Titus 3:14 - Sumi Naga CL (Re-edited) Bible (BSI)

¹⁴ Niw timiqo pelo amlo tsüqhiyi akümla kivi shikalu pelo, tishikeu lono avehu küküha küxü xümono avehupu shikütü akemi kuphulu peni.

BAIBEL (BSI)

¹⁴ Nitimiqoye akumla kivipu lono ado peve nikeu ithi pelo eno kuchouno kuhakemi kuphukepu shipelo; eno panonguye avehu kuhakeu kuxu xukepu kumoe.

Sümi Tiqhelimi Bible

¹⁴ Niw timiqo ye kiu no akivi keno tipau shi aní keu lo pulopiniyi amoayesae, tishianguno avehupu shi akemiqo kuphulu eno ameküha keu küxü xümo nani ke.

Titus 3:14 Referans Kwoze

Kolosiami 1:10

tishikeu lono nongu pelo qhoi Ampeu lopushi ameküapu küxü xülu: akümla kivi kümtsü lo athi pithilu eno Alhou kighithi ikowolu peni;

Titus 3:8

Akipitsa hi ye ameküapue, ni ye o pelo hipaqo pikichichi apenishi ani, tishikeu lono khunono Alhou pülüluve akeno panongu pelo tsaqüi akümla kivi lo amlotsü penishi ani. Hipaqo ye timi ghenguno akighiche eno ala shikulupu anike.

FILIPIAMI 1:11

Jisü Khristo launo ighikeu mikucho xathi huno nongu shepichhi pe Alhou juküvü eno shekiqhe shilu penie.

MATTHEW 7:19

Asübo khipaqo no axathi kivi pithi moni keno qhoi yeqhipe ami lo vesüve cheni.

2 Peter 1:8

Kughengu ameküapu hipaqo pesü nonguw shilu no kighishelu aye, nongu ye ni Mpeu Jisü Khristo kighithi lo khilemu qeinai eno amekühave monani.

FILIPIAMI 4:17

Ni ye agho laju anike kumoe; ikemu nongu no kike achekeu lo alau kighishelu penike phucheni.

Ephesiami 4:28

Hinguno hilau ye küpkami no aküpka qhivelo, tishi nike züqhu ichheime mu aphiau pesü amikucho lono mla chulo, tishikeu lono khuana avesa akeu lau küsajelu nani.

John 15:16

Nongu no I kisheluke kumoe, ikemu I no nongu kishelu eno nongu pelo wuno ighive moni keu xathi kutomo pithi peniye süsüe, tishianguno nongu no I je lono Apu vilo kiu kiumu khu aye Pa no nongu tsünani.

John 15:8

Nongu no axathi kutomo pithi keu lono I khopemi kepi pephe piyekeu no I Pu jekipipu shitsü cheni.

2 Thes. 3:8

momu ame tsümono khuno vilomu khuchu püamoe, ikemu nongu khuu shoumu amakho betsümo nike ningu ye putho pucho aghimeshi mla cheke.

Apostolmi 20:35

I no thokha lo nongu piyeve ake ningu ye ichheime mlano miqemlei kemi kuphu, eno Ampeu Jisü ampi no pikeu tsa kümsülu masae, ‘Tsükeu no lukeu nguno akümghapue.’”

MATTHEW 21:19

Alaghi phivilo mububo ithulu kehu pa no wu kemu tile anipa likhi thono kiumu küha. Ikehu pa no asübo vilo pi, “No ye khilemu athi pithi pemoniu!” Paikhavi mububo no thizümüive.

Apostolmi 18:3

eno pa ghi pama toi aphiki lhikishi lo akehu, panongu kümtsa ngono kilhisho shiuve.

ISAIAH 61:3

Zion lo mloqa akemi lopiqitsü peniye, eno ayevu theli lo jukivi kütsükuqho panongu tsüniye, mloqa keu theli lo alokivi thazü tsüniye, amloksa theli lo shekiqhepu phimini tsüniye ke; tishianguno panongu ye amikucho phisübo, Ampeu no shosü keu, ipi ku nani, eno Ampeu juküvüpu shinani.

1 Thes. 2:9

Athiküzümiqo, nongu no ni ghime eno akümla kümsülu aghi nani: Alhou tsakiviu pesü nongu lau asheshu kelo, nongu khuu shoumu amakho shipe moniye nino putho pucho mla cheke.

Rommi 15:28

Ikehu kughou I no hipa ghini shiveni eno qhaphetsü keu pewo Jerusalem lo tsüveni keno, ni ye nongu kila küdau no Spain lo wuveni.

Rommi 12:13

Küpülümi vehupu lo qhasü tsülo eno pütüta ki lo shoinami sasükinimi shilo.

FILIPIAMI 4:16

Thessalonica lo I no akukuphu avehupu shive keloghi nongu no ghuthu lakhi nguno alau I tsü puwue.

Titus 2:8

o tsapi lo timi no pipütha pemo kepushi mtsümishei shilo, tishikeu lono küla akemi shikujove no ningu shou alhoksa pilu kepu kühave nani.