SAMUEL ATUGHIU 17:35 - Sumi Naga CL (Re-edited) Bible (BSI)

³⁵ I no apape wuno heqhive püzü pa kichi lono ambe xaphe luve cheni. Tsala pa no ithu I mjochile aye, I no pa kichimhi lono tsüqüpe heqhive cheni.

BAIBEL (BSI)

³⁵ ino apapesu wuno ghadaqhi cheni eno pa kichi lono sulekho luve cheni; tsala pano imujo chile ithughi aye, ino pa kichi mhi lono tsuquluveno ghadaqhi puzu heqhi pithive cheni.

SAMUEL ATUGHIU 17:35 Referans Kwoze

AMUS 3:12

Ampeu no piani, “Ambekheu no abongshuu kichi lono apukhu kini momu akinibo tüxa hakholu keshi, Samaria lo Israelmi akeqo ghi amekusho lakhü acheku lakhi eno alüpa tüxa gholono hakholu nani.

DANIEL 6:22

I Lhou no kungumi puwu no abongshuuqo kichi lakhave tsü, eno panongu ye I ghüza moe, kughengu ni ye Pa zülo tukutiye küha keu shi ithulu; eno o zülo ghi, O akükau, ni ye aghüzapu kiumu shi püamoe.”

LESHELE 91:13

Nono abongshuu eno tuopighi neda ghi chewu nani; o pukhu no abongshuu lhothe eno apighi qodaqhi nani.

SAMUEL AKINIU 23:20

Jehoiada nu Benaiah ye Kabzeelmi aghütomi lakhi, akümla kije shiche kemi. Pa no Moabmi aghütomi kini ghiqhive tsü. Pa no avü kiqi tsalani wuno abongshuu lakhi aqokutho lono heqhive tsü.

SAMUEL ATUGHIU 17:34

Ikemu David no Saul vilo pi, “O qeu ye pa pu mbe khecheni. Eno kughou abongshuu momu ava no aqo gholono ambe lakhi süxape wuveni keno,

SAMUEL ATUGHIU 17:36

O qeu ye abongshuu ngo avaqo ghi heqhi pithi püani, eno aphighü ghamo kemi Philistiami hipau ghi titoi shivetsü nani, kughengu pa no aküxüpu Lhou ghüshimi khü anie.”