XAKUTHAMI 13:3 - Sumi Naga CL (Re-edited) Bible (BSI)

³ Ikelo Ampeuw kungumi no li lau ipeghi no pi, “Julo, no ye anuhami eno atianuli küha no ighivae, ikemu no ye mishiniae eno anu lakhi punu nani.

BAIBEL (BSI)

³ AMPEU wu kungumi no li lau ipeghino pi, “Noye ati anuli kuhano ighivae, ikemu noye kushuwo womono mishiniae eno anu lakhi ithuluniae.

XAKUTHAMI 13:3 Referans Kwoze

Luke 1:13

Ikemu kungumi huno pa vilo pi, “Msa kevilo, Zechariah, kughengu o kighini chiluve tsüae, o nipu Elizabeth no anu lakhi punu nani, eno nono pa je John kutsü nani.

Luke 1:11

Tile Ampeuw kungumi lakhi akiptia ajeu puthugho no pa lau ipeghi.

XAKUTHAMI 13:8

Tile Manoah no Ampeu lau inikhu, “O Ampeu, Nono Alhouw timi puwu keu pelo ni lau itaghi ighi pelo eno anu punu niye akeu hu kishi saputhuni keno ni shika piyetsü pelo.”

XAKUTHAMI 2:1

Tipa ghuloki lo Ampeuw kungumi no Gilgal lono Bokhim lo iqho no pi, “I no Egypt lono nongu saipeghi no nongu puasüqo vilo piqhi püakeu yeghi lo sailo, eno pi, ‘I no nongu sasü puloshoqhi shi püakeu khilemu hephomo nani,

KUKAMI AKINIU 4:16

Pa no pi, “Toku hipa ghuloki lo no ye anu lakhi khape nani.” Li no pi, “Moe, I mpeu, O Alhou timi; o qeliu pishiqhi kevilo.”

BOTHUBO 18:10

Ampeu no pi, “Tokuu hipa ghuloki lo mtsüqheino I no o lau ideighini, eno o nipu Sarah ye anu lakhi ithuluve nani.” Sarah ye aphiki hukikha lo Abraham thiuno iniae.

BOTHUBO 17:16

I no li kümghatsü nani, tinguno alau ghi, I no li vecheo anu lakhi o tsü nani. I no li kümghatsü nani, eno li ye shiyeqo paza shi nani; li launo ashiaye kükamiqo ipeghi nani.”

SAMUEL ATUGHIU 1:20

Ado achipi lono Hannah ye mishiluve no anu lakhi punu eno li no pa je Samuel kutsü, li no pi, “Kughengu Ampeu vilo I no pa khulue.”

XAKUTHAMI 13:10

Ikehu li no mtazü posü li kimi vilo pi, “Julo, timi khuu ishiküthüni I lau ipeghi keno, itaghi I lau ighi ani.”

XAKUTHAMI 13:6

Totimi huno li kimi vilo pi, “Alhou timi lakhi I lau ighi, pa jukelo Alhouw kungumi toi ighono qhivütsünyi. Pa ye khila no ighi keno ni ye iniju move eno pa ghi pa je I vilo pimoe.

XAKUTHAMI 6:14

Ampeu no pa lau tsüghü ighi no pi, “O kumto hipau lono wuno Midianmi u lono Israelmi xalu lo. I no o puwu anike kumo?”

XAKUTHAMI 13:15

Manoah no Ampeuw kungumi vilo pi, “Kimiyeno kitila ngokhe tsülo, nikujo no aneti lakhi heqhipe lho no o tsüni.”

BOTHUBO 18:14

Ampeu ghengu ye kiuala ighono kushokütsüpu ani kea? Tokuu hipau ghuloki lo, piqhi püakeu do lono I no o lau ideighi nani, eno Sarah ye anu lakhi punu nani.”