SAMUEL ATUGHIU 29:4 - Sumi Naga CL (Re-edited) Bible (BSI)

⁴ Ikemu zatsümi no Achish ju amlo ideve no pa vilo pi, “Timi hipau puwove no pa kungo-a kutopüa tsükeu lo idewove pelo. Pa ye ni gholo aghüshiqa lo iqimo nani, tikumo aye pa ye aghüshiqa lono ni ghümi shive nosae. Kughengu pa ye niw timiqo kütsü pesü pa mpeu mlo chuluni keu nguno akiviu kütau kiu ani kea?

BAIBEL (BSI)

⁴ Ikemu Filistiyami ahzakutsuuye Akis ju panongu mlo ideveno pa vilo pi, “Timi tipau hapesu nono pa tsuvekeu taun lo kighide puwovelo. Pa pelo ni sasu aghushiqa lo wupekepu kumoe; kughengu kichighi aghushi ake mta lono paye nodiuveno ningu mithiuve mthae. Pa mpiu sasu kulashiniye ningu timiqo pithivekeu nguno alaghi kiviu kutau ye kuhae.

SAMUEL ATUGHIU 29:4 Referans Kwoze

SAMUEL ATUGHIU 14:21

Hipa züu Hebrewmi khunoqo Philistiami gholo ache eno panoqo ghazü lo wuve keno, panongu ghi Israelmi Saul ngo Jonathan pama gholo akemi lau ideighive.

YEKIKITHI ATUGHIU 12:19

Kughou David no Philistiami gholono Saul sasü aghü shiniye ighi keno, Manasseh lagha lo khami no David lau poighive. (Ikemu Philistiami yepemi no kuchughupe, “Pa ye ni kitimeve no pa mpeu Saul lau pove nani” ipive no David puwuve, ikehu pa ye Philistiami kuphu mlave.)

Luke 16:8

Hekujuu no hitoi amqükini shike ghenguno pa mpeu no akishe tsüe. Kughengu hipa yeghi lomiu no aküvü lo akemi nguno alau amqükini shi pano toi kemi peitha cheni.

SAMUEL ATUGHIU 27:6

Ikehu tipani no Achish no Ziklag pa tsüve. Tighenguno ishi kutolo Ziklag ye Judah kükami sala shive.

SAMUEL ATUGHIU 29:9

Achish no khochile, “I no ithi anike no ye I nhethe lo kungumi lakhi toi tukutiye kühae. Ikeghi Philistiami zatsümi no, ‘Pa ye ningu gholo no aghüshiqa lo wumo nani,’ ipivae.

SAMUEL ATUGHIU 30:1

Kughou David ngo paw timiqo no aküthüni Ziklag lo ighi keno, Amalekmi no Ziklag eno apeu yeghi leighi aghi. Panongu no Ziklag leluve no pitileve tsü aghi,

IPEKULU 1:10

Ighilo, ningu tsükhüi shi panoqo peitha luveni nolo, tikumo aye panongu no kughuko wove no tsala aghükishi ipeghi aye, panongu no ni ghümi gholo küqhano ni mjochile eno ayeghi hipau lono pokave nosae.”

YEKIKITHI ATUGHIU 12:20

David no Ziklag lo idewo cheke lono Manassehmi hipaqo no pa gholo poighive: Adnah, Jozabad, Jediael, Michael, Jozabad lakhiu, Elihu, eno Zillethai, panoqo ye Manassehmi qhethonhe shou atomi ke.