Titus 1:4 - Sumi Naga CL (Re-edited) Bible (BSI)

⁴ Aqü küpülü kiqi lono I nu kuchou shi chekeu Titus lau: Apu Alhou eno ni Xakuluu Jisü Khristow küpükini eno aloino keu tsü ani.

BAIBEL (BSI)

⁴ Tito lau yeani, ningu kupulu aqu shiakeu lono noye inu kuchoke: Apu Alhou ngo niXakuluu Khristo Jisu launo kupukini ngo alokughunopu owu shilupeni.

Sümi Tiqhelimi Bible

⁴ Titus lau yè ani, nikujo aküpülü lono lakhi shi akeu vechewo no ye I nu kuchou ke: Apù Alhou eno Khristo Jisü, ni Xakuluu lau no ighi keu küpükini eno aloino keu ow shilu peniu.

Titus 1:4 Referans Kwoze

2 Tim. 1:2

I qhuu, anu Timothy lau ye ani. Apu Alhou eno ni Mpeu Khristo Jisü launo küpükini, kimiyekini, eno aloinokeu tsü ani.

Jude 1:3

Kimiye chekeqo, ninguw aqü xakulupu akeu vehu yenishi kütü akemu Alhou no aküpülü khikhi ghuthu khavino küpülümi kümtsü lau tsü keno, tiu süsho penike ni ye nongu ghutu ghi ye masave.

2 Peter 1:11

Kughengu hitoi shikeu lono nongu pelo ni Mpeu eno Xakuluu Jisü Khristow lhokta yekipe lo ilolu penike nongu ghenguno akulaghi ililai shi khaqhitsü nani.

2 Peter 1:1

Jisü Khristo qeu eno apostol, Simeon Peter no, Ni Lhou eno ni Xakuluu Jisü Khristo mikucho lono khunono ni sasü kümghülu ghi aküpülü ye ithuluve akeno panoqo lau ye ani:

2 Kor. 2:13

tile I thiküzüu Titus ithumlave kehu I mlo no aloino mlave. Ikehu ni ye panongu qhive no Macedonia lo wuve.

2 Peter 3:18

Ikemu ni Mpeu eno Xakuluu Jisü Khristow küpükini eno Pa kighithi lono thuwu alo. Itehi eno lhokta tsala kutolo Pa lau ajekipi shilo. Amen.

2 Kor. 8:23

Titus ye I tüna shino nongu vehupu ghenguno I gholo mlaküqha chekemi. Eno ni thiküzüu pama ye Khristo juküvüpu ghenguno akukuhouqo tsapemi ke.

Rommi 1:12

tishino ningu ye lakhi no lakhi küpülü vecheo shikumto kileluni kehue.

John 4:42

Panongu no atotiu vilo pi, “Nono pike ghengu likhino ningu ye pülü anike kumovae, kughengu ningu ampi no pa no pikeu chiluvae, eno kuchou no Pa ye ayeghilomi Xakuluu kepi nino ithivae.”

1 John 5:14

Ningu no Alhou lau amlo kuloghipu akeu ye hike: nino kiu kiumu Pa pulou lono khu aye Pa no chilutsü nani.

2 Peter 3:2

ike nongu ye akimthe tungkupmi no pichho tsükeu eno nonguw apostolmi no Ampeu eno Xakuluu zakütsü pesü tsükeu kümsüchilelu masae,

2 Peter 2:20

Kughengu panoqo no ni Mpeu eno Xakuluu Jisü Khristo ithilu keu vecheo ayeghiqha lo kitiqe keu jeli lono pokaluve kethiu itaghi tipaqo gholo küptshü luve aye, pano ye püzüu atüghü lo nguno ashekhalau no alhoksa shikitheve cheni.

Titus 1:3

eno Pa tsa vecheo ado achipi lono Alhou ni Xakuluu no atsape hipau sheshu penike azah I tsüke.

Kolosiami 1:2

Colossae lo Khristo küpülümi eno pükhükulumi athiküzümi lau: Ningu Papu Alhou launo küpükini eno aloino keu tsü ani.

Ephesiami 1:2

Ni Pu Alhou eno Ampeu Jisü Khristo launo ighikeu küpükini ngo aloinokeu pesü nongu tsü ani.

Galatiami 2:3

Ikemu le Titus khuu I gholo chekeno pau ye Greekmi keghi anguka shi aphighüyiko ghavelo pimoe.

2 Kor. 12:18

I no Titus vilo wulopi hakite eno pa gholo athiküzüu puwue. Titus ye adokivi luno kiuala ala shiluve keshea? Nikujo ye akükümsü lakhi lono mlake kumo? Nikujo ye apukhune lakhi shike kumo?

2 Kor. 8:16

Alhou shikimthie, Pa no Titus mlo lo I no nongu ghenguno alomsü chekeu atho sütsü ke.

2 Kor. 8:6

Ikehu ningu no Titus vilo pa no huthuphe ketoi nongu gholo hi küpükini kümla ashehove tsülopi pa hakite ke.

2 Kor. 7:6

Ikemu amlo hauve kemi shikumto chekeu Lhou no Titus pelo ighilupe keu vecheo ningu shikumto tsü,

2 Kor. 4:13

Kuchoyesü lo “I no pülülu; tighenguno I no pivae,” ipi püani kehu ningu ghi aküpülü ghungu aphiphi akeu kiqi lono pülülu no pi anike,

Rommi 1:7

Rome lo khunoqo Alhou no qhuivü keu lono akimtheshi xü peniye kulu keno: ni Pu Alhou eno Ampeu Jisü Khristo launo ighi keu küpükini eno aloinokütsü nongu gholo alo.

Luke 2:11

Kughengu ishi tsala lono nongu lau Xakuluu, khuu Khristo Ampeu keno, David phughi lono punuvae.

Galatiami 3:26

kughengu aküpülü vecheo Khristo Jisü gholono nongu kümtsü Alhou nuli ake.

Galatiami 3:28

Ikehu Jewmi ngo Greekmi dolo, aqemi ngo ililai kemi dolo, kiptimi ngo totimi dolo kütüqü keu kühae, kughengu nongu kümtsü Khristo Jisü gholo lakhi shivae.

1 Tim. 1:12

Akümla hipau shipenike akumto I tsükeu, ni Mpeu Khristo Jisü shikimthi ani, kughengu pa no ni ye pükhükulupu kepi xatha no I pesü pa kümla lo süsüe,

2 Tim. 1:1

Alhou pulou vecheo eno Khristo Jisü lau aküxü akeu tsünike tushoqhi püakeu kiqi lono, Khristo Jisüw apostol Paul no,

2 Tim. 4:10

kughengu Demas ye hipa yeghi kimiyeuve püzü I qhive no Thessalonica lo wuvae. Cresens no Galatia lo wuvae eno Titus no Dalmatia lo wuvae.

Titus 2:13

tino ni Lhou akijeu eno Xakuluu Jisü Khristo ajuküvü lono ipeghini keu khekuto akelo niw kükümgha lajupu ke.