XAKUTHAMI 18:27 - Sumi Naga CL (Re-edited) Bible (BSI)

²⁷ Ikemu Danmi no Micah no mlakeu lhou ngo pa chineu sasü Laish lo timi iqüghai eno kütami pülüpüsamo keqo lau ighi eno pano zütakikihi pesü tipaqo ghiqhive no mishighüna pitive tsü.

BAIBEL (BSI)

^27-28 Tishive kethiu Dan lono ighikemino achineu ngo Mika no mlapesu qhikeu thime ikhilukhave tsuno panongu ye taun khikhi iquighai kemino ngo akeno eno alokughuno shi akeu taun Bethrehob Khila lo akeu Lais leniye wuve. Panonguno tile kughuna kuami heqhi pithiveno taun pitivetsu. Tishi akelo khunomu ighino panongu xaphekulupu shimove, kughengu Lais taun ye Sidon lono ala kushuwa lo kehu, tilikhi kumono Lais timiye khuno sasu mu kuptsa kilekeu kuha ke. Dan lono ighikeqono taun tipau mlakitheveno panonguno tile kughuna luve.

XAKUTHAMI 18:27 Referans Kwoze

XAKUTHAMI 18:7

Pano pungu no wuve no Laish lo ighi. Panongu no tile timiqo no xüakeu ithulu: kishi sükusho kivi lo xüani, eno kishi Sidonmi xüghola lono iqüghai pülüküpsa kühano acheni keno ithulu. Panongu ye kinikülü shi ayeghi lo thime kiumu püqü mono xüaghi; Sidonmi launo ala sheshulo akemi eno khunomu sasü kütshükime mono aghie.

JOSHUA 19:47

Kughou Danmi yeghi Leshemmi no hakho luvetsü keno panongu no iqho no tipaqo sasü aghüshi eno azütakikihi pesü kütsave tsü eno tile xüsüve. Panongu no Leshem phughi pesü pano pasü je kiqi lono Dan ipi kuvetsü.

XAKUTHAMI 18:10

Kughou nongu no ti toni keno, nongu no timi pülüpüsamo kemi sholu nani. Aghakhu tipau ye ililai ani eno tilau ye ayeghi lo thime kiumu püqü keu kühae. Alhou no nongu u lo süve tsüae.”

JOSHUA 11:11

Panongu no azütakikihi pesü tile xüküami kümtsü pithive eno kütsave; tile küami lakhimu atuthu shemove eno pa no Hazor phughi pitive tsü.

ZAKINIU 33:22

Dan ghenguno pa no pi, “Dan ye Bashan lono ilhe ipeghi keu abongshuuti lhothe.”

BOTHUBO 49:16

“Dan no Israel shiaye lakhi shino paw timi küghatha nani.

XAKUTHAMI 18:26

Tishino Danmi no cheve. Micah no hupaqo ye pa nguno ighono akumto shi aghi keu ithive no idechile pa kilo wove.

XAKUTHAMI 8:11

Nobah ngo Jogbehah lono kipelau Gideon no aphiki lo kungomi laghi züsü iqho no aghümi le.