XAKUTHAMI 5:1 - Sumi Naga CL (Re-edited) Bible (BSI)

¹ Tipani Deborah ngo Abinoam nu Barak pama no ishi ale phe:

BAIBEL (BSI)

¹ Tipa tsalani Debora ngo Barak khuu Abinoam nukeno pama no hipa le pheke:

XAKUTHAMI 5:1 Referans Kwoze

IPEKULU 15:1

Tithiu Moses ngo Israelmi no Ampeu lau ale ishi phe, “I no Ampeu lau ale pheni, Pa no ajekipi shi toluke; Pa no khurshi ngo tipa sakicheu azüghi lo vesüvae.

LESHELE 18:1

O Ampeu, I kumtou, I no O kimiye cheni.

Luke 1:46

Mary no pi, “I ngulho no Ampeu sheqhe ani,

ISAIAH 26:1

Tipa ghuloki lo Judah yeghi lono ale hipau phe nani: “Ningu ye aphughi kumto ani; aliwo eno sükusho-a toi Alhou no xakulupu pesü ni süshoke

ISAIAH 25:1

O Ampeu, No ye I Lhou; I no O süqhe eno O je sheni, kughengu Nono akümzapu kümla püzüu no kughuchho püakeu mtsüqhei eno pükhükulu shi mlatsüe.

YEKIKITHI AKINIU 20:27

Tishino Jehoshaphat no akütsü shino Judah ngo Jerusalem timi kümtsü alokivi shi Jerusalem lo ideighi, kughengu Ampeu no panongu pelo aghümi shou alovilu peke.

YEKIKITHI AKINIU 20:21

Kughou pa no timiqo sasü küsütsa luve keno, pa no alephemi khami pelo akimthe phimini pepusü ghüshimi züuno Ampeu lau ale ishi phe penike kishe, “Ampeu lau shikimthi tsülo, kughengu Paw iqemokeu kikimiye ye alholo acheni.”

SAMUEL ATUGHIU 2:1

Hannah no akighini shino pi, “I mlo no Ampeu lau alovi ani; I kibo no Ampeu sheqhe ani. I kichi no I ghümiqo junu ani, kughengu I no Ow xakulu lo alovi anie.

AKIKIHI 21:17

Tileno Israelmi no ale hipau phe: “O Azükikhe, azü ipeghilo, tipau lau ale phelo!

IPEKULU 15:21

Eno Miriam no panoqo lau ishi ale phe: “Ampeu lau ale phelo, Pa no ajekipi shi toluke; Pa no khurshi ngo tipau sakicheu azüghi lo vesüvae.”

XAKUTHAMI 4:24

Eno Israelmi no akumto lono Canaanmi kükau Jabin kütsave moke kutolo pa sasü aghüshi.

JOB 36:24

“Alhou kümla ghili khikhi timi no shipili acheni keno ti akishe tsüni keu kümsülu lo.

LESHELE 32:7

No ye I ghenguno aküghütshü-a ke; Nono aküküpna lono I peküsüe; Nono xakulu lekungo pesü I botha ke.

XAKUTHAMI 4:4

Tile Lappidoth nipu tungkupliu Deborah no Israelmi shou xaküthau shiae.

SAMUEL AKINIU 22:1

Kughou Ampeu no aghümi eno Saul u lono David xaphelu keno, tipani no pa no ale hipau lono Ampeu pütsae.