XAKUTHAMI 11:35 - Sumi Naga CL (Re-edited) Bible (BSI)

³⁵ Pa no li ithulu kemtsa pa phi süxüve no pi, “Oishe, I nga! Nono I mlo hephove tsüae, nono I mlo ghimepu shive tsüae. Kughengu ni ye Ampeu lau I kichi xükhovae, eno Iw tushokiqhi ikhichile lumoae.”

BAIBEL (BSI)

³⁵ Kughou pano li ithulukeno amlo ghime launo pa phi suxuveno pi, “O inga! nono imlo hephove tsuae! Kushiye opelono imlo ghimepu shivetsu pekela? Ino AMPEU vilo iqemokeu shoqhi shivae eno niye tipau ikhichilelu kepu shimlavae!”

XAKUTHAMI 11:35 Referans Kwoze

LESHELE 15:4

pa nhethe lo kixikilami mithi, eno Ampeu sümsa chekemi qhoqhü gihu cheni; khunono pa ampi ghüzave namu pa no piqhikeu iqeve chemo;

JOB 1:20

Ikelo Job no puthughove no pa phiküzü süxüve, eno pa kütsü miyeve no sükümsa shi ayeghi lo iqi pishiqhove.

SAMUEL AKINIU 18:33

Akükau ye ighono amlosave no khagho kunguu achebo lo iku qa ae. Pa no kunguu iku chekelo pi, “O I nu Absalom, I nu, I nu Absalom! O züqhushi I no thiveni keghi lae, O Absalom, I nu, I nu!”

Apostolmi 23:14

Panongu no achinetomi ngo layemi lau wuno pi, “Ningu ye Paul pithive moke kutolo achuqupu miche monie pi ashoqhi shivae.

SAMUEL AKINIU 3:31

Tithiu David no Joab eno khunoqo pa gholo akeno panoqo vilo pi, “Nongu phimini süxü no yeqhiyephi pepusü Abner zülo mlolo.” Akükau David no awophe papesü wuve.

AKIKIHI 14:6

Eno ayeghi pujuwu kemi gholo Nun nu Joshua ngo Jephunneh nu Caleb pama no pama phimini süxüve

JOSHUA 7:6

Tileno Joshua ngo Israelmi sakiphemi no amlo küsashi pano kuuphi süxüve no Ampeuw Puloshoqhi bohu zülo ikiqi avela kutolo ihi auve. Panongu no ayeghimkhu pesü pano kütsü lo lepuku.

LESHELE 66:13

I no akipti kümllagho pesü O kilo ighini; O lau I no I shoqhi shikupuni,

LESHELE 66:14

ti ye I no aveküsa shi akelono I mütsü lono pikeu eno I kichi no piqhikeu ke.