SAMUEL ATUGHIU 17:4 - Sumi Naga CL (Re-edited) Bible (BSI)

⁴ Tile Philistiami ghazü lono asachuu lakhi Gathmi Goliath ipikeu no khalau ipeghi, pa ye akushulau aunhekipshe toku.

BAIBEL (BSI)

⁴ Timi lakhi pa je Goliat khuu Gat phughi lono ighikeno pano Filistiyami ghazu lono khalacheu ipeghi puzu Israilmi khuthuve. Paye akushu lau miter kuthu ke

SAMUEL ATUGHIU 17:4 Referans Kwoze

JOSHUA 11:22

Israel yeghi lo Anakimi qhoi kühave ikemu Gaza, Gath, eno Ashdod lo khami qhive.

SAMUEL ATUGHIU 17:23

Pa no panoqo sasü küptsa akelono julo, Philistia lo Gathmi asachuu Goliath ipikeu no Philistiami dolono ipeghi no azüu picheke toi itaghi pi. David no pa tsa chilue.

YEKIKITHI ATUGHIU 11:23

Itaghi pa no Egyptmi sübosüghimi akushulau auxakuchho kinia toike ghiqhive. Egyptmi huno pa u lo aghüqasü paphishi angu pecheghi, ikemu Benaiah no asüthalu pesü pa mjo no pa u lono angu süxape pa qhuqhive.

SAMUEL ATUGHIU 27:4

Kughou Saul vilo David ye Gath lo povae pi keno, pa ye phuwu move.

ZAKINIU 3:11

(Rephaim lagha lo ghükulumi gholo Bashan kükau Og likhi ache. Pa lüpa ye ayi lüpa, ti ye Ammonmi yeghi lo Rabbah lo anike kumo? Ti ye akushulau aunhekipshe chighiküthü tüxa, akijelau no aunhekipshe tsügho.)

AMUS 2:9

“Ikeghi panoqo zülono Amorimi kütsave keu ye I no ke, panongu ye akiqhelau Cedarbo toi chuqumghai eno aphisü toi choshiyike; kunguu no pa xathi eno aqhou no pa kuhu aghü I no kütsave tsü.

SAMUEL ATUGHIU 17:3

Philistiami no naghuto lakhi lo ngo, eno Israelmi no naghuto lakhiu lo ngono panongu dolo akhila ae.

SAMUEL ATUGHIU 17:5

Pa ye alazayi kütsükuqho xapu, ayi ghünanu xapu ae, eno paw alazayi ghünanu ye ahu lhotsügho.