SAMUEL ATUGHIU 20:26 - Sumi Naga CL (Re-edited) Bible (BSI)

²⁶ Ikeghi tipani Saul ye kiumu pimove, kughengu pa no kümsü, “Pa lau kiuala shivae. Pa ye mithe movae; mtsüqheino mithe amoe.”

BAIBEL (BSI)

²⁶ ikemu Saul ye tipa tsalani kumu imijumoe, kughengu pano kumsukeuno, “Pa lau kiwala kupunave kehu, paye aphi kimthe shimlano auve kughashi ae.”

SAMUEL ATUGHIU 20:26 Referans Kwoze

ACHINE 15:5

Timi khuu no pa züa buni, momu timi tipau no iqave keu shou iqani keno pa ye azü kuchhuve no aphimini ishiveni eno avela kutolo mithemo niae.

ACHINE 11:27

Apukhu bidi kupu lhoxü dolo apukhumza küdau no alache keqo ye nongu ghenguno mithe moke. Tipaqo shikumo buvekeu ye avelau kutolo mithemo niae,

ACHINE 11:24

“Nongu ye hipaqo vecheo mithe move nani: Khukhumu lhoxü hipaqo shikumo buvekeu ye avelau kutolo mithemo niae,

SAMUEL ATUGHIU 16:5

Pa no pi, “Külakishi lono Ampeu lau aghakishi tsüniye ighi ani. Nongu ampi kishekimthe lo, eno I gholo aghakishi lo ighilo.” Pa no Jesse ngo pa nuliqo kishekimthe no aghakishi lo kusü.

AKIKIHI 19:16

Khukhumu azütakikihi no ghiqhive keu kumo, momu alhoaye kithi thipüaghi keu kumo, momu timi saghi, momu akumoki buve aye, pa ye atsala tsüni kutolo mithe movae.

ACHINE 11:40

eno khukhumu tipau shi chuve aghi, momu tipa kithi kumo pecheghi keu ye aphimini ishiveni eno avelau kutolo mithemo niae.

ACHINE 11:31

Lhoxü jeli hipaqo ye nongu ghenguno mithemo kehu thi aghi kelo bulukeu ye avelau kutolo mithemo niae.

SAMUEL ATUGHIU 20:27

Ikemu thoghiu aqhi kithe pine thiu ghi David-a ye kümsa shive. Ikehu Saul no pa nu Jonathan vilo pi, “Kushiye Jesse nu ye ighina ghi ishi ghi aghulhu lo ighimo kea?”