XAKUTHAMI 16:13 - Sumi Naga CL (Re-edited) Bible (BSI)

¹³ Tileno Delilah no Samson vilo pi, “Itehi kutolo no ye I vilo miki aphi eno I thogha ani. I vilo pilo, kishino o phedalu nani kea?” Pa no pi, “Nono I sa kipili tsüni shi ghoküna no mtotoi aküptasü no pütave aye, ni ye miqemleive no timi kütami toive nani.”

BAIBEL (BSI)

¹³ Delila no Samson vilo pi, “Noye itehi kutolo kuchou pimphie eno ipishiqhi aphie. Ivilo pilo kishipuzu khamino opheda luvekepu shilu nani keno.” Pano khochile, “Tsalatsa nono isakipli tsuni shiveno aphi gholo ghokuqhave puzu akupta suno putape qhive aye, nighi kutami toi miqemilei venani.”

XAKUTHAMI 16:13 Referans Kwoze

XAKUTHAMI 16:12

Ikehu Delilah no akighi kithe pesü pa phedave. Tishino li no pa vilo pi, “Samson, Philistiami ye o lau cheae!” Pa leni keqo ye achebo alou lo ngoae. Ikemu pa no akighi hu ayeho sütha ketoi pa u lono süthave tsüe.

XAKUTHAMI 16:14

Pa no züake lono Delilah no pa sa kipili tsüni shi ghokünape aküptasü no pütave no pi, “Samson, Philistiami ye o lau cheae!” Ikemu pa no idathughi no aküptasü süjove, eno pa sa pili püakeqo xaleqhive.

XAKUTHAMI 14:17

Li no atsala tsüni aghulhu shi ake kutolo pa zülo qauve, eno atsala akütsüniu lo ye pa no akiqi li vilo pive, kughengu li no pa pünaqhi auveke. Tileno li no sülekutho kiqi liw timiqo vilo pive.

XAKUTHAMI 16:10

Delilah no Samson vilo pi, “Julo, no ye akimki tsa I vilo pino I thoghavae. Kimiyeno kishi o tshülu nani keno, I vilo pilo.”