XAKUTHAMI 14:6 - Sumi Naga CL (Re-edited) Bible (BSI)

⁶ Paikhavi Ampeu Ghungu no pa lolo iloghive, eno pa no au kümsano aneti lakhi süla akeshi abongshuu sülatha pinyive. Ikemu pa no kiu shive keno tipau ghili pa puaza vilomu pimoe.

BAIBEL (BSI)

⁶ Paikhavi lono AMPEU kuka no Samson pelo akumto shivepe, eno pano pawu kumsano aneti lakhi suxula akeshi abongushu suxula kututa shivetsu. Ikemu pano kiu mlavekeno tipau ghili papu aza vilo pimoe.

XAKUTHAMI 14:6 Referans Kwoze

XAKUTHAMI 3:10

Ampeu Ghungu no pa shou ikughi eno pa no Israelmi shou xaküthau shive. Pa no aghüshi lo wukelo, Ampeu no Cushan-rishathaim, Mesopotamia kükau pesü pa u lo süvetsü. Pa no Cushan-rishathaim shou toluve.

SAMUEL ATUGHIU 11:6

Kughou pa no atsa hipaqo chilu keno, Alhou Ghungu no Saul shou ikughi, eno pa xukighide kije shikitheve.

XAKUTHAMI 13:25

Pa no Zorah ngo Eshtaol küma dolo Mahaneh-dan lo ake lono Ampeu küka no pa xukutho thuve.

1 John 3:8

Khukhumu axine kümla shiche keu ye tüghami laumi, kughengu tüghami ye abothu lono axine shisü ighivae. Alhou Nu no ipeghi keu kiqi ye tüghami kümlaqo kütsave tsüniye ke.

MATTHEW 11:29

Iw kuokhasü ikhipe xapulo, eno I launo shikalu lo, kughengu ni ye ivünhei eno aqhokighemi, eno nongu ngulho ghenguno nongu no akulhokiqhi ithulu nani.

ZEKHARIA 4:6

Ikehu pa no I vilo pi, “Hi ye Zerubbabel tsükeu Ampeu tsa ke: Akumto no kumo, momu aküka nomu kumoe, ikemu I Ghungu vecheo noe, ipi aqokitikhi Mpeu no pi.

ISAIAH 42:2

Pa ye ighamkumo nani momu pa sütsa süqhemo nani, momu pa sütsa alaghila lo chilu pemo nani.

SAMUEL ATUGHIU 17:46

Ishi tsala lono Ampeu no o pesü I u lo süvetsü nani, eno I no o ghiqhive no o kütsü micheve tsü nani. I no Philistiami aqokitikhi sükumoqo pesü aghau ngo tüghashiqo tsüve nani, tishikeu lono ayeghiqha no Israel lo Alhou anie pi ithi peni,

XAKUTHAMI 16:30

Pa no pi, “I pelo Philistiami gholono thive pelo.” Tishino pa no pa küka kumto kümtsü pepheno sükini thu, ikelo aki no ilaqi Philistiami yepemi ngo tile kuho akemi kümtsü shou ikuve. Samson no pa xülono pithi keu nguno alau pa kithi tsala lou no timi kutomo pithive tsüe.

XAKUTHAMI 15:15

Pa no tile khurha anileshi thive keu mükhüghi lakhi ithulu no pa u chhopiqi ti ikhipe timi 1,000 heqhi pithive.

XAKUTHAMI 15:8

Eno pa no tipaqo yiku ngo alukobo kümtsü ghapuku no kutomo pithive, eno pa ye iqi Etam tuxu lo ngove.

XAKUTHAMI 11:29

Tile Ampeu Ghungu no Jephthah shou ikughi, eno pa no Gilead ngo Manasseh kathasü Gilead Mizpah lono Ammonmi lau wu.

IBRIMI 11:33

aküpülü vecheo panongu no kükaqha lelu, kuchou xakütha peitha, pikiqhitsa ithulu, abongshuu baxa lakhalu,

XAKUTHAMI 14:5

Tishino Samson no pa puaza sasü Timnah lo iqi chekelo atsailu lo ighi. Abongshuu lhothe lakhi no ighasü pa küdau ighi.

XAKUTHAMI 14:7

Tishino pa no ayiliu lau wuno li sasü küptsa eno li ye pa pulou shi ithulu.

SAMUEL ATUGHIU 10:6

Tileno Ampeu Ghungu no o shou ikughi no no ye panoqo gholo tungkuptsa pi nani eno timi kütami toive nani.

LESHELE 91:13

Nono abongshuu eno tuopighi neda ghi chewu nani; o pukhu no abongshuu lhothe eno apighi qodaqhi nani.

XAKUTHAMI 14:19

Tileno Ampeu Ghungu no pa shou ikughive, eno pa no Ashkelon lo iqi no tile xüküami shighi heqhive no pano phiminiqo hakho pewo sülekutho pikeqo tsüve. Pa ye ighono amloidesü papu kilo idewove.

SAMUEL ATUGHIU 10:16

Saul no pi, “Pa ye vejoi nikujo vilo khurhaqo ye ithuluvae pike.” Ikemu kükaqha vehu khikhi Samuel no pi keno ti ye pa vilo kiumu pimove.

SAMUEL ATUGHIU 14:1

Ghulo lakhi Saul nu Jonathan no apumi lakhi pa ghünanu kupuu vilo pi, “Ighilo, nikujo hukukuu Philistiami mqo-a lo wuni.” Ikemu pa ye pa pu vilo pimove.