XAKUTHAMI 1:16 - Sumi Naga CL (Re-edited) Bible (BSI)

¹⁶ Moses pangu Kenimi kughukomi ghi Judah timiqo gholono, Amsabo phughi lono Negeb lo Arad phivilo, Judah sayeqha kutolo iqho eno tilau küghünauve.

BAIBEL (BSI)

¹⁶ Muse pangu kughuko lagha Kenimi ye Juda lo timi sasu Jerikho lo amsabo phughi ipi chekeu lono chesusu chhiliu qhaikeu Juda ghakhu lo Arad kutolo chewu. Tishino panongu ye tipa alo Amalekmi gholo kughuna kuqhaluve.

XAKUTHAMI 1:16 Referans Kwoze

XAKUTHAMI 4:11

Tipa ghuloki lo Kenimi lakhi Heber ye Kedesh phivilo Zaanannim lo aphisübo qholo küghüna ache; hi Kenimi ye Moses pangu Hobab kughukomi eno Heber ye Kenimi gholono kajosü wuve kemi ke.

SAMUEL ATUGHIU 15:6

Saul no Kenimi vilo pi, “Chevelo, Amalekmi launo povelo, tikumo aye panongu gholono I no nongu ghi kütsaveni. Kughengu Israelmi no kughou Egypt lono ipeche keno nongu no kimiyeqhiyi püanie.” Ikehu Kenimi no Amalekmi launo pove.

ZAKINIU 34:3

Negeb ngo aqa yeghi, ti ye Jericho Khila, amsabo mishighüna eno Zoar kutolo.

AKIKIHI 21:1

Kughou Canaanmi kükau Arad no Israelmi ye Atharim laghi küdau no cheni pikeu chilu keno, pa no panoqo lewu eno khami küghaluve.

XAKUTHAMI 3:13

Eglon no Ammonmi ngo Amalekmi ghakütsü no Israelmi theqhive. Panongu no amsabo mishighüna ipikeu leluve.

XAKUTHAMI 4:17

Ikemu Sisera ye posü Kenimi Heber nipu Jael phiki lo ilove, kughengu Hazor kükau Jabin ngo Kenimi Heber lagha dolo külakishi acheke.

JEREMIYA 35:2

“Rekhabmi limi lau wuno panongu sasü Ampeu kilo achebo lakhi lono pütsalo; tishino atsaiji piyelo.”

YEKIKITHI AKINIU 28:16

Tipa ghuloki lo akükau Ahaz no Assyria kükau lau akukuphu khu puwu.

YEKIKITHI ATUGHIU 2:15

akütsüghou eno akütsüniu no Ozem eno David.

JOSHUA 12:14

Hormah kükau, lakhi; Arad kükau, lakhi;

IPEKULU 18:27

Tithiu Moses no pa ngu pelo wovepe, eno pa ye pa ghakhu lo wove.

IPEKULU 18:12

Moses pangu Jethro no akipti kümllagho lakhi peighi no Alhou lau aghashi; eno Aaron no Israelmi layemi kümtsü saighi no Moses pangu sasü Alhou zülono chushoe.

IPEKULU 18:7

Moses no pa ngu sasü kusho niye wuno itsaqi eno pa mümae. Eno panongu lakhi no lakhi vilo kiu toi ani keno ighijukile no aphiki lo ilove.

IPEKULU 18:1

Alhou no Moses eno Paw timi Israelmi ghenguno mla tsükeu, Ampeu no kishi Egypt lono Israelmi saipeghi keno, Midian chineu Moses pangu Jethro no kümtsü chiluve.

IPEKULU 4:18

Moses no pa ngu Jethro lau idewo no pa vilo pi, “Kimiyeno I pelo Egypt lo idewo no I thiküzümi xüaphi kemo keno ithi pelo.” Jethro no Moses vilo pi, “Aloino wolo.”

IPEKULU 3:1

Moses ye Midian lo achineu pa ngu Jethro mbeloji khekuto ae, eno pa no yenguyike-a kulolau ambeloji sasü wuno Alhouw naghuto Horeb lo ighi.

MATTHEW 3:1

Tipa ghuloki lo Baptiz kishiu John no Judea lo timi küghünamo ke-a lo sheshu ighi,

XAKUTHAMI 1:15

Li no khochile, “Kükümgha I tsülo, nono Negeb yeghi lo I puwuve akeke azüpuki ghi I tsülo.” Tighenguno Caleb no lashou eno chhiliu azüpuki akeu pesü li tsüve.

SAMUEL ATUGHIU 27:10

Kughou Achish no, “Ishi ye khilau lewu kea?” ipi ighiju aye, David no, “Judah apeu lewue,” momu “Jerahmeel apeu,” momu, “Kenimi apeu,” ipi khochile che.

SAMUEL ATUGHIU 30:29

Racal, Jerahmeel mishighünaqo, Kenimi mishighünaqo;

ZAKINIU 34:4

Ampeu no Moses vilo pi, “I no Abraham, Isaac, eno Jacob vilo, ‘I no o polo kughukomi tsüni,’ ipi tushoqhi keu yeghi hi cheni. I no o pelo o nhethi no ti ithuluve peae, ikemu no ye tilau wumoae.”

JOSHUA 18:21

Ali kiqi lono Benjamin shiaye no küghüna chekeu mishighüna ye hipaqo ke: Jericho, Beth-hoglah, Emek-Keziz,

YEKIKITHI ATUGHIU 2:55

Ayezah kighithimi laghami Jabez lo ngove kemi: Tiratmi, Shimeami eno Sucami. Panongu ye Rekhab limi pasü Hammath launo qüighi kemi Kenimi ke.