SAMUEL ATUGHIU 26:19 - Sumi Naga CL (Re-edited) Bible (BSI)

¹⁹ Tighenguno itehi I mpeu akükau no o qeu tsa inilo. Tsala Ampeu no o xukuthope I küla aghi aye, akümllagho Pa tsüve lo, ikemu timi no shi aghi aye, pa ye Ampeu zülo angusü shipeni. Kughengu panongu no Ampeu mheghi yeghi lo I saje kühave peniye ishi tsala lono I haphe no ishi piani, ‘Wuno kütami lhou qelo.’

BAIBEL (BSI)

¹⁹ Akijeu, ino kiu pinikeno ti inijutsulo. Tsala AMPEU no oxukideno imithi aghi aye akumllagho pa lau tsukeu vechewono pa mlo kililu nani; ikemu tsala timino hishi aghiaye, AMPEU loghu panoqo shou ikughipeniu. Kughengu panonguno AMPEU yeghi lono ihapheveno ipelono inami yeghilo inami lhouqo likhi mllaluvepe kepu shi vetsu anike.

SAMUEL ATUGHIU 26:19 Referans Kwoze

SAMUEL AKINIU 20:19

Israel lo iqüghai eno pükhükulu gholo nighi lakhi ke. Israel lo aza lakhi shi ache keu mishighüna nono kütsaveni ye phucheni. Kushiye no ye Ampeu mheghi shipühave tsüniye ani kea?”

SAMUEL AKINIU 16:11

David no Abishai eno pa qemi kümtsü vilo pi, “Julo, I nu thotsü I küxü phucheni aye itehi Benjaminmi hipau ye tinguno alau shinani thono! Pa lokutove lo, pa pelo ghusho apelo, kughengu Ampeu no pa vilo tishilo pike.

SAMUEL AKINIU 14:16

Kughengu akükau no chilu tsüno Alhou mheghi lono ni eno I nu kütsaveni ye akeqo u lono pa qeliu xaphetsü nani ke.’

LESHELE 120:5

I no Meshech lo itsü kupokiche shiche keu eno Kedar phiki lo küghüna chekeu no I ghenguno ahasapue!

YEKIKITHI ATUGHIU 21:1

Tithiu Satan no Israelmi ghobide ithughive eno David pelo Israelmi kihiju peniye xukutho.

SAMUEL ATUGHIU 18:10

Thoghiu Alhou launo aghawu lhoksa no Saul shou ikughive no pa ye pa kilo atsa pi küghüzü ae, eno David no tsala kipetsü shiche ketoi aheo küigha ae. Saul no pa u lo angupa pesü ngoa.

BOTHUBO 8:21

Kughou Ampeu no tsüngqüi keu xo münalu keno, Ampeu no Pa mlo lono ishi pi, “Ni ye itaghi khilemu timi xine ghenguno ayeghi müsüini moae, kughengu alhothe lonomu timi kükümsü kupulo ye küsaküghae. Ti kumono Ni ye I no shike toi itaghi khilemu lhoxüqo pügha kithemae.

2 Tim. 4:14

Ayikiyiqiu Alexander no ighono I kijipüsae; Ampeu no pa kümla kiqi lono tsüchile nani.

Galatiami 5:12

Khunono nongu pünaqhi ani keno ni ye panongu phighü pichive penishi ani!

Rommi 14:15

Kughengu nono kiuala chukeu lono o thiküzümi mlo kütakihive tsü aye, no ye kikimiye lono cheche movae. Nono chuche keu huno khumu kütsave kevilo, kughengu Khristo ye pa ghenguno thive ke.

ISAIAH 60:5

Tileno nongu no ithulu no alokivi yebide nani; nongu mlo ye alokivi no thüthüshi nani eno sheqhe nani, kughengu azüghi lo akini kupukuno shi akeu nongu lau ighive nani; eno shiyeqo küakini ye nongu lau ighive nani.

AHOLE 30:10

Khilemu aqeu ghili pesü pa mpeu vilo pi kevilo, tikumo aye pau no o ghushove no akipimi o tsü nosake.

KUKAMI ATUGHIU 22:22

Ampeu no pa vilo pi, ‘Kishi no shini kea?’ Aghawu no pi, ‘I no wuno paw tungkupmi kümtsü kichi lo akimki ghungu süve tsüni.’ Pa no pi, ‘No ye pa züiza no tolu nani ke wulo.’

SAMUEL AKINIU 24:1

Itaghi Israel shou Ampeu loghu ye iqü ipeghi, Pa no David xukutho no pi, “Wulo, Israel ngo Judah kihiju lo.”

SAMUEL ATUGHIU 25:24

Li no pa pukhu philo itsaqi no pi, “I mpeu, akipimi I shou likhi beve tsülo. Kimiyeno o qeu pelo o pütsalu pelo, eno o qeu tsa ini tsülo.

ACHINE 26:31

I no no phughiqo xaleve tsünani, akümlla-a kütsaleve tsüno nongu ghakishi xo ikhilu tsümo nani.

BOTHUBO 44:18

Tileno Judah no pa lau wuno pi, “O, I mpeu, kimiyeno o qeu pelo atsa lakhi I mpeu vilo piju pelo, eno o qeu lau o amloide tsü kevilo, kughengu no ye Pharaoh paphike.

SAMUEL ATUGHIU 24:9

Eno Saul vilo pi, “Kushiye o vilo, ‘Julo, David ye o ghüza niye phucheni,’ ipikeu tsa ini cheni kea?

SAMUEL ATUGHIU 27:1

David no pa mlo lono kümsü, “Ni ye ghulo lakhi lo Saul u lono thive nani. I ghengu ye Philistiami yeghi lo pove keu nguno akiviu kühae. Tileno Saul ye Israel ghuthu lo I phuju pühave no aghüthi süve nani, eno ni ye pa u lono pokaluve nani.”

SAMUEL AKINIU 21:3

David no Gibeonmi vilo pi, “Ni ye nongu ghenguno kiu shitsüni kea? Nongu pelo Ampeu mheghi kümghatsü penike ni ye kishi nongu lochileni kea?”

AKIKIHI 36:7

Israelmi mheghi ye alagha lakhi lono lakhiu lo pekiqe wumoni ikemu Israelmi kümtsü no pano puasü mheghi pükhani.

AKIKIHI 36:9

Tishikeu lono kiu mheghi mu ashiaye lakhi lono lakhiu lau pekiqe womo nani eno ashiaye kümtsü pütüta mheghi pekibe wolu nani ke.’”

ZAKINIU 13:3

nongu ye tungkupu momu asamo pumo kicheu tipau tsa ini moni. Kughengu nongu ye amlo kuchopu eno angulho kuchopu pesü Ampeu nongu Lhou kimiye ani kemo keno ithini ke Ampeu nongu Lhou no nongu peju ani.

SAMUEL AKINIU 16:10

Ikemu akükau no pi, “Nongu Zeruiah nuliqo, ni ye nongu sasü kiu shikepu ani kea? Tsala Ampeu no pa vilo, ‘David ghusholo,’ ipike ghenguno pa no ghusho aghi aye, khuu no pa vilo ishi piluni kea, ‘No ye kushiye tishi kea?’”

LESHELE 20:4

O mlo no kümsü pulo keu Pa no o tsü peni eno o kukughu kümtsü shikupu tsü peni!