SAMUEL ATUGHIU 7:9 - Sumi Naga CL (Re-edited) Bible (BSI)

⁹ Tighenguno Samuel no ambeti lakhi pesü kuchopu kipti kümllagho shi Ampeu tsü. Eno pa no Israelmi ghenguno Ampeu lau inikhu kelo Ampeu no pa khochiletsü.

BAIBEL (BSI)

⁹ Tileno Samuel no bheriti lakhi heqhino kumtsu pesu aghakishi kumlla kiqi lono AMPEU tsughi pitive. Tishipuzu pano AMPEU lau Israilmi kuphutsulopi inikhutsu eno kuchouno AMPEU no pa kighini khochiletsu.

SAMUEL ATUGHIU 7:9 Referans Kwoze

JEREMIYA 15:1

Ampeu no I vilo pi, “Moses ngo Samuel pama no I zülo puthugho püaghi namu, I mlo ye timi hipaqo lau tsüghü ighimo nani. I zülono panongu hapheve no puwuve lo!

LESHELE 99:6

Moses ngo Aaron ye Pa chinemi ke, Samuel ghi Pa je ku inikhu chekemi dolo lakhi ke. Panongu no Ampeu je ku, eno Pa no panoqo khochile.

LESHELE 50:15

eno shiluküsa tsala lo I kulo I no o xalu nani, eno nono I sheqhe nani.”

SAMUEL ATUGHIU 7:17

Tishino pa no Ramah lo pa kilo idewove che, eno tilau ghi pa no Israelmi shou xathatsü che. Pa no tile Ampeu ghenguno akümlla-khache shiqhe pukue.

James 5:16

Tighenguno lakhi no lakhi lau nongu xine piphelo eno lakhi no lakhi ghenguno inikhu lo, tishianguno nongu ye viluve nani. Amikuchomi kighini ye aküka kije ani kughengu tino mlaitha achenie.

SAMUEL ATUGHIU 16:2

Samuel no pi, “Ni ye kishino wuni kea? Saul no chiluve aye, I heqhive nani.” Ampeu no pi, “Amshiti lakhi o gholo pewu no pilo, ‘Ni ye Ampeu lau aghakishi tsüniye ighi ani.’

SAMUEL ATUGHIU 10:8

Tishino I züuno chesü Gilgal lo iqilo. Eno julo, I no o lau iqighi no akipti kümllagho eno külakishi kümllagho pesü aghashi nani. I no o lau ighi no nono kiu shikepu keno o piye moke kutolo no ye atsala tsüni ngokhe nani.”

SAMUEL ATUGHIU 9:12

Panongu no khochile, “Pa ye ani, julo, pa ye nokujo züu cheni. Mtazü wulo. Pa ye lo-i itehi no mishighüna lo ighi ani, kughengu ishi timiqo no qhemghaike-a lo aghakishi tsü anie.

XAKUTHAMI 6:28

Kughou mishiphu lo xüküami no thanau ithughi keno, Baal kümlla khache tulave aghi eno Asherah julho loqhive aghi, eno amshitsü akiniu akiptia mla püakeu lono mllave aghi.

XAKUTHAMI 6:26

Tipau tope shou atu pesü akivishi kithipe Ampeu o Lhou lau akiptia lakhi mlalo. Tishino amshitsü akiniu pesü akipti kümllagho shi tsüno Asherah julho nono loqhi niye akeu sülu pesü ti süküghüpu sü shilo.”

ACHINE 22:27

“Kughou amshiti, ambeti, momu aneti pitini keno, atsala tsüni dolo aza gholo qhini, eno tithiu ye achuqupu kümllagho shi ikhilutsü nani.

ZAKINIU 9:26

Tile I no Ampeu lau ishi inikhue, ‘O Ampeu Alhou, O mheghi timi, Nono O küka kije lono xachilelu, eno O u no Egypt lono saipeghi keqo kütsave kevilo.

SAMUEL ATUGHIU 2:35

Eno I no I ghenguno pükhükulupu chineu lakhi puthu nani, pa no I mlo lo eno I kükümsü lo kiu ani keno tipau kiqi lono mla nani. I no pa ghenguno aki lakhi shiqhe nani pütsa, eno pa no Iw nukishe luve keu zülo pülhapuju ipe-ilo nani.

SAMUEL ATUGHIU 12:17

Ishi ye ashothi ghile ghuloki ke kumo keshea? I no Ampeu kuni, tishino Pa no pasapagha eno tsütsüghu puwu tsü peni. Nongu no nongu ghenguno akükau khu keu lono now küsakügha kije shive akepi nongu no ithi eno ithulu nani.”