XAKUTHAMI 3:15 - Sumi Naga CL (Re-edited) Bible (BSI)

¹⁵ Tithiu Israelmi no Ampeu lau ighamku, Ampeu no panongu xaphekuluu Benjamin limi Gera nu, Ehud puwu, pa ye au piyiu sülami. Israelmi no Ehud u lono sükusho süqha pesü Moab kükau Eglon tsüpuwu.

BAIBEL (BSI)

¹⁵ Tileno Israilmino AMPEU lau ighamuku khu eno pano timi lakhi panongu kuqhophe tsupe nike puwutsu. Timi huye Ehud ke, a-u piyiu sulami lakhi ke, paye Benjamin lagha lono ighikemi Gera nuke. Israilmino Muab kukau Eglon lau agho pe pa tsu peniye Ehud hapuwu.

XAKUTHAMI 3:15 Referans Kwoze

XAKUTHAMI 3:9

Ikemu kughou Israelmi no Ampeu lau ighamku keno, Ampeu no panongu xaphe nike Kenaz nu, Caleb thiküzüu Othniel puwu, eno pa no panoqo xalue.

LESHELE 78:34

Kughou Pa no khami pithive keno, panongu no Pa phuighi; Panongu no xaide no amlo tsüqhiyi Alhou phuighie.

ISAIAH 36:16

Hezekiah tsa ini kevilo. Kughengu Assyria kükau no ishi piani: Nongu u peqhepe ipeghi no I sasü visho shivelo. Tishiaye nongu no pütüta tsaibo eno mububo lono xochulu nani eno pütüta zükikhe lono yelu nani,

YEKIKITHI ATUGHIU 12:2

Panongu ye Benjamin kughuko lo Saul laghami, asüzü kipemi eno akivishi apiji kapuwu chekemi, eno au ajeu-piyiu süla shimono athoshi akighi lono atu küzüpe vepuwulu chekemi.

XAKUTHAMI 20:16

Tipaqo dolo pano 700 ye piyiu sülami, kümtsü no asa lothi mu vezü mono atu kihi puwo vekuve chekeqo ke.

JEREMIYA 33:3

I ku ighilo eno I no o khochileni, nono ithimphi keu thime kije eno tuqhou I no o vilo pini.

AHOLE 21:14

Tuqhou no agho chheve aye amlokighide ghaqhilu cheni, küsüuno asaxü tsükeu no aloghu küghüqülu cheni.

AHOLE 19:6

Kümtsü no timi akhotomi lopu shiniye pükapütsa cheni; eno tsükinimi sasü küsapau shinike pükha cheni.

AHOLE 18:16

Milakhi gho no pa ghenguno ala khaqhitsü no pa sasü akhotomi zülo ighilu chenipe.

LESHELE 90:15

Nono ningu shikighime keu tsala qhemi, eno alhoksa ni pelo ithulupe keu mpe qhemi ni lopivi tsülo.

LESHELE 50:15

eno shiluküsa tsala lo I kulo I no o xalu nani, eno nono I sheqhe nani.”

SAMUEL ATUGHIU 10:27

Ikemu ameküküha timi khami no pi, “Timi hipau ye kishino ningu xaluni kea?” Eno panongu no pa thogha no agho kiumu pa lau peighimo. Ikemu pa ye inaqhoive.

XAKUTHAMI 3:14

Tishino Israelmi ye ampe chighitache kutolo Eglon qeche.

XAKUTHAMI 3:16

Ehud no putoputo zütakikihi tsüghaminhei keu mla, ti ye akushulau aunhekipshe lakhi tüxa. Pa no aphiküzü qhou no tipau pa yiku ajeu chhepu luve.

XAKUTHAMI 2:16

Tishino Ampeu no xaküthami puthu eno tipaqo no süxakuchumi launo pano xaphe.

XAKUTHAMI 4:3

Ikehu Israelmi no Ampeu vilo kuphu tsülopi ighamku, kughengu Jabin ye ayi khurkulu 900 ache eno pa no ampe muku ayiküsa shi Israelmi qhasü.

SAMUEL AKINIU 20:9

Joab no Amasa vilo pi, “I thazü, no ye akivi shi anima?” Eno Joab no pa müma ni ye ketoi shino pa u ajeu no amkhümhi lo pugho luve.

SAMUEL AKINIU 20:10

Ikemu Amasa ye Joab u lo azütakikihi akeu ithumlave. Ikehu Joab no tipau pesü pa polo qhusüve tsüno akiniu ye qhusü move, paw kighinoli no ayeghi lo ile ipeghive eno pa ye thive. Tishino Joab ngo pa thiküzüu Abishai pama no Bikhri nu Sheba hawuve.

YEKIKITHI ATUGHIU 8:3

Bela nuliqo: Addar, Gera, Abihud,

YEKIKITHI ATUGHIU 8:5

Gera, Shephuphan eno Huram.

YEKIKITHI AKINIU 9:24

Kümtsü no agho pesü pa tsüche, ghükayi, ameshoyi, chijeboike phi, myrrh, vekujumkhu, khurshi, khurgha, ampe atsütsü kutomo pa tsüche.