SAMUEL ATUGHIU 18:10 - Sumi Naga CL (Re-edited) Bible (BSI)

¹⁰ Thoghiu Alhou launo aghawu lhoksa no Saul shou ikughive no pa ye pa kilo atsa pi küghüzü ae, eno David no tsala kipetsü shiche ketoi aheo küigha ae. Saul no pa u lo angupa pesü ngoa.

BAIBEL (BSI)

¹⁰ Thoghiuye Alhou no puwukeu aghahwu lhoksa no Saul qhasuluve, eno paye pa kilo kughuzumi lakhi hutoi ngono atsaza thuve. David ye tsala kipetsulo shiche ketoi, akighilebo igha ae, ipuzu Saul ye angu tsuqu pesu ngoa.

SAMUEL ATUGHIU 18:10 Referans Kwoze

2 Thes. 2:11

Tighenguno Alhou no kübangü keu panongu lau puwu nani, eno panongu no kichileu pülü nani,

KUKAMI ATUGHIU 18:29

Puchomta hecheve eno avela kümllagho do kutolo, panongu no alezüphoi ighamku akemu khunomu khochilemo; khunomu jutsü moe.

SAMUEL ATUGHIU 19:9

Tithiu Saul no pa kilo angupa pesü ngo akelo Ampeu launo aghawu lhoksa Saul shou ikughi. David no aheo küigha ae.

Apostolmi 16:16

Ningu no akighini-a lo wuche kelo aqeliu lakhino ningu sasü kusho. Li ye aghawu ache eno tino li pelo hithiu ghili pilupe keu lono li mpemi no pisa qeluche.

SAMUEL ATUGHIU 16:23

Kughou Alhou launo aghawu lhoksa Saul shou ikughi keno, David no aheo ikhipe pa u lono küigha. Tishiaye Saul ye aghüthi püxü luve no akivi shiveche eno aghawu lhoksa ye pa launo wuveche.

JEREMIYA 28:11

Hananiah no timi kümtsü zülono pi, “Ampeu no ishi piani: Hipaphi lono I no Nebuchadnezzar Babylon kükau kuokhasü eno shiye kümtsü kuokhasü ampe kini dolono hephove tsü nani.” Ikemu tungkupu Jeremiah ye tileno cheve.

KUKAMI ATUGHIU 22:12

Tungkupmi kümtsü no athoshi pi, “Ramoth-gilead lewu no tokulu shilo; Ampeu no tipau pesü akükau u lo süvetsü nani.”

SAMUEL ATUGHIU 26:19

Tighenguno itehi I mpeu akükau no o qeu tsa inilo. Tsala Ampeu no o xukuthope I küla aghi aye, akümllagho Pa tsüve lo, ikemu timi no shi aghi aye, pa ye Ampeu zülo angusü shipeni. Kughengu panongu no Ampeu mheghi yeghi lo I saje kühave peniye ishi tsala lono I haphe no ishi piani, ‘Wuno kütami lhou qelo.’

SAMUEL ATUGHIU 18:9

Tipani no huthusü Saul no David miqe thuve.

SAMUEL ATUGHIU 19:7

Jonathan no David kuno hi kümtsü pa vilo pi. Jonathan no David sasü Saul lau ighi, eno pa ye azüu toi pa gholo ngouve.

XAKUTHAMI 16:20

Li no pi, “Samson, Philistiami ye o lau cheae!” Pa no idathughi no pi, “Thosülo toi I no khalau ipe no ni ampi kuqhoveni.” Ikemu Ampeu no pa phevae pi pa ye mthano ae.

SAMUEL ATUGHIU 19:10

Saul no angupa pesü atozü lo David chheda niye shi kemu pa no Saul launo tsüghüve, eno angupa ye atozü lo chhe pukuve. David ye tipaji ghi pojo luve.