SAMUEL ATUGHIU 23:18 - Sumi Naga CL (Re-edited) Bible (BSI)

¹⁸ Pama no Ampeu zülo puloshoqhi shi. Eno David ye Horesh lo ngove no Jonathan no aki lo wove.

BAIBEL (BSI)

¹⁸ Tishino pamaye lakhino lakhi sasu akusapau kuchou shi anikeushi AMPEU zulono tushoqhikileve. David ye Hores lo ngove eno Jonathan no akilo idewove.

SAMUEL ATUGHIU 23:18 Referans Kwoze

SAMUEL AKINIU 21:7

Ikemu akükau no Jonathan nu, Saul tilimi Mephibosheth ye püxüve, kughengu ti ye David ngo Saul nu Jonathan pama dolo ashoqhi akeu ghenguno ke.

SAMUEL ATUGHIU 20:42

Tileno Jonathan no David vilo pi, “Aloino wolo, kughengu nikujo no Ampeu je lono tushoqhi püani, ‘Ampeu no nikujo eno nikujo tikughuko gholo pülhapuju apeniu.’” Tishino David ye wuve eno Jonathan ghi mishighüna lo idewove.

SAMUEL ATUGHIU 18:3

Jonathan no David sasü puloshoqhi shi, kughengu pa no pa ampi kimiye aketoi David kimiyeve.

SAMUEL AKINIU 9:1

David no pi, “I no Jonathan ghenguno kikimiye pephe tsünike Saul lagha lo khuana itaghi ani kema?”

SAMUEL ATUGHIU 20:8

Tighenguno, o qeu kimiyeqhiyi tsülo, kughengu nono o qeu sasü Ampeuw puloshoqhi shivae. Ikemu tsala I no pimi aghi aye, nou no I heqhive lo, kughengu kushiye I küghape o pu tsüveni kea?”

SAMUEL ATUGHIU 18:1

David no Saul pütsa tave kemtsa Jonathan mlo no David sasü lakhi shiluve, Jonathan no pa ampi kimiye aketoi David kimiyeve.

SAMUEL ATUGHIU 21:1

Tithiu David no Nob lo achineu Ahimelek lau ighi. Ahimelek no msa khokhoshi David sholu niye ighi no pi, “Khumu o gholo chemo no kushiye o likhi kea?”