XAKUTHAMI 3:7 - Sumi Naga CL (Re-edited) Bible (BSI)

⁷ Israelmi no Ampeu zülo küsakügha shiuve eno Ampeu Alhou kümsümave no Baal ngo Asheroth mllauve.

BAIBEL (BSI)

⁷ Israilmiye AMPEU panongu Lhou kumsumaveno pa lau axine shive puzu Baal eno Ashera lhou mllauve.

XAKUTHAMI 3:7 Referans Kwoze

IPEKULU 34:13

Pano kümlla khache tulave tsü, atsükuchoqo kubove tsü eno Asherah julho loqhive tsülo

KUKAMI AKINIU 23:6

Pa no Ampeu ki lono Asherah ikhiphepe Jerusalem khalau wuve no Kidron ghoki lono pitive, eno mukhumuno shive no tipau pesü mishi kumo kuqhoa lo kuthole süvetsü.

YEKIKITHI AKINIU 33:19

Pa kighini no kishi Alhou buve keno, pa xine, pa küpülü küküha, eno pa ampi kuchuni mphi züu pa no a-a khipaqo lo qhemghaike-a shiqhe no Asherim ngo ajulho mlape qhi keno, tipaqo ye Tungkupmi Yekikithi kaku lo yepüani.

YEKIKITHI AKINIU 33:3

Kughengu pa pu Hezekiah no qhemghaike-a kütsave tsükeqo pa no shikitheve, Baal kümlla-a mla, Asherah julho mla, eno aqhi-ayepu kümtsü mllae.

YEKIKITHI AKINIU 24:18

Panongu no pano puasü Lhou Ampeu chineki pheve no Asherah ngo ajulhoqo qeuve. Akipimi hipau ghenguno Judah ngo Jerusalem shou aloghu ikughive.

YEKIKITHI AKINIU 15:16

Akükau Asa no paza Maacah thotsü kükaliu lakhü lono ikhive, kughengu li no akimthipu Asherah julho mlape qhike. Asa no ajulho ghekuchope Kidron Khila lono pitileve.

KUKAMI AKINIU 23:14

Pa no atsükuchoqo hepholeve tsü, eno Asherim loqhipe tipaqo lo timi saghi no chhitoi qhivetsü.

KUKAMI ATUGHIU 18:19

Tighenguno itehi Israelmi kümtsü Carmel Toghi lono I sasü kusholu penike azah shilo, eno Baal tungkupmi 450 ngo Asherah tungkupmi 400 khunoqo kükaliu Jezebel gholo aghulhu shi acheni keno tipaqo ghi saghilo.”

KUKAMI ATUGHIU 16:33

Eno Ahab no Asherah julho ghi mlae. Pa ye pa züumi Israel kükami kümtsü nguno alau Ampeu Israel Lhou mlo shikighide tsüe.

XAKUTHAMI 6:25

Ampeu no tipa ji Gideon vilo pi, “O pu mishitsü lakhi, eno lakhiu no ampe tsüni mishitsü sawo o puw Baal kümlla khache tulave tsülo, eno tipau phivilo Asherah julho loqhive tsülo.

XAKUTHAMI 3:12

Itaghi Israelmi no Ampeu zülo küsakügha shiuve kehu Ampeu no Moab kükau Eglon shikumto no Israelmi mjochilepe.

ZAKINIU 16:21

“Nongu no Ampeu nongu Lhou ghenguno akümlla-khache mla kelo tipau phivilo Asherah kimihi shi asübo shosü moni.

ZAKINIU 4:9

“Kutokughoi lo, eno müamzü nongu küxü jukuto lo, tikumo aye nongu nhethi no ithuluve keqo kümsümave nosa, eno no küxü tivilo nongu mlo lono hauve nosake. Tipaqo ye no tianuli eno atilimi pelo ithi pelo.

YEKIKITHI AKINIU 34:7

pa no Israel ghakhu kümtsü lo akümlla-khacheqo hepholeve tsü, Asherim ngo ajulhoqo mukhumuno shive tsü, eno axokütsüngü kiptiaqo tulave tsü. Tishino pa no Jerusalem lo ideighi.

YEKIKITHI AKINIU 34:3

Kughengu pa yepe mpe akütacheu lo, ti ye apulhothe shi aphi lono, pa ye pa sü David Lhou mllauve, eno ampe chighiakiniu loye pa no Jerusalem ngo Judah lo qhemghaike-a, Asherim, küxütha keu julho, eno ayi julhoqo kütsave tsü.

XAKUTHAMI 3:8

Tighenguno Ampeu no Israelmi lau axuideve no panoqo pesü Mesopotamia kükau Cushan-rishathaim u lo süvetsü. Tishino Israelmi ye ampe tache Cushan-rishathaim qeche.

XAKUTHAMI 8:34

Israelmi ye Ampeu pano Lhou, khuu aghümi no panongu homxape ake lono panoqo xaphetsü keno, Pa kümsümave ke.

SAMUEL ATUGHIU 12:9

Ikemu panongu no pano Mpeu Alhou kümsümave. Ikehu Pa no Hazor ghüshimi zatsüu Sisera u lo, Philistiami u lo, eno Moab kükau u lo panoqo jesüve. Eno panongu no pano sasü aghüshi.

SAMUEL ATUGHIU 12:10

Panongu no Ampeu lau ighamku pi, ‘Nino axine shivae, kughengu ningu no Ampeu pheve no Baal ngo Ashtaroth qeuve. Ikemu itehi ni ghümi u lono ni xaphelu tsülo, tishi aye ningu no O qeni.’

LESHELE 106:7

Kughou ningu puasüqo no Egypt lo ache keno, panongu ye Ow akümzapu kümlaqo kihiju moe; panongu ye Ow iqemokeu kikimiye kupukuno shi akeu kümsülu move, ikemu azüghi, Akuhu Züghi lo cheche kelo panongu no hebideve.

JEREMIYA 23:27

Asamo lakhi no lakhi vilo lhe aye, pano puasüqo no Baal kümlla vecheo I je kümsümave ketoi, Iw timiqo ghi I je kümsümave nanie pi panongu no kümsü cheni.

ZAKINIU 8:11

“Ampeu nongu Lhou zakütsü eno pimheye ngo akhuaye khikhi I no ishi tsala lo nongu tsüani keno, kümtsü pape mono Pa kümsümave nosake kutokupui lo.

ZAKINIU 8:14

tileno nongu lolo aqheküza ikughive no nongu no Egypt lo aqüaxe lo akelono xaphelu keu Ampeu nongu Lhou kümsümave nosake.

ZAKINIU 8:18

Ampeu nongu Lhou kümsülu chelo, kughengu nongu pelo kinimi shilu penike aküka tsükeu ye Pa noke, tishikeu lono ishi tsala lo toi, Pa no nongu puasüqo sasü puloshoqhi shikeu shikupu niye ke.

XAKUTHAMI 8:33

Gideon thive kemtsa, Israelmi ye itaghi idewo Baal mllauve no Baal-berith pesü pano lhou shive.

LESHELE 106:35

ikemu shiyeqo sasü kitekungo xüuve eno panongu no shiche keqo shika luve.

LESHELE 106:36

Panongu no pano julhoqo qeuve, tipau no panoqo ghenguno alichhe lakhi shive.