Titus 3:5 - Sumi Naga CL (Re-edited) Bible (BSI)

⁵ Pa no ningu xalue, ti ye nino amikucho kümla shikeu lono kumoe, ikemu Paw kimiyekini vecheo Aghungu Kimthe no qhukimthe pe punu kithe eno akithe shitsüe,

BAIBEL (BSI)

⁵ pano ningu xalue, tiye ninguno akumla kivi kiwala shiluke ghenguno kumoe, ikemu pa ampino kimiyekini kehu lhokikithe shi qhukimithe keu vechewo eno Aghungu Kimthe no akuxu kithe shitsukeu vechewo pano ningu xalue.

Sümi Tiqhelimi Bible

⁵ pa no ningu xaluve ke, tiye ningu no amikucho kümlà shikeu ghenguno kumoe ikemu paw kimiyekini ghenguno ke. Qhukimthe keu lono punú kithe keu eno Aghungu Kimthe lono shikithe keu vechewo pa no ningu xalu ke,

Titus 3:5 Referans Kwoze

2 Tim. 1:9

kughengu Pa no ni xalu eno kulu keu ye, ni kümla ghenguno kumoe, ikemu Pa kimji eno küpükini Pa no, ado-aghuloki huthu mphi züuno, Khristo Jisü vecheo, ni tsükeu ghenguno ke,

1 Kor. 6:11

Nongu gholo khami ye titoi cheke. Ikemu Ampeu Jisü Khristo je lono eno ni Lhou Ghungu vecheo nongu qhuve no shikimthepe achipikalu ke.

1 Peter 3:21

Hipau michipu sasü kimghilu ghi pimhe chekeu ye itehi nongu xalu chekeu baptizkishi ke, ti ye aphimpi lono axine qhuqhive keu kumono Jisü Khristow xüchilekulu vecheo Alhou lau kiviküsa lokütsü kivi tsü peniye qhüiniju keu ke.

1 Peter 1:3

Ni Mpeu Jisü Khristo Papu Alhou sheqhe ani! Paw kimiyekini kije pesü akithi lono Jisü Khristo xüputhu keu vecheo ningu pelo aküxüpu lajupu lo punu kithe lupe,

Rommi 12:2

Hipa yeghi xüghola sasü kimshive kevi, ikemu nongu kükümsü püxü kithelu keu vecheo aküxü pekili lulo, tishianguno nongu no chhejuke lono kiu no Alhou lopu, kiu no akivi, ikhikulupu eno kupukülai keno kimchilu nani.

Ephesiami 2:4

Ikemu Alhouw kimiyekini, khipau pesü Pa no ningu kimiye keno, kije akeu vecheo küpükini no nibonilei akehu

Ephesiami 5:26

tishianguno azü no qhuke toi pa no atsa pesü akukuhou shikimthe tsü,

LESHELE 51:10

Amlo kimthe I lolo lhosü tsülo, O Alhou, eno achipiu ghungu I lolo sütsülo.

Rommi 11:6

Ikemu tino küpükini vecheo shi püaghi aye, ti ye akümla shou bepe movae; tikumo aye küpükini huye küpükini kumo niae.

IBRIMI 4:16

Tighenguno ningu amlo kumtoshi küpükini kükalakhü kupunu wuni nolo, tishianguno ningu no kimiyekini ithulu eno avehupu shive kelo küpükini phulu nani.

Kolosiami 3:10

eno alhoaye kithe pepu luvae, ti ye Lhoküsüu no Pa ithitoilu penike Pa kimihi shitsü acheni.

LESHELE 86:15

Ikemu O Ampeu, No ye kimiyekini eno küpükini Lhou, amloideni keu lo asheshi, iqemokeu kikimiye eno pükhükulu no chhitoi ke.

Galatiami 2:16

ikeghi nino ithi akeu no timi lakhi ye Ayezah peluke lono kumono Jisü Khristo lau aküpülü akeu vecheo achipikalu cheni, ikehu Khristo lau aküpülü akeu vecheo achipikalu niye ningu no Ayezah shou kumono Khristo Jisü pülübe cheni, kughengu timi khumu Ayezah vecheo achipikalu monani.

Rommi 3:20

Kughengu Ayezah vecheo axine shinikeu ithi keke timi ye khunomu Ayezah pelu keu lono Alhou zülo achipikalu monani.

1 Peter 2:10

Ghuthu lakhi lo nongu ye Alhouw timi kumono ae, ikemu itehi nongu ye Alhouw timi shivae; ghuthu lakhi lo nongu ye kimiyekini ithumla no ache, ikemu itehi nongu ye kimiyekini ithuluvae.

Ephesiami 4:23

eno nongu kükümsü ngo amlo kümtsü pesü akithe kughulholu;

Rommi 3:28

Kughengu ningu no kiqikuto luve ake milakhi ye Ayezah pelu keu nguno khalau aküpülü vecheo likhino achipikalupe chenie.

