XAKUTHAMI 11:27 - Sumi Naga CL (Re-edited) Bible (BSI)

²⁷ Tighenguno, ni ye khilemu o lau küqü püamoe ikemu no ye I leighi akeu lono akipimi shi ani. Ampeu, Xaküthau no ishi tsala lono Israelmi ngo Ammonmi dolo xakütha tsü peniu.”

BAIBEL (BSI)

²⁷ Tishimoe, niye khilemu olau kuqu puamoe. Nono isasu aghushikeu no kuqu auvae. AMPEU no xakuthau shipelo. Ishino Israilmi ngo Amunmi dolo pano kughakutha shitsupeniu.”

XAKUTHAMI 11:27 Referans Kwoze

SAMUEL ATUGHIU 24:15

Tighenguno Ampeu no nikujo dolo xathatsü peni, eno I saphu tsüno o u lono I xaphetsü peni.”

SAMUEL ATUGHIU 24:12

Ampeu no nikujo dolo xathatsü peniu, Ampeu no o lau I mkhü lutsü peniu, ikemu I u ye o shou süqhemo nani.

BOTHUBO 18:25

Tikithipu shi amikuchomi pesü küsaküghami gholono pithiveni keu ye O launo putosüve lo, tishive aye amikuchomi ye küsaküghami paphi shivae! Ti ye O launo putosüve lo! Ayeghi kümtsü shou Xaküthau ye achipiu shimoni keshea?”

BOTHUBO 16:5

Sarai no Abram vilo pi, “Akipimi I lau shive keu ye o shou ikughi peniu! I no o pelo valu penike I qeliu tsü, ikemu kughou li no mishi luvae pi ithi keno, li no I jukünathae. Ampeu pelo nikujo dolo xathatsü peniu!”

BOTHUBO 31:53

Abraham Lhou, Nahor Lhou eno panoqo papu Lhou no nikujo dolo xaküthau ke.” Ikehu Jacob no pa pu Isaac no Sümsa chekeu jeku tushoqhive,

2 Tim. 4:8

Hinguno hilau ye I ghenguno tokulu saxü amikucho kütsükuqho ani, ti ye achipiu xaküthau Ampeu no tipa Tsala lono I tsü nani, eno I likhi kumono pa ikighi kimiye chekemi kümtsü tsü nani.

2 Kor. 5:10

Kughengu ningu kümtsü Khristow küghakütha zülo puthugho masa nani, eno akivi na alhoksa namu pütüta no kiu mla püani keno tipau kiqi lono asaje ithulu nani.

YETSAPIU 11:9

O lhothemi, o lhothe lono alovi alo, o lhothe tsala lo o mlo no o lopivitsü apelo. O mlo eno o nhethi no o sache pelo. Ikemu hi kümtsü pesü Alhou no o shou küghathabe nani kepi ithilo.

LESHELE 98:9

Ampeu zülo ale phepe lo, kughengu Pa ye ayeghiqha shou küghathabe nike ighi ani. Pa no achipiu mikucho pesü ayeghiqha shou eno aghibiu lono timiqo shou küghatha nani.

LESHELE 94:2

Ithulo O ayeghiqha xaküthau; aqheküzami no kiu ithulu küzü keno tsüchile lo!

LESHELE 82:8

Ithulo, O Alhou, ayeghi shou küghathabe lo kughengu shiye kümtsü Nono amheghi shiluve nani!

LESHELE 75:7

ikemu Alhou no küghakütha süghi cheni lakhiu sünhe qhive eno lakhiu süqheve cheni.

LESHELE 50:6

Kungugha no Pa chipiu mikucho sheshue, kughengu Alhou ampi no küghaküthau ke!

LESHELE 7:11

Alhou ye amikucho xaküthau, Pa ye tsalakipe alhoksa shou axuide chekeu Lhou ke.

JOB 23:7

Tile akümzümi no Pa sasü kütsala eno alhokupuju ghenguno Iw küghaküthau no I tsa xathave tsüniche.

JOB 9:15

I no achipi lo apülaghi Pa khochile mla keke I nguku akeu vilo I kimiyetsü penike qhüiniju masavae.

SAMUEL ATUGHIU 2:10

Ampeu ghümi ye mukhumuno shive nani; Pa no atsütsü lono tsütsüsü panoqo mjo nani. Ampeu no ayeghi shekichi kutolo xaküthau shi nani; Pa no akumto pesü Pa kükau tsü nani eno Pa no nukishelu keu kibo süqhe nani.”

IBRIMI 12:23

Nongu ye Alhou nuli anoghimi khunoqo je kungugha lo yepüani keno tipaqo mqo lo, kümtsü shou Küghaküthau Alhou lau, eno Alhou zülo kupukülaive kemi amikuchomi ghungu lau ighivae.

2 Kor. 11:11

Kushiye kea? I no nongu kimiye chemo kehu keshea? Alhou no ithi anike ni ye nongu kimiye cheni!

YETSAPIU 12:14

Kughengu akivi na aküsa namu timi kümla kümtsü, tuqhou no mla püakeqo ghi, Alhou no küghakütha lo süghi nani.

XAKUTHAMI 11:28

Ikemu Jephthah no asütsa pi puwu keu Ammonmi kükau no initsü moe.

YEKIKITHI AKINIU 20:12

O ni Lhou, No ye panongu shou xakütha puku tsümo keshea? Kughengu hi aqokitikhi kije ni leniye chekemi zülo ningu ye aküka kühavae. Ningu ye kiu shikepu keno mthavae, ikemu ningu ye O lau ju anie.”

SAMUEL ATUGHIU 24:13

Khaghilo ahole tsa no pike toi, ‘Kixikilami u lono kixikila ipeghi cheni.’ Ikemu I u ye o shou bemo nani.

SAMUEL ATUGHIU 24:16

David no atsa hipaqo Saul vilo piqhi khavi, Saul no pi, “I nu David, hi ye o sütsa keshea?” Eno Saul no ighamku qauve.