SAMUEL ATUGHIU 25:35 - Sumi Naga CL (Re-edited) Bible (BSI)

³⁵ Li no kiu süghi keno David no li u lono luvetsü. Eno li vilo pi, “Aloino o kilo wulo. Julo, I no o tsa luve tsüae, eno nono qhüiniju keu shitsüni.”

BAIBEL (BSI)

³⁵ Tishino David no lino pa ghenguno kiu gho sughitsu keno ikhiluvetsuno li vilo ishipi, “Akiu wovelo, kuumu amlo sakevelo. Nono kiu lunishi anikeno tipau shitsuni.”

SAMUEL ATUGHIU 25:35 Referans Kwoze

KUKAMI AKINIU 5:19

Elisha no pa vilo pi, “Aloino wolo.” Ikemu Naaman no pa launo kushuo lo wumphi lono,

SAMUEL ATUGHIU 20:42

Tileno Jonathan no David vilo pi, “Aloino wolo, kughengu nikujo no Ampeu je lono tushoqhi püani, ‘Ampeu no nikujo eno nikujo tikughuko gholo pülhapuju apeniu.’” Tishino David ye wuve eno Jonathan ghi mishighüna lo idewove.

BOTHUBO 19:21

Kungumi no pa vilo pi, “Julo, nono qhüiniju akeu ghi o tsüve ani, ti ye mishighüna khipau tsa nono pive akeno ni ye tipau kütsa moae.

Luke 8:48

Jisü no li vilo pi, “Angao, o küpülü no o shipivivae; aloino wolo.”

Luke 7:50

Itaghi pa no atotiu vilo pi, “O küpülü no o xaluvae; aloino wolo.”

JOB 34:19

yepemi lau mu agiju chemo, momu kumlhomi nguno alau kinimiu kihi chemoe, kughengu panongu kümtsü Pa u lo kümla ke.

SAMUEL AKINIU 15:9

Akükau no pi, “Aloino wulo.” Tighenguno pa no ithu Hebron lo wuve.

SAMUEL ATUGHIU 1:17

Ikehu Eli no khochile, “Aloino wulo, Israel Lhou pelo nono Pa lau qhüiniju akeu khochiletsü peni.”

AHOLE 25:11

Ado kiqi lono atsa achipiu pilu keu ye ameshoyi akiviu pesü ghükayi shou ananu shipuku püake toi nani.