Titus 3:13 - Sumi Naga CL (Re-edited) Bible (BSI)

¹³ No ye pükapütsa no ayezah kighithiu Zenas eno Apollos pama ghüzüla lo tomove keu shi pemoni ke kuphu puwulo.

BAIBEL (BSI)

¹³ Noye pukaputsano ayezah kighithiu Zena ngo Apolo pamano aghuzulalo chekelo kuphu puwulo; eno pamano avehupushi aghikeu jutsulo.

Sümi Tiqhelimi Bible

¹³ Atsa küküghau Zenas eno Apollos pama kicheghüzü lo chekeu lo pama no avehupu shi akeu kümtsü apenike nono shikulupu thaqhü pama kuphu eno jutsülo.

Titus 3:13 Referans Kwoze

Apostolmi 18:24

Alexandriami Jewmi lakhi Apollos ipikeu, atsa pikithimi eno Kuchoyesü ithishe kemi, no Ephesus lo ighi.

MATTHEW 22:35

Tipaqo gholo Ayezah shikükami lakhi no Jisü peju nike ighikuju tsa iniju,

Apostolmi 28:10

Panongu no ningu ghi akiqheu shi ikhilu, eno kughou ningu no cheve niye shive keno, nino avehupu shikeqo thokha panongu no peighi tsü.

1 Kor. 16:11

Ikehu khuu pelomu pa thaighape kevilo, ikemu pa ghüzüla lo aloinoqhiyi puwulo, tishianguno pa ye I lau ideighilu nani, kughengu ni ye athiküzümi gholo pa ighini keu laju anike.

Rommi 15:24

I no Spain lo wucheke lono nongu sasü kujuthukile lunike huqhe aghini, eno ado hami nongu gholo ngove no itaghi I ghüzüla lo wuni kelono nongu kukuphu luni.

Apostolmi 21:5

ikemu atsala tove kethiu, ningu ye wuve. Panongu no anipu anuli kümtsü sasü aphughi khalau no ningu phepuwu. Eno azüghimkü lo qhoqhünhepe ningu no inikhuve

Luke 14:3

Jisü no Ayezah shikükami ngo Phariseemi vilo pi, “Sabbath lono shipivini keu ye Ayezah kiqilo kemo kea?”

Luke 11:52

Nongu Ayezah shikükami ye ahae! Kughengu nongu no akighithi hukikha khaqhiyi süwuve tsüae. Nongu ampi nomu iloke kumono khunoqo iloche keno, nonguu no shokhave ke.”

Luke 11:45

Ayezah shikükami lakhi no pa vilo pi, “Shikükau, nono atsa hipaqo pikeu lo ninguu ghi thoghave ani.”

Luke 10:25

Ghulo lakhi Ayezah shikükau no puthugho no Jisü pejuni ye pi, “Shikükau, ni ye lhokta küxü ighi lunike kiu shimasa kea?”

Luke 7:30

ikemu Phariseemi ngo Ayezah shikükami ye John launo baptiz shimo kehu Alhou kimji panoqo ghenguno akeu milive.)

Apostolmi 15:3

Akukuhou no panongu puwuve, eno panongu no Phoenicia ngo Samaria kathasü wuno Jewkumomi no kishi Alhou lau xaide ighilu ani keno chixechilei lhepiye, eno küpülümi kümtsü lau shishe alokivi süghi tsü.

Apostolmi 19:1

Apollos no Corinth lo akelono, Paul no apukhu lono chesü Ephesus lo ighi. Tile pa no akhopemi khami kusholu.

1 Kor. 16:12

Itehi ye ni thiküzüu Apollos vehulo, ni ye athiküzümi kütami gholono nongu xujuwu lopi pa hakite, ikemu pa ye itodolo tilau ighini keu pulo amoe. Pa no adokivi ithulu kelono ighi nani.