akeu yeghi lo ilolu nani.

Galatiami 1:16

Pa no I pelo Jewkumomi gholo Pa ghili pikülha peniye Pa Nu I lau pephe piyeni keu pulove kelo, paikhavi lo ni ye timi khuu vilomu kighinikile moe;

John 15:14

I no kiu azah tsü keno nongu no pape aye, nongu ye I küsami ke.

John 3:2

Pa no putho lono Jisü lau ighi no pi, “Rabbi, nino ithi anike no ye Alhou launo ighikeu shikükami, kughengu Alhou aghimo keloye khunomu nono amchipu kümla shi akeqo shimlae.”

MATTHEW 16:24

Tishino Jisü no pa khopemi vilo pi, “Khukhumu I papeni keu ye pa ampi milive no paw kros xapu I papelo.

LESHELE 112:5

Khunono michhi mono pünakile cheni; pa kümla lo achipiu shicheni keno pa ye alokivipue.

XAKUTHAMI 6:26

Tipau tope shou atu pesü akivishi kithipe Ampeu o Lhou lau akiptia lakhi mlalo. Tishino amshitsü akiniu pesü akipti kümllagho shi tsüno Asherah julho nono loqhi niye akeu sülu pesü ti süküghüpu sü shilo.”

XAKUTHAMI 6:28

Kughou mishiphu lo xüküami no thanau ithughi keno, Baal kümlla khache tulave aghi eno Asherah julho loqhive aghi, eno amshitsü akiniu akiptia mla püakeu lono mllave aghi.