SAMUEL ATUGHIU 3:13 - Sumi Naga CL (Re-edited) Bible (BSI)

¹³ I no pa vilo asheshu püanike I no pülhapuju ghenguno pa kibolomi ghimeni ye ani, ti ye axine pa no ithi akeu ghenguno ke, kughengu pa nuliqo no Alhou thaigha ighivae, eno pa ye panoqo ghasü move.

BAIBEL (BSI)

¹³ Ino pa kibo alhokuthu ghenguno ghimeveni keu tsa azuuno pa vilo pivae, kughengu pa nuliqono imithikeu shi alhoksa mlae. Eli ghi panonguno kiu mla akeno ithi ae, tishimu paye panongu hasumoe.

SAMUEL ATUGHIU 3:13 Referans Kwoze

MATTHEW 10:37

Khukhumu apu momu aza kimiye akeu nguno alau I kimiyemo keu ye I laumi shiküzüpu kumoe, eno khukhumu apuanga kimiye akeu nguno alau I kimiyemo keu ye I laumi shiküzüpu kumoe.

AHOLE 19:18

Lajupu anike ghenguno o tianuli shikümzü sakiyi lo; pa pelo akithipu lo ilove peni keu kümsü kevilo.

SAMUEL ATUGHIU 2:12

Eli nuli pama ye ameküha kemi. Pama ye Ampeu ithi moe.

SAMUEL ATUGHIU 2:17

Ikehu achineu pama xine ye Ampeu zülo ighono kije shive, kughengu pama no Ampeu kümllagho küthakügha shi peithake.

EZEKEL 18:30

“Tighenguno, O Israel laghami, timi lakhikhi shou pütüta laghi kiqi lono I no küghatha nani, Ampeu Alhou no asheshu. Xaidelo, eno nongu xine kümtsü lono tsüghüve lo, tikumo aye axine no nongu kütsakungove nosae.

EZEKEL 7:3

Itehi kishekha ye nongu shou ighivae, I no I mlokighide nongu shou puwu nani; I no nongu laghi kiqi lono nongu lau küghatha nani, eno nonguw aphikümqhüpu kümtsü ghenguno I no nongu ghime nani.

KUKAMI ATUGHIU 1:6

Pa pu David ye khilemu pa mlo shipüsa ghi, “No ye kushiye hikithipu shi ani kea?” ipi pa sakiyi moe. Pa ye ighono ahi kivimi, eno Absalom shelono punue.

AHOLE 29:15

Akihepusü ngo shikümzü keu no alokütsü tsücheni, ikemu atianuli kighileve aye akukujo pesü paza tsüani.

1 John 3:20

kughengu ni mlo no akipimi ningu tsü anamu Alhou ye ni mlo nguno akijeu eno Pa no thokha ithi ani.

JOYIL 3:12

Shiyeqo pelo panongu dolono xukutho pelo eno Jehoshaphat Khila lo ighi pelo; kughengu tileno I no hokümxa lo shiye akeqo kümtsü shou küghathabeni ke iqa nani.

YETSAPIU 7:22

O mlo no ithi anike no ampi ghi ghuthu kutomo kütami ghushovae.

YEKIKITHI AKINIU 20:12

O ni Lhou, No ye panongu shou xakütha puku tsümo keshea? Kughengu hi aqokitikhi kije ni leniye chekemi zülo ningu ye aküka kühavae. Ningu ye kiu shikepu keno mthavae, ikemu ningu ye O lau ju anie.”

KUKAMI ATUGHIU 2:44

Akükau no Shimei vilo hi ghi pi, “Nono I pu David lau alhoksa shikeu kümtsü no ghi o mlo lo ani. Ikehu Ampeu no o kümla pesü o kütsü shou pukutsü nani.

ZAKINIU 17:12

Timi khuu no ighü mono achineu eno küghaküthau Ampeu nongu Lhou qeche keu hebideni keno pithive lo. Hipa ghola lono alhoksa ye Israel lono ikhive lo.

ZAKINIU 21:18

“Timi lakhi no kuthovi eno hekibide nu aghini, eno apuaza no shikümzü sakiyi keu ini tsümo aye,