Titus 3:2 - Sumi Naga CL (Re-edited) Bible (BSI)

² Khuu vilomu atsa lhoksa pipe kevi, mtomshu pekevi, ikemu kümtsü lau mtshaivü no akhuaye kivi piye pelo.

BAIBEL (BSI)

² Timi xishikevi, mutomushuyi kiyikevi, ikemu timi kumtsu lau iquneyi shipuzu akumtshakughuvu shilo pilo.

Sümi Tiqhelimi Bible

² khiumu pipütha pemo nikeu, külakishi eno kümsükulumi shi apeni keu eno alhokuthu lo kümtsü lau akümtsha shi apenike ghutú alo.

Titus 3:2 Referans Kwoze

Ephesiami 4:31

Kuqhumo keu, aloghu, amlo kighide, mqhumza eno thokügha jeli kümtsü nongu launo pevelo.

Ephesiami 4:2

aqhokigheu eno akümtsha, tipau gholo kutuukulu, kikimiye lono lakhino lakhi lau kheakulu shi,

1 Tim. 3:3

shokümzümi shimoni, mtomshu kemi shimoni, ikemu ivünhei masa, eno pisa kimnemi shimoni.

1 Peter 3:10

Kughengu “Khunono aküxü kimiye eno atsala kivi ithuluni shi cheni keno, pa ye alhoksa tsapi lono pa mili kütsü luve eno pishikiqhi tsa lono pa mütsü kujukhavelo;

1 Peter 3:8

Ashekhashi nongu kümtsü no akükümsü lo küsükidikulu alo, amlosa küqhalo, athiküzümi toi kimiye kile lo, amlo kümtsha, eno aqhokigheu kükümsü pulo.

James 4:11

Athiküzümiqo, lakhi no lakhi lau alhoksa pi kevilo. Athiküzümi lau alhoksa pi momu küghathabe kemi ye ayezah shou alhoksa pi ani eno ayezah shou küghathabe ani. Nono Ayezah shou küghathabe aye, no ye ayezah pelu kemi kumono küghaküthau shi auvae.

Galatiami 5:22

Ikemu Aghungu xathi ye kikimiye, alokivi, aloino, kutuukulu, kimiyeqhiyi keu, akivi, pükhükulu,

MATTHEW 11:29

Iw kuokhasü ikhipe xapulo, eno I launo shikalu lo, kughengu ni ye ivünhei eno aqhokighemi, eno nongu ngulho ghenguno nongu no akulhokiqhi ithulu nani.

1 Peter 2:1

Tighenguno küsakügha, pishikiqhi, kühakügha, anhekushu, eno piküptha kümtsü qhivelo.

James 3:17

Ikemu kunguu no ighikeu lokütsü ye atüghüu no mqhamqhi keu, tishino alakishi, ivünhei, ikhilu kile keu, akipimi qhikütsü likhi keu eno axathi kivi, agikuju küha no tsaqütsalei keu ke.

Galatiami 6:10

Tishiaye ningu no ado kivi ithuluke kümtsü lo timi kümtsü lau akivi kümla shini, eno akhotoshi khunoqo aküpülü lo kibolomi shive akeno panongu lau mlani nolo.

SAMUEL AKINIU 22:36

Nono Ow xakulupu züto I tsü, O kümtsha no I pesü kije shitsüe.

Galatiami 6:1

Athiküzümiqo, khuana no axine lo ikiqive aye, nongu aghungu lomi no mtshaminhei pa sachile saghilo. Nongu jukuto lo tikumo aye nongu ghi ghukuju lo ilove nosae.

1 Tim. 3:11

Titoi pano nipuqo ghi mtsümishei kemi shimasa, kütami pipüsa kemi shimoni, ikemu tsükhüi kemi eno thokha lo pükhükulupu shimasae.

1 Thes. 2:7

Ikemu aza lakhi no atianuli lamlu ketoi ningu no nongu lau mtshaivü piyeke.

FILIPIAMI 4:5

Timi kümtsü no o kümtsha ghili ithi pelo. Ampeu ye aphivilo ani;

1 Kor. 9:19

Kughengu ni ye khuu qeumu kumo kemu I no ni ampi pesü kümtsü qeu shivae, tishikeu lono Khristo lau timi alau saghi luniye ke.

LESHELE 140:11

Akimkimi pelo ayeghi lo apaqa luvepe kevilo; alhoksa pelo mtazü nguka-ngughami kütsave pelo!

2 Kor. 12:20

Kughengu I no ighi kelo nongu ye I no shipenishi ketoi aghi move eno ni ghi nongu no shipenishi ketoi aghi move—tishikeu lono mtomshu, anhekushu, amlo kighide, aghükha, thokügha, xikishi, aqheküza, eno kübangü keu aghive nosa keu msa ani.

2 Kor. 10:1

Ni, Paul ampi no Khristo kümtsha küghüvü pesü nongu qhüiniju ani—kughou nongu sasü kinheqhe kusholuni keno ni ye ivünhei ikemu nongu launo putosüve aye mghachhoi!—

Apostolmi 23:5

Paul no pi, “Athiküzümiqo, pa ye achinetou kepi ni ye mthae, kughengu ishi yepüani, ‘Timiqo shou yepemi vilo alhoksa tsa pimoni.’”

AHOLE 25:24

Mtomshu keu nipu sasü küghüna akepu ye aki kütsüqa cheku lo akeu pavie.

AHOLE 6:19

atuthukishe kümtsü alatsa piqhi chekeu kichile thopiu, eno shompami dolo aküküpna xusü chekemi.

Jude 1:10

Ikemu timi hipaqo ye panongu no vethamla keu thaqhü ye thaigha cheni, eno akükümsü küküha lhoxüqo toi panongu no kiu vethalu cheni keno tino panongu kütsaküngove cheni.

Jude 1:8

Titoi timi hipaqo ghi pano samo pükhüpe aphimpi shipixi, yepemi milive eno ajuküvüpu timiqo thaigha ke.

2 Peter 2:10

eno ti ye akhotoshi khunono pano shiaji lo ngosükümla kükümsü pape no yepemi jukünatha cheni keno tipaqo pi ani. Msaighümo mithe panoqo no amlo kumto eno aqheküza shi ajuküvüpu lo akemi thaigha cheni,

1 Peter 4:4

Hipa vehulo itehi ye nongu no panoqo gholo akumou eno ghasükümla küxü lo kuloji moveke gheno panongu ye nongu jupe akichiqhi eno nongu pipüsaqhi ani;

1 Kor. 6:10

küpkami na, alakimnemi na, shokümzümi na, thoküghami na, pükaqhi kemi namu, khumu Alhou yekipe ighimla nani.

ISAIAH 40:11

Pa no ambekheu toi aloji tucho nani; Pa u lono ambetiqo khape nani; Pa mla lo khadape xapu nani, agholau no ati pazaqo saphe nani.

AHOLE 19:19

Aji kumqhomi ye pa xukighide lame lochile masa nani, nono pa xaphe aye no ye akiniu ghi tishi masa nani.