XAKUTHAMI 6:24 - Sumi Naga CL (Re-edited) Bible (BSI)

²⁴ Gideon no akiptia lakhi tile shiqhe no, “Ampeu ye aloino” ipi kuvetsü. Ishi kutolo Ophrah lo ti aphi eno ti ye Abiezer laghamiw ke.

BAIBEL (BSI)

²⁴ Gideon no akumlla kiptia lakhi tipa alo AMPEU ghenguno shitsu eno tipau aje pesu “AMPEU ye alokughunou.” (Hiye ishikutolo Ofra lo puthugho aphi eno tiye Abiezer limi wu ke).

XAKUTHAMI 6:24 Referans Kwoze

IPEKULU 17:15

Moses no akümlla-khache lakhi shiqhe eno tipa je pesü, Ampeu ye Iw Michiphi ipi kuvetsü,

BOTHUBO 22:14

Ikehu Abraham no tipa-a pesü, “Ampeu no tsü nani,” ipi kuvetsü; ishi kutolo hitoi pi cheni, “Ampeuw naghuto lono ti tsü nanie.”

XAKUTHAMI 8:32

Joash nu Gideon ye aloqhi kitemi shino thive eno pa kumo ye Abiezer laghami phughi Ophrah lo papu kumo phivilo qhove.

EZEKEL 48:35

Mishighüna kubohu kimghi ye kilometer 9 anani. Eno tipa tsalani no mishighüna je ye, Ampeu ye tile ani, ipi kuve nani.”

JEREMIYA 23:6

Pa ghuloki lono Judah xaluve nani, eno Israel ye sükusho lono xünani. Pa je hipau ku nani: ‘Ampeu ye niw achipiu mikucho.’

JEREMIYA 33:16

Tipa tsala lo Judah ye xaluve nani, eno Jerusalem ye sükusho lono xülu nani. Aje hipau pe ishi ku nani: ‘Ampeu ye ni chipiu mikuchoe.’

XAKUTHAMI 21:4

Thanau inaqhe itheno timiqo no akiptia lakhi mlano akipti kümllagho ngo külakishi kümllagho pesü Alhou mllae.

JOSHUA 22:10

Kughou Reuben, Gad eno Manasseh shiaye tüxa no chewo Canaan yeghi Jordan kupunu keno panongu no tile akiptia kije lakhi mla.

BOTHUBO 33:20

Tilehi pa no akümlla-khache shiqhe eno tipa-a pesü El-Elohe-Israel kuvetsü.

AKIKIHI 26:30

Gilead limi: Iezer, Helek,

XAKUTHAMI 6:23

Ikemu Ampeu no pa vilo pi, “Aloino alo! Msa kevilo; no ye thimo nani.”

BOTHUBO 12:7

Tithiu Ampeu no Abram lau ipeghi no pi, “O tikughukomi lau I no ayeghi hipau tsüni.” Ikehu pa no Ampeu, khuu pa lau ipeghi keno, Pa lau akümlla-khache shiqhe.

BOTHUBO 12:8

Tilehi no pa no Bethel kipelau atoghi ghakhu lo iqesü wuve, eno Bethel no kulolau shi, Ai no kipelau shino pa phiki tshü. Eno pa no Ampeu lau akümlla-khache shiqhe no Ampeu je kue.

XAKUTHAMI 8:27

Gideon no tipaqo pesü Ephod mla, eno pesü pa no xüsüve keu phughi, Ophrah lo qhive. Ikelo Israelmi kümtsü no ti mllauve eno tino Gideon ngo pa kibolomi ghi meluve.

SAMUEL ATUGHIU 7:17

Tishino pa no Ramah lo pa kilo idewove che, eno tilau ghi pa no Israelmi shou xathatsü che. Pa no tile Ampeu ghenguno akümlla-khache shiqhe pukue.

SAMUEL ATUGHIU 14:35

Saul no akümlla-khache Ampeu lau shiqhe; ti ye pa no Ampeu lau akümlla-khache shiqhe keu atüghüu ke.

SAMUEL AKINIU 24:25

Eno David no tile Ampeu lau akümlla-khache shiqhe no akipti kümllagho ngo külakishi kümllagho pesü mlla. Ikehu aghakhu züqhushi qhüiniju keu Ampeu no khochile tsüno Israel lo püsa kishekhave tsü.

KUKAMI ATUGHIU 18:32

Eno tipaqo pesü Ampeu kümlla khache mla, eno tipau homxa ghi azülaki mlave, azü liter shighi qhemi khepucho kulupu heve.

EZRA 3:2

Tile Jozadak nu Jeshua no pa lojimi achinemi, eno Shealtiel nu Zerubbabel no pa laghaqo sasü puthugho, eno panongu no Israel Lhou kümlla khache shiqhe, tipa shou no akipti kümllagho mllani ye shi, ti ye Alhou timi, Moses Yezah lo yepüakeu kiqi lono.