SAMUEL ATUGHIU 26:10 - Sumi Naga CL (Re-edited) Bible (BSI)

¹⁰ Ampeu xü anike Ampeu no Saul pithive nani, momu pa kithi tsala ighi nani, momu pa ye aghüshiqa lo ilo no thive nani.

BAIBEL (BSI)

¹⁰ Xukuau AMPEU jelono pi ani, AMPEU no pa kutoshino Saul heqhi pithive nani, ike tiye pa kithi ghuloki ighike lonomu thive nani momu aghukishi lonomu thive luvie.

SAMUEL ATUGHIU 26:10 Referans Kwoze

ZAKINIU 31:14

Ampeu no Moses vilo pi, “O kithi tsala ye kupunuvae. I no Joshua süküsü shiveni ke pa kusasü nokujo kuposhukulu phiki lo ighilo.” Moses ngo Joshua pama no kuposhukulu phiki lo ilove.

BOTHUBO 47:29

Kughou Israel thiveni keu do kupunuve keno, pa no pa nu Joseph kuno pi, “Tsala o zülo I kimiyelu kepu shi püaghi aye, I lukobo qholo o u beno kikimiye eno kuchou lono I lau mlani pi tushoqhi lo. Egypt lo I kumo shiqho kevilo,

Rommi 12:19

Kimiye chekemiqo, khilemu nonguu no amkhü luve kevilo, ikemu ti ye Alhou loghu lau picheve tsülo, kughengu hitoi yepüani, “Amkhükulu ye Iw ke, I no tsüchile nani ipi Ampeu no pi.”

LESHELE 37:13

ikemu Ampeu no kixikilami junu cheni, kughengu pa tsala chekeu Pa no ithulu anie.

SAMUEL ATUGHIU 31:6

Hitoi Saul ngo pa nuli küthü ye thive, eno pa ghünanu kupuu ngo paw timi kümtsü atsala lakhi lono thikhave.

SAMUEL ATUGHIU 25:38

Eno atsala chighi thiu Ampeu no Nabal buve no pa ye thive.

SAMUEL ATUGHIU 25:26

Ikehu itehi, Ampeu xü anike eno I mpeu no xüake toi, nono aji peleni ye akeu lono Ampeu no o hakhalu ketoi, itehi o ghümi eno khunoqo o shou alhoksa shiniye phucheni keno tipaqo pelo Nabal toive pelo.

ZAKINIU 32:35

Amkhükulu ye Iw ke I no tsüchile nani, panongu pukhu no nekipheni keu do ye kupunuvae, Panow küsakusho tsala ye kupunuvae, eno pühaveni keu tsala ye pai ighive nani.’

Piyeküsü 18:8

Hi ghenguno li tsüni keu püsa akithi, akumlo eno püqümiye, kümtsü ghulo lakhi lono ighive nani, eno li ye ami pesü pitiqhive nani; kughengu Ampeu Alhou Khuu li shou küghathabeve akeno, Pa ye Akughushu ke.”

IBRIMI 9:27

Timi kümtsü ghuthu lakhi ye thive penike kughuve tsüae, eno tithiu no küghakütha ighi cheke toi,

Luke 18:7

Imaye Alhou ye Paw kishekiphemi khunono putho pucho Pa lau ighamku cheni keno, tipaqo lau kuchou xakütha tsümoni keshea? Pa ye panoqo kuphuni ke süpushu nani keshea?

YETSAPIU 3:2

punu kepu do, eno thive kepu do; shosü kepu do, eno nhü kepu do;

LESHELE 94:23

Pa no panoqo xine pesü pano shou pechile ighi nani eno panow küsakügha ghenguno pano joleve nani; Ampeu ningu Lhou no panoqo joleve nani.

LESHELE 37:10

Ado kitila apüzü kixikilami ye kühave nani; nono tsaqütsalei phuju namu, pa ye aghi move nani.

JOB 14:14

Timi lakhi no thive aye, pa ye xüchilelu nani keshea? Tishike aye I küxü kupuju ime anamu I theli lo ighi moke kutolo ni ye khejuni cheke.

JOB 14:5

Pa tsala ye püzüu no kihithavae, aqhi kikihi ye O u lo ani, Nono botha keu pa ye hechemla keke,

JOB 7:1

“Ayeghi lo timi küxü ye ghüshimi ghime toi kushokütsüpu, eno pa tsala ye aqekiqemi tsala toike kumo?

SAMUEL ATUGHIU 24:15

Tighenguno Ampeu no nikujo dolo xathatsü peni, eno I saphu tsüno o u lono I xaphetsü peni.”

IBRIMI 10:30

Kughengu khuu no, “I no amkhülu nani; I no lochile nani,” eno itaghi, “Ampeu no Paw timi shou küghatha nani,” ipi keno, ningu no Pa ithi ani.

SAMUEL ATUGHIU 24:12

Ampeu no nikujo dolo xathatsü peniu, Ampeu no o lau I mkhü lutsü peniu, ikemu I u ye o shou süqhemo nani.

SAMUEL ATUGHIU 25:39

Kughou David no Nabal thivae pi chilu keno, pa no pi, “Ampeu khuu Nabal no I thaigha keu mkhü lutsü, eno akumou shiniye akelono Pa qeu hakholu keno, Pa je sheqhelo. Ampeu no Nabal lhoksa pesü pa ampi kütsü lo pukuve tsüae.” Tithiu David no li pesü pa nipu shinike timi puwu no Abigail vilo pi.

SAMUEL ATUGHIU 31:4

Ikehu Saul no pa ghünanu kupuu vilo pi, “O zütakikihi pesü I jiqhive lo, tikumo aye aphighüyiko ghamo kemi no ighi no I kijipüsa no pithive nosae.” Ikemu pa ghünanu kupuu no tishi moe, kughengu pa ye shishe msave. Tighenguno Saul no pa zütakikihi ikhilu no tipau shou ikiqi iku thive.