XAKUTHAMI 18:12 - Sumi Naga CL (Re-edited) Bible (BSI)

¹² Panongu no iqho Judah yeghi lo Kiriath-jearim lo aghazü shi. Hipau lono ishi kutolo tipa-a pesü Mahaneh-dan ipi cheni; ti ye Kiriath-jearim kulolau ani.

BAIBEL (BSI)

¹² Panonguno chesu iqho Juda yeghi lo Kiriat Jearim ipikeu lo panongu ghazu shilu. Tighenguno ishi kutolo a-a tipau pesuno Dan Ghazu ipi chephi.

XAKUTHAMI 18:12 Referans Kwoze

XAKUTHAMI 13:25

Pa no Zorah ngo Eshtaol küma dolo Mahaneh-dan lo ake lono Ampeu küka no pa xukutho thuve.

JOSHUA 15:60

Kiriath-baal (momu Kiriath-jearim) eno Rabbah: mishighüna kini eno sükümxa lo aphuqo.

YEKIKITHI AKINIU 1:4

(Ikemu David no Alhouw Puloshoqhi bohu Kiriath-jearim lono pesü ighi no Jerusalem lo pa no aphiki kuto püakeu lo qhive.)

SAMUEL ATUGHIU 7:1

Ikehu Kiriath-jearim lo timiqo no ighi no Ampeuw Puloshoqhi bohu luve no pesü atoghi lo Abinadab kilo wove. Eno panongu no pa nu Eleazar kishekimthepe Ampeuw Puloshoqhi bohu jukükütsüu shivepe.

JOSHUA 9:17

Tighenguno Israelmi no chesü tipaqo no küghüna akeu mishighünaqo lo ighi kelo atsala küthü shive. Mishighüna tipaqo ye Gibeon, Chephirah, Beeroth, eno Kiriath-jearim.

JOSHUA 15:9

Tishino ti naghuto kütsüqa lono Nephtoah ghokiti kutolo, tileno Ephron naghuto qhalo mishighüna akeqo kuto. Tileno idechilesü Baalah (ti ye Kiriath-jearim) lo wuve ani.

XAKUTHAMI 18:11

Ikehu Zorah ngo Eshtaol lono Dan shiaye pano 600 aghüshi nanu xapusü wuve.

XAKUTHAMI 18:13

Panongu no tileno chesü Ephraim ato yeghi lo wuno Micah kilo ighilu.

SAMUEL ATUGHIU 6:21

Tighenguno panongu no Kiriath-jearim lo küami lau atsapemi puwu no pi, “Philistiami no Ampeuw Puloshoqhi Bohu tsüchile puwovae. Ighi no pewove lo.”