XAKUTHAMI 10:16 - Sumi Naga CL (Re-edited) Bible (BSI)

¹⁶ Tishino panongu no inami lhouqo ikhipe peve no Ampeu mlla; ikelo Ampeu no Israelmi ghime jupe kutuu mlave.

BAIBEL (BSI)

¹⁶ Ikehu panonguno tusumi lhouqo ikhipeveno AMPEU mllathuve; eno pa ghi Israilmiqo ghime ghenguno pa mlo imeve.

XAKUTHAMI 10:16 Referans Kwoze

ISAIAH 63:9

Panongu no imeke kümtsü lo, Pa ghi ime ke; eno Paw kungumi no panongu xaluke; Paw kikimiye eno amlo ighiqhiyi keu no panongu xachilelue; Pa no wovekeu tsala lo pülhapuju panoqo süqhe cheke.

HOSIYA 11:8

Ni ye kishino o pheveni kea, O Ephraim? Ni ye kishino o qhiveni kea, O Israel? Ni ye kishino o pesü Admah toi shitsüni kea? Ni ye kishino Zeboiim toi o peithani kea? I mlo no kilive ani; Iw kikimiye ye lüvüi eno mtshaminhei ke.

JEREMIYA 31:20

Ephraim ye I nu I qhuu I no kimiye chekeu ke kumo? Kughengu I no ghuthu khije pa lachile pini keno tijehi pa kümsülu acheni. Ikehu I mlo no pa laju acheni; Ni ye kuchou no pa kimiyekütü anani, ipi Ampeu no sheshu.

ZAKINIU 32:36

Ampeu no Paw timi lolo aküka kühave keu, eno aqüaxemi na ililai kemi namu kühave keu ithulu kelono Paw timiqo xaphelu nani eno Pa qemiqo kimiyeqhiyi nani.

IBRIMI 4:15

Kughengu ningu ye ni kutokumo vetha tsümlani keu chinetou anike kumoe, ikemu alaghi kümtsü lono ningu toi ghükeju kemu axine shipüamo keu chinetou anie.

IBRIMI 3:10

Ikehu Ni ye tipa tiqhelimi ju I ghaideve no pike, ‘Panongu mlo ye alhokuthu akumou lalo wuve no I laghi ye ithi move cheni.’

Ephesiami 4:32

Lakhino lakhi lau amlo qhaqhilei eno mtshaivü lo, Alhou no Khristo vecheo nongu kipimi qhivetsü ketoi nongu lakhino lakhi kipimi qhitsü kilelo.

Luke 19:41

Kughou Jisü no kupunu ighi no Jerusalem ithulu keno, pa no tipa ghenguno mloqa

Luke 15:20

Pa no ithu papu lau idewo. Ikemu pa no putou chephi lono papu no ithuluve no pa mlo saqhiyive, eno pa no anu lau posü wuno pa khadape müma.

HOSIYA 14:8

O Ephraim, Ni ye ajulho pesü kiu shive tsüni kea? O khochile eno o jukuto chekeu ye I no ke. Ni ye xüthilei keu cypressbo toi ke; I launo o xathi ithulu cheni.

YEKIKITHI AKINIU 33:15

Pa no Ampeu ki lono inaghami lhouqo ngo ajulho ikhive, eno Ampeu ki naghuto lo ngo Jerusalem lo akiptia pa no shikeqo kümtsü aphughi khalau peve.

YEKIKITHI AKINIU 15:8

Oded nu Azariah no tungkuptsa pikeu Asa no chilu kemtsa, pa ye amlo mtoluve no Judah ngo Benjamin qha kümtsü, Ephraim ato yeghi lo mishighüna pa no hakholu keqo kümtsü lo ajulho ikhive. Pa no Ampeu chineki khala lo akümlla-khache shiqhe kitheve.

YEKIKITHI AKINIU 7:14

tsala Iw timi I je kuche keqo no kuchuni püzü inikhu no I phuighi eno panow kixikila lono tsüghü ighi aye, I no kungugha lono panongu kighini chilutsü nani eno pano xine qhive tsüno pano yeghi shipivi tsü nani.

JOSHUA 24:23

Tileno pa no pi, “Tishiaye inami lhouqo nongu gholo akeu pevelo eno Ampeu Israel Lhou lau nongu mlo tsüqhiyi lo.”

BOTHUBO 6:6

Ampeu ye Pa no ayeghi lo timi lhopheke ghenguno kümsü chileve, eno tino Pa mlo ghimeve.

John 11:34

Pa no pi, “Nongu ye khile pa qhopüani kea?” Panongu no pi, “Ampeu, ighi no julo.”

SAMUEL ATUGHIU 7:3

Samuel no Israel laghami kümtsü vilo pi, “Tsala nongu no nongu mlo kümtsü pesü Ampeu lau xaide aye, nongu ye inami lhouqo eno Ashtaroth phevelo, nongu mlo pesü Ampeu tsülo eno Pa likhi qelo, tishiaye Pa no Philistiami u lono nongu xaphetsü nani.”

SAMUEL ATUGHIU 12:10

Panongu no Ampeu lau ighamku pi, ‘Nino axine shivae, kughengu ningu no Ampeu pheve no Baal ngo Ashtaroth qeuve. Ikemu itehi ni ghümi u lono ni xaphelu tsülo, tishi aye ningu no O qeni.’

LESHELE 73:21

Kughou I ngulho no kukhukimji shi akeno, I mlo no ghüza pesü akelo,

XAKUTHAMI 2:18

Kugho kughomu Ampeu no panongu ghenguno xaküthami süsü aye, Ampeu no pa gholo ache, eno pa küxü tivilo pa no aghümi u lono timiqo xaphe che. Kughengu aghümi no ghime keu ghügha ghenguno Ampeu no panongu kimiyeve cheke.

SAMUEL ATUGHIU 7:4

Ikehu Israelmi no Baal ngo Ashtaroth pheve no Ampeu likhi qeuve.

KUKAMI AKINIU 13:23

Ikemu Ampeu no panongu lau küpükini eno kimiye keu ache, eno Paw puloshoqhi Abraham, Isaac, eno Jacob lau akehu ishi kutolo panoqo süsho eno pühavemo momu Pa zülono hapheve moke.

MICAH 7:18

Amheghi shi ghüluve kemi kipimi qhitsüno axine juzüve chekeu Lhou O toike khuu ania? Pa ye pülhapuju amloide auve chemoe, kughengu Pa züküvü ye iqemokeu kikimiye lo acheni ke.