XAKUTHAMI 20:34 - Sumi Naga CL (Re-edited) Bible (BSI)

³⁴ eno Gibeah lenike akumtomi pano 10,000 ighi no aghü shithuve ikemu Benjaminmi ye pano shou ahasapu ikughive keu mthae.

BAIBEL (BSI)

³⁴ Israil lo kishekiphe akiqheu pano 10,000 no Gibea lethuve eno tipau ghushi ye ighono kumsapu shi aghushie.

XAKUTHAMI 20:34 Referans Kwoze

JOSHUA 8:14

Ai kükau no ti ithive kemtsa pa eno aphughi lo paw timiqo kümtsü akimighi shi Arabah küdau a-a kuto püakeu lono Israelmi sasü aghü shiniye wue. Ikemu pa ye aphughi zübou, ghüshimi itshüpe ngokhe akeu mthae.

ISAIAH 47:11

Ikemu alhoksa no o shou ikughi nani, no ye kishino tipau khonhaveni keno mtha nani; küsakusho no o shou ikughi nani, no ye tipau lochile mla nani; eno nono khilemu ithimo keu amhekiqi no paikhavi o shou ikughi nani.

JOB 21:13

Pano küxü tivilo pofushi ache no iqüghai Kithigha lo iqive cheni.

1 Thes. 5:3

Timiqo no, “Iqüghai eno sükusho ani,” ipi ake lono totimi no apunu küsü ighive ketoi züleno pano shou kütsakungo ighi nani, eno panongu ye poka mlave nani.

Luke 21:34

“Ikemu nongu ampi jukuto lo, tikumo aye ashi ghakiqipu, chumzü shomzü, eno ayeghi xülo kütakihi keu no nongu mlo qaqhipe ake lono tipa tsala hu züleno alichhe toi nongu lau ighi nosake.

MATTHEW 24:44

Tighenguno nongu ghi kutope khe masae, kughengu Timi Nu ye nongu no huqhe moke ghuloki lono ighini cheni.

YETSAPIU 9:12

Kughengu timi ye pa do-aghuloki mthae. Akhame lo akha meluve eno alichhe lono aghau meluve ketoi, ado lhoksa lichhe no paikhavi timi meluve cheni.

AHOLE 29:6

Alhoksami ye pa xine lono meve cheni ikemu kivimi ye ale phe eno alokivishi cheni.

AHOLE 4:19

Kixikilami laghi ye aküzü kutho toi, pano ye kiu küpxalu ani keno ithi chemoe.

XAKUTHAMI 20:35

Ampeu no Benjaminmi pesü Israelmi tsüve eno Israelmi no tipa tsalani Benjaminmi pano 25,100 eno aqhe pithive tsü.