SAMUEL ATUGHIU 18:1 - Sumi Naga CL (Re-edited) Bible (BSI)

¹ David no Saul pütsa tave kemtsa Jonathan mlo no David sasü lakhi shiluve, Jonathan no pa ampi kimiye aketoi David kimiyeve.

BAIBEL (BSI)

¹ Saul ngo David pama kuptsa taluve. Tipathiu Saul nu Jonathan ye David ju ighono pa lokutu sheve eno pa likhi pa kimiye ketoi David kimiyesheve.

SAMUEL ATUGHIU 18:1 Referans Kwoze

AHOLE 18:24

Shompami kutomo akemi ye kütsakungo süghive cheni, ikemu khami ye athiazü nguno punukhoi kemi acheni.

SAMUEL ATUGHIU 20:17

Jonathan no David kimiye kehu itaghi pa pelo tushoqhipe, kughengu pa no pa ampi toi David kimiye ke.

SAMUEL AKINIU 1:26

I thiküzüu Jonathan, o ghenguno ni ye ijuime anie; no ye I lau ighono alokepu shie; I lau ow kikimiye ye akighiche, totimiw kikimiye vekiye ke.

SAMUEL ATUGHIU 18:3

Jonathan no David sasü puloshoqhi shi, kughengu pa no pa ampi kimiye aketoi David kimiyeve.

Kolosiami 2:2

tishianguno panongu mlo shikumtolu, kikimiye lo ghoküqha luno Alhouw tuqhou kighithi, ti ye Khristo, thebei eno kupukuno shi ithikuthulu penie.

BOTHUBO 44:30

“Tighenguno itehi, I no o qeu I pu lau ighi kelo, eno apu huno ningu gholo aghi move keu ithulu aye, pa küxü ye apu küxü gholo tsügha küqhape acheni kehu,

ZAKINIU 13:6

“Tsala o thiküzüu, o pu-anga, nono kimiye chekeu o nipu, momu o poshuu no tuqhouno o vilo no eno o puasüqo no mthakeu lhou vehulo, ‘Nikujo kütau lhouqo mllani ke shilo,’ ipi aye,

YEKIKITHI ATUGHIU 12:17

David no panoqo sholu nike khalau ipeghi no pi, “Nongu no aküsami kiqi lono I kuphu niye ighi aghi aye, I mlo ye nongu gholo ani; ikemu I küghape I ghümi lau thechu niye aghi aye, I u pesü nongu shou bemo namu, ni puasü Lhou no nongu sakiyi nani.”

SAMUEL ATUGHIU 19:2

Jonathan no David vilo pi, “I pu no o pithive niye ani. Tighenguno thanau inaqhe o jukuto luve lo. Tuqhou-a lakhi lo itshü luve lo.

XAKUTHAMI 20:11

Ikehu Israelmi kümtsü no lakhi shino mishighüna lenikeu shive.

LESHELE 86:11

O laghi I shikalo, O Ampeu, tishiaye I no Ow kuchou laghi lo checheni; O je sümsa penike I mlo lakhishi tsügha tsülo;

SAMUEL ATUGHIU 14:45

Timiqo no Saul vilo pi, “Jonathan vecheo Israel lo xakulu kije süghi keghi pa pithiveni keshea? Tishi mlae! Ampeu xü anike, pa kütsü lo asa lothi lakhimu ayeghi lo ikiqimo nani, kughengu ishi pa ye Alhou gholono akümla shivae.” Ikehu timiqo no Jonathan xaphe luve, eno pa pithi move.

SAMUEL ATUGHIU 19:1

Saul no pa nu Jonathan eno pa qemi kümtsü vilo panongu ye David pithive masae pi. Ikemu pa nu Jonathan no David lau shishe alokiqi shiche.

SAMUEL ATUGHIU 20:8

Tighenguno, o qeu kimiyeqhiyi tsülo, kughengu nono o qeu sasü Ampeuw puloshoqhi shivae. Ikemu tsala I no pimi aghi aye, nou no I heqhive lo, kughengu kushiye I küghape o pu tsüveni kea?”

SAMUEL ATUGHIU 22:8

Eno tighenguno nongu kümtsü no I shou küsüqe ani keshea? Kughou I nu no David sasü puloshoqhi shikeno nongu khumu I vilo pimoe. Khunomu I ghenguno amlo samo, momu ishi tsala lo toi, I nu no I qeu xukutho no I mjochile no I miqe ngokhe akeu I vilo pimoe.”

SAMUEL ATUGHIU 23:18

Pama no Ampeu zülo puloshoqhi shi. Eno David ye Horesh lo ngove no Jonathan no aki lo wove.