Rommi 9:11

punu mphi lono keke kivi-küsamu ithimphi lou no—Alhou no kishelu keu kimji ye akümla lono kumono Pa no kulu keu lono kepi ishokibe pewolu peniye—

Luke 1:78

Ni Lhouw kimiyekini ghenguno inaqhe khetsünhe no atsütsü lono ni shou yepüvü ighi ketoi,

Luke 1:54

Pa no Paw kimiyekini kümsüchile luniye Pa qeu Israel kuphuvae,

Luke 1:50

Paw kimiyekini ye tiqheli no tiqheli kutolo Pa sümsa chekemi ghenguno ke.

MICAH 7:18

Amheghi shi ghüluve kemi kipimi qhitsüno axine juzüve chekeu Lhou O toike khuu ania? Pa ye pülhapuju amloide auve chemoe, kughengu Pa züküvü ye iqemokeu kikimiye lo acheni ke.

LESHELE 143:2

O qeu sasü küghakütha lo ilo kevilo, kughengu O zülo xü akemi khumu amikucho kumoe.

LESHELE 130:7

O Israel, Ampeu laju lo! Kughengu Ampeu gholo iqemokeu kikimiye ani, eno Pa gholo qhüchilekulu kupukuno shi ani.

JOB 25:4

Imaye kishino timi ye Alhou zülo achipiu shiluni kea? Kishino totimi no punu kemi no mqhamqhi luni kea?

Titus 3:4

Ikemu kughou ni Xakuluu Alhouw akivi eno iqemokeu kikimiye ipeghi keno,

Rommi 9:30

Imaye ningu ye kiu pini kea? Jewkumomi khunono Alhou lau achipikalu kepu phumono ache keno, tipaqo no ithuluvae, ti ye aküpülü vecheo achipikalu keu tsa piani;

Rommi 9:16

Ikehu hi ye timi kupulo momu timi no müamzü keu lono kumono küpükini akeu Lhou shou ani.

Rommi 4:5

Eno khuu no mlamo namu alhoksami pesü achipiu shitsü chekeu Lhou pülüni keno, pa küpülü ye achipikalu kepushi kihive tsü cheni,

Luke 1:72

Tishikeu lono ni puasü lau piqhi püakeu kimiyekini piye, eno Pa kimthe shoqhi kümsüchile luniye ke,

ISAIAH 57:12

I no nongu chipiu ngo nongu kümla lhevetsü nani, ikemu ti ye nongu la shimla nani.

IBRIMI 6:6

kethiu no ikiqiveni keno, panongu ye itaghi pano ghüzave ghi kros lo Alhou Nu yeda kithe no shikukujo ani keke panoqo sasü xaideghi luni keu ye kushokütsüpu ke.

LESHELE 86:5

O Ampeu, No ye aloe eno akipimi qhitsü cheni, O ku chekemi kümtsü lau iqemokeu kikimiye piye cheni.

LESHELE 62:12

eno O Ampeu, iqemokeu kikimiye Ow ke. Kughengu pütüta kümla kiqi lono Nono milakhikhi asaxü tsü nani.

JOB 15:14

Timi ye kiue pi pa ye mithe luni kea? Momu totimi no punu kemi khuu no Alhou zülo amikucho shiluni kea?

JOB 9:20

I no achipi lo anamu I kichi no akipimi I tsüve nani; I no akipimi kühamu Pa no I tuchighiveni aphie.

ZAKINIU 9:5

Nongu mikucho momu amlo kimthe ghenguno nongu ye ayeghi hipau lo pükhalu niye anike kumoe, ikemu shiye hipaqo kixikila ghenguno Ampeu nongu Lhou no panongu hapheve anie, tishikeu lono Pa no nongu puasü Abraham, Isaac, eno Jacob lau ashoqhi shipüa keu iqhikumto niye ke.

EZEKEL 36:25

I no nongu shou azü kimthe küzüte puku nani eno nongu ye now mithekumo kümtsü lono mqhamqhive nani, eno nongu julho kümtsü lono I no nongu shikimtheve nani.

MATTHEW 3:11

“Aküxü xaide penike I no azü pesü nongu baptiz shitsüe, ikemu I thiu khuu cheni keno, pa no I nguno akumtou, eno pa pukhukuqho mu ni ye peküzüpu kumoe. Pa no Aghungu Kimthe eno ami pesü nongu baptiz shitsü nani.

Rommi 11:14

tishianguno kishikela shimu niw timi Jewmi nhekushupu shino tipau lono khami likhimu xalu niye ke.

IBRIMI 10:22

ningu kuchou mlo xapu tsaqüi keu küpülü qhini, alhoksa lotsü lono ningu mlo shikimtheve no azü kütsüghü pesü ni phimpi qhuve püzü Alhou kupunu wuni nolo.