SAMUEL ATUGHIU 7:2 - Sumi Naga CL (Re-edited) Bible (BSI)

² Puloshoqhi bohu Kiriath-jearim lo qhikeu ado kushuo ampe muku qhalo shive, eno Israel laghami kümtsü no Ampeu lau mloqae.

BAIBEL (BSI)

² Puloshoqhi Bohu huye Keriat Yearim lo ampe mukua toike ado kushuwo ngove. Tipa ghulokilo Israilmi kumtsuno AMPEU pelo kuphupe nike ghenguno mloqa khue.

SAMUEL ATUGHIU 7:2 Referans Kwoze

MATTHEW 5:4

“Khunono mloqa cheni keno akümghapue, kughengu panongu lokughuno tsünani.

JEREMIYA 31:9

Panongu no qasü ighi nani, I no panoqo saghi kelo kimiye tsü penike qhüiniju nani, I no panongu sasü aghoki phivi lono chewu nani, panongu no akümzü la lo küpxamo no wunani, kughengu Ni ye Israel Papu eno Ephraim ye I nu anoghiu ke.

JEREMIYA 3:13

Nono Ampeu o Lhou hebideve o pulou pesü asüminipho qholo inaghami lau tsüve no I tsa gholu move keu kipimi kepi ikhilu lo, ipi Ampeu no asheshu.

XAKUTHAMI 2:4

Kungumi huno Israelmi vilo hi pive kemtsa, timiqo no ighamku qaukhave.

JOSHUA 9:17

Tighenguno Israelmi no chesü tipaqo no küghüna akeu mishighünaqo lo ighi kelo atsala küthü shive. Mishighüna tipaqo ye Gibeon, Chephirah, Beeroth, eno Kiriath-jearim.

SAMUEL ATUGHIU 7:1

Ikehu Kiriath-jearim lo timiqo no ighi no Ampeuw Puloshoqhi bohu luve no pesü atoghi lo Abinadab kilo wove. Eno panongu no pa nu Eleazar kishekimthepe Ampeuw Puloshoqhi bohu jukükütsüu shivepe.

SAMUEL ATUGHIU 7:3

Samuel no Israel laghami kümtsü vilo pi, “Tsala nongu no nongu mlo kümtsü pesü Ampeu lau xaide aye, nongu ye inami lhouqo eno Ashtaroth phevelo, nongu mlo pesü Ampeu tsülo eno Pa likhi qelo, tishiaye Pa no Philistiami u lono nongu xaphetsü nani.”

YEKIKITHI ATUGHIU 13:3

Tishino ni Lhouw Puloshoqhi Bohu sachile süghiveni, kughengu Saul ghuloki lo ningu ye alokümsü kühave ke.”

JEREMIYA 26:20

Tile kütami lakhi Ampeu je lono tungkuptsa pi chekeu Kiriath-jearim ghami Shemaiah nu Uriah ae. Pa no mishighüna eno ayeghi hipau ghenguno Jeremiah no pikeu tsatho pi.

YEKIKITHI ATUGHIU 13:5

Ikehu David no Kiriath-jearim lono Alhouw Puloshoqhi Bohu süghini ke ghenguno Israelmi apeu Egypt lughi lono ahuu Lebo-hamath kutolo akemi kümtsü hekütsü.